أرجو المساعدة ... ماجستير كيمياء حيوية

[smat]

ايوا طبعا عادي

[نورس المستقبل]

ممكن تحدثينا
عن ماده توصيلات وتقنيات من حيث الماده من يعطي الماده غالبا كيف اسلوبها

شكرا مقدما

[smat]

شوفي حبيبتي بما انك تكملي في نفس التخصص ما عليك خوف لأنك اولا عارفه الاستاذات وأساليبهم ثاني شي عندك خلفيه كويسه عن القسم

ب النسبة ل المواد

تواصلات ب تتكلم عن كيف تكتبي الرساله يعني المحاضرات تكون عن كيفيه كتابه المقدمه ,ألطريقه، النتائج، المناقشه المادة سهله جداً بس اسلوب الدكتوره لك عليه
تعطيها هناء قشلان

التقنيات ب تتكلم عن اهم التقنيات المتبعة في المعامل معلوماتها سهله وحلوه ومفهومه مع ارشنا لأنو اصلا منهجها قليل

http://osciences.kau.edu.sa/show_sub..._id=130&lng=AR

هنا ح تلاقي توصيف لكل المواد

[Noor D.algoufi]

السلام عليكم ورحمة الله وبركاته

احب انوه اني مثلكم اول ترم بالماجستير
بس مااعرف ليه دايم يدور الكلام على اسلوب الدكتوره مو عن الماده نفسها
الناقد الجيد واللي يبحث عن العلم تهمه المعلومه اكثر من اسلوب الدكتور
وعن الدكتوره هناء قشلان انا اخذت معاها طبيه اثناء دراستي في البكالوريوس وكانت قمه في الرقي ولا تعصب او تتنرفز الا من اللي يستاهلوا وحتى اذا اتنرفزت تتكلم مع الطالبه باتزان
وبالنسبه للاستاذه ميسون الخطيب فهي جدا راىعه في التعامل خارج الكلاس وحريصه على وقت المحاضره داخل الكلاس وبشوشه ومريحه

فياريت تركزوا على المعلومه وتنضبطوا في المحاضرات وماراح يسير الا اللي ربي يكتبو لكم


*_^ وربي يوفقنا ان شاء الله

[smat]

الناقد الجيد؟؟
استغربت من فهمك ل معنى الناقد الجيد
إحنا ما ننتقد احد اصلا مين إحنا عشان تنتقد دكتوره بس كل احد فينا جالس يقول رأيه من الشي الا شافه كلها آراء شخصيه ما وصلت ل مرحلة النقد

ع العموم ح تجربي دراسه الماستر وتعرفي انه الدكتور اهم من الماده

[Nouveila]

المشاركة الأصلية كتبت بواسطة smat ف نصيحتي ب النسبه للمواد ك التالي تقنيه مع ارشنا ماده اختياريه بس تكون مع ارشنا احصاء حيوي وتواصلات الله يوفقك ويسهلك يارب

الله يعطيك العافية ماقصرتي والله ..

تقريبا مثل ما انا خططت اخذ 4 مواد احصاء حيوي و تواصلات و تقنيات

المادة الرابعة بختار حيوية وراثية .. وش رايك تتوقعي مناسبة لاول ترم و اذا تعرفي من الدكتورة اللي ممكن تعطيها ؟؟

[smat]

لا لا تختاري حيويه وراثيه من الحين

لأنو احتمال تدرسيها وتتعبي فيها وبعدين تكتشفي انها مو ضروريه للمسار الا ح تختاريه خليها ع ثالث ترم

أنا أشوف بما انك مستجده خذي مضادات حيويه او تغذيه المادتين مررا حلوه وتقريبا مشتركه ل كل المسارات

[smat]

http://www.kau.edu.sa/Files/130011/F...الماجستير.docx

ح يفيدك اللينك في معرفة المسارات الموجوده

[Nouveila]

المشاركة الأصلية كتبت بواسطة smat لا لا تختاري حيويه وراثيه من الحين لأنو احتمال تدرسيها وتتعبي فيها وبعدين تكتشفي انها مو ضروريه للمسار الا ح تختاريه خليها ع ثالث ترم أنا أشوف بما انك مستجده خذي مضادات حيويه او تغذيه المادتين مررا حلوه وتقريبا مشتركه ل كل المسارات

تصدقي ماكنت اعرف عن هاذي المسارات ..!!

كذا تلخبطت كل افكاري -.- يبيلي اسوي بحث و اشوف الفروقات بين هاذي المسارات عشان اقدر احدد المواد اللي اخذها ... الله يعين

[smat]

لا تتعبي نفسك الحين في البحث عن الفرق بين المسارات

لانو تخصص الدكتوره الا تختاريها مشرفه ع الرساله هيا الا ح تحدد مسارك اكثر من المواد

لا تتعبي نفسك وتشغلي تفكيرك ادرسي اول ترم بعدها ح تتضح معاكي الصوره