سؤآل مصيري ضروري تجاوبوني عليه ..!!

[-.-Hawazen-.-]

نايس قيرل انا ابغى ارسل رساله لعمادة القبول والتسجيل عندهم بوضعنا وان شاء الله يردون علينا عشان نعرف وش المطلوب وكيف الطريقة ..

[*قطــ ع ـة ســ ك ـــر*]

بنات بليز ردولي معاكم انا نفسي اروح هناك

بس خايفه ..!

[do0odah]

ياعسل لا تاخدي على كلام ام القرى انا دااايما اخلي الطلاب والطالبات يسألو العميد
شوية يقول تحضيري وشوية لا مافي
بس سواء في اولا
يقبلووكي في اي قسم ازا كانت اقل مادة 80 كدة قالي

[N!cE G!rL]

اوك شكرا يا عسل
بس انا ما اعرف متى اقدم هناك
يعني ف اي وقت ولا له مواعيد
لأنو مافي اي شي يفيد ف الويب سايت حقهم << متشررطة

[st@rt]

أنا من الناس اللي قدم في ام القرى السنه اللي راحت على كلية الطب بسبب اعشار في النسبه الموزونه ماقبلوني

والكليات مستقله مافي شيء اسمه سنه تحضيريه لكل الكليات زي ماهو موجود عندنا لانهم وقتها طلبو مني

صور للبطاقه الجامعيه ويكتب عليها كلية الطب شفتها مع صاحبي .بالنسبه للمواعيد الجامعه تنزل برنامج مواعيد

خاص فيها بينزل على الموقع . بالنسبه للاستفسارات في ارقام خاصه بكل كليه اذا حبيتي تدقي عليهم .

اتمنى انه المعلومه وصلت N!cE G!rL

[colours]

المشاركة الأصلية كتبت بواسطة الـجـلادmalek يؤ لحد يتهور ويحول لأم القرى انا من مكة وشارد عنها هههه وانزل يوميا جدة ... كله عشان ما اروح ام القرى خليك في الملك عبدالعزيز احسن لك وانتظري النتائج ووالله يوفقك مودتي

اخوي الجلاد لييش يعني شارد من ام القرى؟ ممكن تفيدنا لو سمحت؟؟؟عشان انا افكر احول هناك.وشكرا

[nado0osha]

المشاركة الأصلية كتبت بواسطة colours اخوي الجلاد لييش يعني شارد من ام القرى؟ ممكن تفيدنا لو سمحت؟؟؟عشان انا افكر احول هناك.وشكرا

بصراحة انا من مكة وسجلت في ام القرى العام وماقبلوني طب انا اقولك ليش الناس بتشرد منها
اول شي النظام الملخبط اللي انتي شفتيه في عبد العزيز يعتبر ولا شي جنبهم وغير دكاترتهم مايعرفو يشرحو زي الناس وكمان يوم التسجيل دا لحالو هم تاني عارفة لمن تسجلي مايقولو لكي اذا انتي مقبولة ولا لأ يعطوكي يوم محدد وتروحي تودي اوراقك هادا لو تبغي تقدمي كطالبة جديدة
انا لمن كان يوم التقديم حقي كان يوم الإثنين وصحباتي يوم السبت والأحد طبعا هما كل وحدة حسب نسبتها الموزونة (الثانوية +القدرات +التحصيلي) المهم صاحباتي الللي راحو يوم الأحد كانو يبغو يدخلو طب ومرة كان زحمة وقالولهم اكتفو وانهم يروحو يدورو كليه تانية ومشورة وتقعدي بالساعات وفي النهاية قبلوهم تغذية وتقريبا قعدو من 8 الصبح ل2 الظهر ودا كلو لسه البطايق ماطلعت مرة هجولة وتعب هادا بالنسبة للتخصصات الصحية يعني الجلمعة اللي في العابدية اما اللي في الزاهر عادي نظامها برضو تعب يوم التسجيل وتقعدي بالساعات بس برضو ارحم من العابدية وطبعا انا يوم تقديمي الإتنين فما رحت لأنو عارفة انو الطب قفل واكتفا فرحت عبد العزيز

[nado0osha]

انا زيك قاعدة افكر احول لأم القرى بس ما ابغا اروح كاني طالبة جديدة حرام تضيع سنة على الفاضي وبالنسبة للسنة التحضيرية حتكون زي عبد العزيز لأنو العام كان فيها سنة تحضيرية في نفس الكلية لكن السنة الجية حتسير زي غزوز وهادا اللي مخليني احول بدل ماادرس المواد تاني من جديد بس ماني عارفة متى وكيف واذا عرفت ان شاء الله ارد في نفس الموضوع
اتمنى اكون افدتك

[υикиσωи]

<< ندوشة منجد حتسير زي عبد العزيز ..!؟!

انا خالتي قالتلي انو تحضيري ...ما صدقتها .. قلت أكيد تحضيري للكيات الصحية ..تحضيري للعلوم .. وزي كدا زي سعود ..!
بسس فلة لو سوو دا النظام لكل السعودية ..

[colours]

المشاركة الأصلية كتبت بواسطة nado0osha بصراحة انا من مكة وسجلت في ام القرى العام وماقبلوني طب انا اقولك ليش الناس بتشرد منها اول شي النظام الملخبط اللي انتي شفتيه في عبد العزيز يعتبر ولا شي جنبهم وغير دكاترتهم مايعرفو يشرحو زي الناس وكمان يوم التسجيل دا لحالو هم تاني عارفة لمن تسجلي مايقولو لكي اذا انتي مقبولة ولا لأ يعطوكي يوم محدد وتروحي تودي اوراقك هادا لو تبغي تقدمي كطالبة جديدة انا لمن كان يوم التقديم حقي كان يوم الإثنين وصحباتي يوم السبت والأحد طبعا هما كل وحدة حسب نسبتها الموزونة (الثانوية +القدرات +التحصيلي) المهم صاحباتي الللي راحو يوم الأحد كانو يبغو يدخلو طب ومرة كان زحمة وقالولهم اكتفو وانهم يروحو يدورو كليه تانية ومشورة وتقعدي بالساعات وفي النهاية قبلوهم تغذية وتقريبا قعدو من 8 الصبح ل2 الظهر ودا كلو لسه البطايق ماطلعت مرة هجولة وتعب هادا بالنسبة للتخصصات الصحية يعني الجلمعة اللي في العابدية اما اللي في الزاهر عادي نظامها برضو تعب يوم التسجيل وتقعدي بالساعات بس برضو ارحم من العابدية وطبعا انا يوم تقديمي الإتنين فما رحت لأنو عارفة انو الطب قفل واكتفا فرحت عبد العزيز

مشكوووووورة ياعسل كفيت ووفيت بس اذا على الدكاترة الا مايعرفو يشرحو موجودة حتى جامعتنا البعض طبعا مو الكل ..بس انا قلت اذا مانقبلت هنا في القسم الا ابغاه افكر احول هناك .. واذا عرفت شي عن التحويل انا في انتظار ردك..وشكرا