✿!{.. آراءكم في الدكتورات |{للطالبات}ﾟ¨ﾟ*

[نوونيتا]

سلافه محمد في احصاء الاعمال
في احد قد اخد معاها
ابا اعرف شرحها وأسلوبها وتدي بونس ولا لاء

[a_besho0o]

حبيت افيدكم شوي

أ.امل دمنهوري تحليل كمي
تشرح بس مره ركزي معاها و عليها حركات غريبه وواجبات كل شابتر تحل ع السبوره وتحب البنات اللي يشاركون
ومشاركاتها سهله وخفيفه اصلا هي الوحيده اللي ماسكه الماده

دكتوره فتحيه عبد الفتاح نظم معلومات
حاجه تجنن الله يسعدها اخلاق وبشوشه والماده لو بيدها الاسئله كان سهلتها علينا تحب اللي يشاركو معها

انا السمستر السابع واخذت

اخلاقيات منظمات الاعمال أ.ناصر كدسه
يقولو كويس لسه ما جربته

وتجاره الكترونيه أ.شيماء رشاد
برضو يقولو كويسه

ثقافه 3 أ.نسرين العتيبي
كثير مدحوها

واللي تسال عن دكتوره نسمه تراها مره جيدددددهه بالشرح وصارمه شوي كذا احسن عشان ما نستهون فيها ونتدلع

وبالتوفيق للجميع ومعدلات عاليه يارب

[روح حالمه]

الســـلام عليكــم ... افيدوني عن استادة اقبال لنظم المعلومات ؟؟

[Haneen :)]

انا ماخذه مادة مبادئ اداره مع سلافه فيومي وشكلها مرا شديده وكدا وخصوصا انو بيدها 30 درجه ،،
بليز اللي تعرفها او سمعت عنها اي شي يفيدني تردلي

[جامعية-]

بسمه اورقنجي ومنار سبأ

مرا كويسين ويساعدو و يعطو بونس ومن افضل الاستاذات

[جامعية-]

السلام عليكم
ممكن تعطوني فكره عن هادي المواد وتقترحولي استاذات كويسات
محاسبه 101
قانون اداري 230
اخلاقيات العمل 201
نظرية التنظييم 221
ادارة الخدمة المدنية 311

[نوونيتا]

كيف نرمين فهمي في احصاء الاعمال ؟

[Haneen :)]

حابه استفسر عن كم استاذه من ناحية كيف شرحها وادا تدي بونس ولا لا وكيف تعاملها يعني اعرف اسلوبها وكدا

نرمين فهمي >> احصاء اعمال
حنان الجشعم ، حاجه الامام >> اقتصاد كلي
عائشه سارفراز >> elib202
نجلاء ابراهيم ، راويه رضا >> محاسبه 2

[موني بشاره]

المشاركة الأصلية كتبت بواسطة haneen :) حابه استفسر عن كم استاذه من ناحية كيف شرحها وادا تدي بونس ولا لا وكيف تعاملها يعني اعرف اسلوبها وكدا نرمين فهمي >> احصاء اعمال حنان الجشعم ، حاجه الامام >> اقتصاد كلي عائشه سارفراز >> elib202 نجلاء ابراهيم ، راويه رضا >> محاسبه 2

انا اخذت الكلي مع د.حاجهه
شي جدا جميل واخلاق , وشرحها جدا ممتاز بس فيها مط شويه تعيد وتزيد
ف نفس الكلام ويمكن دا شي كويس للناس اللي م تلقط المعلومه بسرعه
وتدربك ع الجزء العملي كمان .
تدقق ف التحضير يعني هيا تحضر بنفسها بس مدري تعطي حرمان ولا لأ , لاني لسا بدرس الماده
اسئلة الاختبار موضوعيه وفي صح وخطا مع التصحيح يمكن تجيب فراغات كمان وماتعتمد ع التيست بانك .
وفقط

[Mnoo519]

السلام عليكم :) هذي خلاصة تجربتي في الكلية
المستوى الثالث:
محاسبة 1 مع اقبال مره كويسه وتشرح بذمه وضمير اسستني صح في المحاسبة وساعدتني في الدرجات على وقتي كانت كل الدرجات على الاختبارات 30_30_40 وحضور السكشن كان اختياري وبس نحل فيه اسئلة الكتاب كل الشرح النظري والعملي في الكلاس الحين تغير النظام

اقتصاد جزئي: مع حنان الجشعم استاذة تجنن شرحها حلوو وامثلتها تثبت في دماغك وواجباتها سهله وتراعي وتكنسل محاضرات بناء على طلب البنات ووجه بشوش مره عسل

احصاء اعمال: مع تهاني البصير الاستاذه كويسه بس صوتها واطي وتجيب النوم وكانت تركز على الحل اليدوي والاختبار كله عالجهاز والسكشن كنت احضر مع هبه شرحها افضل بكثييييير بس سريعه شوي اختبارات الماده صعبه شوي الي يبون يرفعون درجاتهم يروحوا للتعليم المساند مره ساعدني كثير وارتفعت درجاتي الحمدلله

ثقافة1: مع سلوى باجابر مااقول الا الله يستر عليها ماحبيتها تدقق عالحضور كثيييير وتاخذه في اووول المحاضره لو تأخرتي دقيقه غياب مره ماتراعي

عربي2: مع اريج بايوسف مره ياناس حبيتها شرحها حلوو واجبها سهل مره والماده حلوه تجيبي ممتاز بالراحة