الاقتصاد الجزئي econ 101 (( بالتفصيل ))

[0147]

{.. bent oo bas ..}

جزاك الله ألف خيير .. وجعله الله في موازين حسناآاآتك

[سم افعى]

النموذج مررررررررررره عقدني في اشياء مني عارفه كيف جات ياريت احد يوضحلنا بليييييييييييز بنوتات ربي يوفقكم

[دانة الدنيا 11]

الله يسعدك بنت وبس

[bent oo bas]

السلام عليكم
بنات اكيييد انا عندي اغلط في النموذج وانا كمان لسه مازكرت المادة
فا انا اسفه لو لخبط احد او اي شي
واتمنى من الجميع يحلوها ويقولولي فين انا غلط
----------
ومع الرد ارفقت الفصل السادس
وربي يوفق الجميع تحياتي

[yesyes]

bent oo bas الله يسعدكِ تحملينا شوي <<<
أنا عندي لخبطة في الباب السادس " كاملاً " مو قادر أفهم رسماته ولا طريقة الحل فيه ؛
المهم أنا قريت الأسئلة اللي انتي حليتيها ....." نموذج الاختبار "

عندي سؤال الله يسعدك مو عارف كيف حليتي من السؤال 41 الى 47 ...اللي هي الأسئلة اللي خاصة بالرسمة
حتى بعد ما شرحتيها وربي مو فاهم .؟؟

هذا شرحكِ

لتكاليف الكلية كيف جات ؟؟
عند نقطة التوازن ننزل خط على الكمية 15 وعلى الثمن 90
ومن نقطة تقاطع ت م ك اللي تتقاطع مع الخط النازل من على الكمية
نزلو عل الثمن حيسير عند 70
ت ك = 70 × 15 = 1050
والايراد الكلي اكبر مربع في الرسم
90×15 = 1350
الربح = ت ك - ا ك


طيب انا سؤال في البداية ( ليش رسمتي على الرسمة ...؟؟؟؟)
وايش فايدة الخطوط اللي انتِ رسمتها ..؟؟؟
وفين الخطوط اللي تقاطعت وعشانها بدل ما نضرب 15 في 90 ضربناها في 70 ..؟؟؟؟
واصلا ليش نزلنا الخط عل الــ 15 ....؟؟؟



امممممم ..سوري وربي مو فاهم

<<< اذا شايفه ما فيه امل ( لا تتعبي فسك في الشرح

[bent oo bas]

المشاركة الأصلية كتبت بواسطة yesyes bent oo bas الله يسعدكِ تحملينا شوي <<< أنا عندي لخبطة في الباب السادس " كاملاً " مو قادر أفهم رسماته ولا طريقة الحل فيه ؛ المهم أنا قريت الأسئلة اللي انتي حليتيها ....." نموذج الاختبار " عندي سؤال الله يسعدك مو عارف كيف حليتي من السؤال 41 الى 47 ...اللي هي الأسئلة اللي خاصة بالرسمة حتى بعد ما شرحتيها وربي مو فاهم .؟؟ هذا شرحكِ لتكاليف الكلية كيف جات ؟؟ عند نقطة التوازن ننزل خط على الكمية 15 وعلى الثمن 90 ومن نقطة تقاطع ت م ك اللي تتقاطع مع الخط النازل من على الكمية نزلو عل الثمن حيسير عند 70 ت ك = 70 × 15 = 1050 والايراد الكلي اكبر مربع في الرسم 90×15 = 1350 الربح = ت ك - ا ك طيب انا سؤال في البداية ( ليش رسمتي على الرسمة ...؟؟؟؟) وايش فايدة الخطوط اللي انتِ رسمتها ..؟؟؟ وفين الخطوط اللي تقاطعت وعشانها بدل ما نضرب 15 في 90 ضربناها في 70 ..؟؟؟؟ واصلا ليش نزلنا الخط عل الــ 15 ....؟؟؟ امممممم ..سوري وربي مو فاهم <<< اذا شايفه ما فيه امل ( لا تتعبي فسك في الشرح

انا حاقولك كل شي وخطوة خطوة
دحين اول شي من الرسم لازم اطلع الايراد الكلي والتكاليف الكلية والربح ( صح)
وعشان رسمه لازم تكون مستطيلات عشان اقدر اطلع مساحة المستطيل ( الطول × العرض)
طيب نجي في الرسم لازم انزل خطوط عشاان اقدر اطلع المساحة
وكل خط ليه معنى
الايراد الكلي لازم يكون اكبر مستطيل في الرسم .. ليش؟؟ عشان الايراد الكلي يعني التكاليف + الربح ( يعني كل الفلوس اللي اندفعت )طبعا هادا الخط النازل كم ام على الثمن ومن ام على الكمية اكبر مستطيل

بعدين محل ما يقطع ت م ك الخط اللي رسمتو نازل على الكمية
طيب ليش هادي النقطة بالذات ؟ عشان لازم يطلع مستطيل ويكووون جزي من مستطيل الايراد الكلي
هادا الخط حيقسم الرسمه جزئين الجزي اللي تحت التكاليف الكلية
والجزء اللي فوق ربح (( وعشان هو تحت خط الايراد الكلي سار ربح غير عادي ،، لو كان عليه حيسير ربح عادي ،، ولو كان فوقو خسارة ))
اتمنى تكوووون فهمت كل النقاط ولو في شي انا في الخدمة

[yesyes]

للرفع

[yesyes]

الله يسعدكِ بس اعطيني فرصة اقراء كلامك واطبقه ...واشوف مشيت معاه والا لا ..؟؟
وربي من امس انتظرك تدخلي ...

ثواني بس وارجع

[bent oo bas]

المشاركة الأصلية كتبت بواسطة yesyes الله يسعدكِ بس اعطيني فرصة اقراء كلامك واطبقه ...واشوف مشيت معاه والا لا ..؟؟ وربي من امس انتظرك تدخلي ... ثواني بس وارجع

انا اسفة والله وانا معاااك هنا الييين تفهم كل الفصل باذن ربي

[yesyes]

اولا الله يسعدك دنيا واخرة ...
ثاناً بـ الله عليك ما تحرجي نفسك ( لو شفتي انو تفهيمي صعب ..ترا اللي عملتيه كفاية والله يجزاك كل الخير )


____


بعد كذا نبدأ بـ السؤال ...
يا بنت الله يسعدك دحين الله ابغى اعرفو ( ايش معنى حطتي الخطوط بدي الأطوال ..؟؟)
يعني اقصد ايش معنى حطتي الخط من على الــ ( 90 ) ليش ما بديتي الخط من فوق من الـــ ( 110 ) مثلاً ...؟

يعني بشكل أوضح ( كيف حددتي بداية الخطوط ونهايتها ..؟؟؟