كل ما يتعلق باختبار القدرات العامة للجامعيين تجده هنا (موضوع محدث)

[العلم نورر]

ياااختي فيه مرحله ثانيه لاختبار قدررات الجاامعيين للي مااختبرو قدرات بشهر 4 لقبول المااجستير


الي عندها معلووومه تقولها تكفوون

[عذآري..]

السلام عليكم عندي سؤال ياليت احد يجاوبني عليه انا السنه الجايه الترم الاول اتخرج ان شآءالله اقدر اسجل في اختبار القدرات وأختبر قبل ما اتخرج ولا لازم بعد ما اتخرج وشكرآآ ..

[ورود الربيع]

يعطيكم العافيه

[لجين الشريف]

المشاركة الأصلية كتبت بواسطة عذآري.. السلام عليكم عندي سؤال ياليت احد يجاوبني عليه انا السنه الجايه الترم الاول اتخرج ان شآءالله اقدر اسجل في اختبار القدرات وأختبر قبل ما اتخرج ولا لازم بعد ما اتخرج وشكرآآ ..

وعليكم السلام ورحمة الله وبركآته
يمديكي تختبري قبل مآتتخرجي , ولمن تجي تسجلي بقيآس سجلي على آسآس إنك ( خريجة )
موفقه

[شواطئ البحر]

المشاركة الأصلية كتبت بواسطة العلم نورر ياااختي فيه مرحله ثانيه لاختبار قدررات الجاامعيين للي مااختبرو قدرات بشهر 4 لقبول المااجستير الي عندها معلووومه تقولها تكفوون

فيه اختبار قدرات بشهر 7 لكن ما يمديك تسجلي في ماجستير لأن وقتها بيكون مقفل

[إيمآن عبدآلله]

لو سمحتي يآ آختي عندي ثلآث آسئله .

1- آنآ بآلمستوى آلرآبع ينفع آسجل بأختبآر آلقدرآت للجآمعيين ولآلآ ؟!


2- هل آلأختبآر شآمل لآكمآل آلمآجستير وآلدكتورآهـ ولآ آلمآجستير لوحدهـ وآلدكتورآهـ لوحدهـ ؟!


3- مآهي آدنى درجـة نجآح بآلأختبآر ؟!

[كتاب مفتوح]

السلام عليكم ورحمة الله
إذا سمحتم متى التسجيل في الماستر المسائي؟
وهل يسمح التسجيل في قسم الدعوة أو دين من قسم اللغة العربية
وشكرا جزيلا

[بسمة . .]

المشاركة الأصلية كتبت بواسطة إيمآن عبدآلله لو سمحتي يآ آختي عندي ثلآث آسئله . 1- آنآ بآلمستوى آلرآبع ينفع آسجل بأختبآر آلقدرآت للجآمعيين ولآلآ ؟! 2- هل آلأختبآر شآمل لآكمآل آلمآجستير وآلدكتورآهـ ولآ آلمآجستير لوحدهـ وآلدكتورآهـ لوحدهـ ؟! 3- مآهي آدنى درجـة نجآح بآلأختبآر ؟!

أهلاً ايمان ..
1/ ينفع تسجلين لأن مدة صلاحية الاختبار 3 سنوات .
2/ اذا قصدك باختبار واحد تدخلين ماجستير ودكتواره ، زي ماقلت لك الاختبار له مده زمنيه محدده اذا انتهت قبل تقديمك على الدكتوراة ، تدخلين الاختبار ثاني عشان تقدمين .
اما اذا قصدك نفس النموذج يختبر عليه متقدمين الماستر والدكتوراة ، فكلهم زي بعض .
3 / مافيه درجة محددة لإجتياز الاختبار ، لكن كل ماكانت درجتك أعلى كان أفضل لك بالمفاضلة .

المشاركة الأصلية كتبت بواسطة كتاب مفتوح السلام عليكم ورحمة الله إذا سمحتم متى التسجيل في الماستر المسائي؟ وهل يسمح التسجيل في قسم الدعوة أو دين من قسم اللغة العربية وشكرا جزيلا

وعليكم السلام ورحمة الله وبركاته
تسجيل الماستر انتهى الشهر اللي راح ، وغالباَ بيفتح بنفس الوقت العام القادم
واقسام الدراسات الاسلامية تشترط إن تخصصك يكون شرعي
وبالتوفيق لك .

[ندى الأزهار]

الله يوفقكم اللي عنده روابط وملفات عن اختبار القدرات للجامعين تفيدنا يضعها هنا ويكسب فينا أجر

[ليموونه]

الله يسعدكم أبي استعرض المواعيد عشان رمز الموعد
المشكله الرابط مايعرض لي، كانه مو شغال
جربت اكثر من متصفح وبرضو ماضبط
اللي ضبط معاها تعمل برنت سكرين وتنزل الصوره، الله يوفقها

يصير أحط الرمز دايركت واسجل