لكل متضرر الفرق بين الفيزياء للترم الأول و الترم الثاني !!

[Azzoz1996]

انا مايضحكني الا البنات اللي الا يبغون يحشرون انفسهم بأي شيء..
المهم، انا الحمدلله درجتي كويسة لكن والله الإختبار هذا (ما يتقارن) مع الإختبار اللي جانا..
الله يعين....

[Dr.Ray]

المشاركة الأصلية كتبت بواسطة talal-m منجدكم انتو طلاب خطة الف ! ايش ذا الحسد يعني مبسوطين انه صار فينا كذا اقسم بالله واللي رفعها سبع انه لما ختمت وراجعت وقبل اروح الاختبار كان عندي اختبار مصور من الترم الاول والله حلينه في اقل من نص ساعة . وفي اختبارانا يخلص الوقت ويجيني ايرور ويجي احد يصلح الايرور واقوله تكفى بكمل لسى ما خلصت.! اهمالنا صح ؟ وانا اقولكم ظلممم كبير عيني عينك وسألنا احد من الشخصيات الكبيرة فالجامعة "ليه صار فينا كذا فالفيزياء؟" الرد : عشان يتأدبو طلاب الخصوصي وما يجوا حافظين اسئلة الترم الاول ! احلفو والله ! على حسابنا ! جامعة مافيها عدل ابدا بالاول الاحيااء بعد ما تعبنا فيها الترم الاول وعذبتنا ودرجتي خايسة :) ينقصون لكم المنهج ويصير اقل من اول بكثيير !! والحين الفيزياء يأدبون طلاب على حسابنا! انا ما اقول الا حسبنا الله على كل ظالم وكل من غطى عليه ورقع له بحجة اهمال طلاب خطة وعدم فهم منهجج !

ي عزيزي حط ف بالك انو كل واحد حياخذ الي ربنا كاتبه له ,, ممكن يكون في صعوبة ف الاسئلة ولكن المفترض خلاص تنسى الدرجة ذي وتخلي الاختبار ذا حافز لك انو الاختبارات الجايا تجيب الفل مارك حقك ما راح يضيع وبالنسبة للمنسق حق الفيزياء ماله حق يسوي الشي ذا ولكن ما تدري ممكن نهاية السنة يعطيكم 10 درجات بونس او اكثر ف ما يحتاج السب والزعل ع شي فات لا حيقدم ولا يأخر واخيرا حاب اقلك انو لا تخلي وكالة "يقولون" تلعب عليك لأن منهج الاحياء نفس حق الترم الي راح انا سألت المنسق تبع المادة انو الترم ذا حيكون في حذف او لا بحكم اني سمعت نفس الكلام ف حبيت اتأكد وقلي بالحرف "نفس الي كان محذوف الترم الي فات حيكون محذوف الترم ذا ولكن السنة الجايا حيختلف المنهج وحيكون اقل من السنة ذي" ... مختصر الكلام الناجح هو الشخص الي يستفيد من فشله ويخليه حافز له ويستمر في الاجتهاد لانه دايما اجتهاد + فشل = نجاح
ولا تحاول تبرر لنفسك لانو الاعذار تفتح لك ابواب وكلها تؤدي الى التثبط والتخاذل ولكن اتمنى تروح لأي طالب من خطتكم جاب 30 وتسأله كيف جابها وحاول تستفيد .. طبعا انا لا بدافع عن المنسق ولا بحط الغلط فيكم ولكن حبيت بس اعطيكم نصيحة انو حتا لو جبت ف الاختبار ذا 0 لا تستسلم واجتهد وصدقني تقدر انتا وغيرك تجيبو a+ والله يوفق الجميع ويرزقكم اعلى الدرجات في الدنيا والاخرة

[(سبحان الله)]

اتوقع صوتنا وصل للمنسق عن طريق المنتدى وفهم انه غير مرغوب فيه ولا احد طايق وجهه
ومعوضين خير جميعا

[فاتحة]

ههههههههه اللي متخفي باسم : الحمدلله : وذكر

لهالدرجة حاقد و داعي على غيرك !

ماني شايفة احد هنا طقطق ..

وغير كذا نفس البونس/المنهج اللي اخذوه الترم الاول حتاخذوه انتو بالضببببط لا زيادة ولا نقصان

عشان يصير تكافؤ في فرص التسكين

اما اني حاشرة نفسي

لاني شايفة نفس البلبلة اللي قد صارت في الترم الاول ودعاوي على المنسق وخرط فاضي ..

ولما جيت اشوف اسئلتهم طلعت سهلة

مكبرين السالفة

لو فيه يستاهل اللوم .. فهوا انت ومذاكرتك

ترى ما تتعبون غير نفسكم بهالكلام

و شوف ملفات الدكتور علي زين الزهراني - الله يرحمه ويغفر له - موجودة في المنتدى

شرح و اسئلة تفحط فيها ممكن تستفيدو منها

[@! ALGHAMDI !@]

ي بطل .. الواحد لما يقول جاب الفل مارك مو المقصد انه يطقطق عليك إلا إذا كنت تحس بضعف في نفسك << عاد هنا شك و وسوس قد ما تبغى ولا أحد بيلومك

المقصد واصل للناس الواعيه و الفاهمه إنه مش مستحيل تجيبها لأنو غيرك جابها و إنه مافيه فرق بين واحد والثاني ,,

و ع فكره ترا المنسق ما ضرب لأحد حساب راتبه يجيه آخر كل شهر و لا فكر لا فينا ولا فيك ..

بالنسبه لدعوتك أذكرك أنو فيه ملك يقول ولك مثله هذا أولا

و ثانيا بتوفيق الله و الجد والجهد و الاجتهاد ربنا ما بيضيع تعب أحد و دعوتك ما تعنينا بأي شيء لأنه ماحد ظالمك عشان نخاف منها




موفق ي رب

[(سبحان الله)]

المشاركة الأصلية كتبت بواسطة dr. Franken stein اسئلتكم سهللللله والله لو تجيني ذا الترم اضمن الفل مارك وانا حاط رجل ع رجل ياخي بس شوف الاسئله حقتنا، بعضها خارج من افكار المنهج وبعضها احلها ومايجي موجود بالخيارات ، باذن الله براجعهم ، انا واثق من مذاكرتي واذاكر لها من قبلها بأسابيع لحتى وقتها ، وفي الاخير يجيك واحد ويقول يعتمد ع فهمك للفيزياء ، ياخي اسئله بس مو.متذكرها اتمنى اني تذكرتها ، بس المشكله مو في مستوى الصعوبه ، المشكله في الوقت الضيق الي ما يتلائم مع مستوى الصعوبه ، المفترض يكون في اتزان بين الزمن والصعوبه ،،،،،انتههى

المشاركة الأصلية كتبت بواسطة roodi11 الاسئلة فعلا من المريخ وزحل زي ماانا قلت وياريت ياصاحب الموضوع انك لاتسوي فيها الطالب المثالي وتقول الطلاب مايذاكرو وتحط الغلط ع الطلاب لو الطلاب نفسهم اللي جايبين 30 ف الرياضيات تلاقي درجاتهم ف الفيزيا تحت العشرين هذا معناتو ان العيب في الطالب ؟!!! اتمنى انك تفكر شوي قبل لا تتكلم و عرفنا انك اينشتاين جايب اي بلص بس ياريت لاتتفلسف زياده في شي منت فاهمه

كثرة الكلام مالها داعي و اعتقد هذولا الردين كافيين انهم يسكتوك لكن الواضح انه ما ودك تعترف بغلطك في اتهام الطلاب بعدم الفهم
.بالتوفيق ياعبقري زمانك.

[@! ALGHAMDI !@]

واللي جابوا 30 إيش تقول عليهم ..؟

[َ7LМ]

المشاركة الأصلية كتبت بواسطة @! Alghamdi !@ واللي جابوا 30 إيش تقول عليهم ..؟

مافي احد اننكر انو في طلاب جابو ثلاثين ،

في الي جاب ثلاثين و26 بس عموما ينعدون ع الاصابع ، بس اغلب الطلاب تحت 25 وتحت20
انتا عارف اش يعني كلمه ( نصف الطلاب راسبين )

بعدين الي يرد ويقول اختار مدرس كويس ومدري ايش

ترا هالشي بصمه عار ع الجامعه وع الدكاتره ، معناته الخلل مو مني الحمد الله افهم انا وغيري الي يروحو لخصوصي ، الخلل من دكاترت القسم

[طموح للتميز]

المشاركة الأصلية كتبت بواسطة َ7lМ مافي احد اننكر انو في طلاب جابو ثلاثين ، في الي جاب ثلاثين و26 بس عموما ينعدون ع الاصابع ، بس اغلب الطلاب تحت 25 وتحت20 انتا عارف اش يعني كلمه ( نصف الطلاب راسبين ) بعدين الي يرد ويقول اختار مدرس كويس ومدري ايش ترا هالشي بصمه عار ع الجامعه وع الدكاتره ، معناته الخلل مو مني الحمد الله افهم انا وغيري الي يروحو لخصوصي ، الخلل من دكاترت القسم

أفضل طريقة إنكم تحضرون عنده الكلاسات وتكتبون معاه إللي يشرحه ؛ إذا جاء الدوري الثاني وخرج عن المشروح ... حينئذٍ يحق لكم الإعتراض وبدليل
مجرد إفادة ،،، وشكراً

[abdulrahman moh]

الغامدي واضح انك جاي تطبل للدكتور وعذرك للأسف بايخ تقولي واللي جابو ثلاثين !!!!

يعني خلاص اذا فيه احد جاب ثلاثين هذا يعني ان فرج الحازمي شخص غير ظالم وملاك وجاب الأختبار زي العسل..؟ بالله شوية منطقيه هاه

انت لما تقارن بين معدل الرسوب في " الفيزياء " وباقي المواد راح تعرف المقصد مو تقولي فيه ناس جابو ثلاثين

اذا معدل الرسوب في الكيمياء مثلا 30% .. ف انا متأكد ان معدل الرسوب بالفيزياء 60% ( وهذا مجرد مثال )