استفسار عن تخصص جديد في الأحياء .. اللي عنده اي معلومة ارجو الإفادة

[فطومه]

طيب احد فيكم عارف مجالات العمل فيه يعني ايش ممكن نلاقي بعد التخرج مادام احنا ثاني دفعه الله يسر لنا الخير

[..Nana bnt jime..]

المشاركة الأصلية كتبت بواسطة جناان يعني دحين حينفتح التخصص ولا ويعني ندرس يعني اول احياء وبعدين نتخصص ولا ايش

هلا فيكي جنان ..

المعلومات اللي عندي لين دحين تأكد ان القسم بينفتح هذي السنة واعرف وحدة كانت متخصصة احياء السنة اللي فاتت والسنة هذي بتدخلو ان شاء الله ..

دحين انتي اذا دخلتي علوم اختاري انك تدخلي قسم احياء وبتدرسي هذي السنة احياء عام والسنة الجاية ان شاء الله نتخصصgenetk والله المستعان

[..Nana bnt jime..]

المشاركة الأصلية كتبت بواسطة فطومه طيب احد فيكم عارف مجالات العمل فيه يعني ايش ممكن نلاقي بعد التخرج مادام احنا ثاني دفعه الله يسر لنا الخير

هلا فطومة

والله لين دحين مالقيت شي يفيدني بشأن مجالات العمل ,, لكن مجالات قسم الأحياء عامةً موجودة واتوقع تكون نفسها مثل المختيرات ... وغيرها << ماني حافظة
بس بتلاقيها في موقع الجامعة ..

ان شاء الله افدتك بشي

[R-Kh]

القسم هوا (تقنية حيويه)
والقسم راح يفتح السنة الجايه
هادا الكلام من صحبتي وهيا احياء مستوي 5
...
طبعا لكل اللي بيتخصصوا احياء
راح تدرسوا احياء عام
وبعدين تتخصصوا في الاحياء (حيوان , نبات, دقيقة, تقنية حيوية)
...
يعني عبال ما تخلصوا السنة العام في الاحياء يكون فتح القسم
...
والقسم جديد وجدًا مطلوب في المستشفيات والمختبرات
...
بالتوفيق
..
:)

[جوليا]

كيف رح تكون الدراسه في هدا التخصص(سهله او صعبه) الي هو الاحياء علما باني لازم ارفع معدلي بإدن الله
واتخصص الي ابغاه بليز ردو الي يعرفوون تخصص الاحياء

[R-Kh]

المشاركة الأصلية كتبت بواسطة جوليا كيف رح تكون الدراسه في هدا التخصص(سهله او صعبه) الي هو الاحياء علما باني لازم ارفع معدلي بإدن الله واتخصص الي ابغاه بليز ردو الي يعرفوون تخصص الاحياء

العلم عند الله
بس اي تخصص يبغالو تشدي حيلك
وتقدري ترفعي معلدك بسهولة بـ المواد العامة (ثقافة عربي..)
والمادة الحرة
..
:)

[جناان]

طيب دحين هدا التخصص الجديد ايش حيكون مجال شغلنا وايش حينقال علينا اذا تخرجنا

[R-Kh]

^
مختبرات
معامل
مستشفيات
..
:)

[لوفه]

راسي بيفتر مني عارفة ادخل احياء واتخصص تقنية حيوية او ادخل كيمياء حيوي
وكمان سمعت ان الكيمياء الحيوي مو معترف به في وزارة الصحة ولازم اخذ دبلوم قبل ماتوظف صح ولا لا دا الكلام

[R-Kh]

المشاركة الأصلية كتبت بواسطة لوفه راسي بيفتر مني عارفة ادخل احياء واتخصص تقنية حيوية او ادخل كيمياء حيوي وكمان سمعت ان الكيمياء الحيوي مو معترف به في وزارة الصحة ولازم اخذ دبلوم قبل ماتوظف صح ولا لا دا الكلام

حامل بكالوريس الكيمياء الحيوي يخضع لاختبار الهيئة السعودية للتخصصات الصحية
وعليه يتحدد قبوله من عدمه
...
العيب في خريجين الكيمياء الحيويه اننا بنتوظف كـ (فني مختبر) بينما التقنيه الطبيه (اخصائي مختبر)
رغم اننا متقاربين جدا
...
:)