✿!{.. آراءكم في الدكتورات |{للطالبات}ﾟ¨ﾟ*

[dode699]

السلام عليكم

كيفكم بنات

حابه اسالكم ايش رأيكم في دكتوره عائشه معيض الريعي تدرس المدخل الى علم النفس

وشكرا

[najmah]

بنات ربي يسعدكم

اراءكم :)
د. أمل دمنهوري تحليل كمي
د. خديجة حريري أساسيات تمويل

وبالتوفيق للجميع

[shosho-9]

المشاركة الأصلية كتبت بواسطة najmah بنات ربي يسعدكم اراءكم :) د. أمل دمنهوري تحليل كمي د. خديجة حريري أساسيات تمويل وبالتوفيق للجميع

د.خديجة حريري ♥️ شرحها مررررة كويس واخلاقها كمان وتربط الشرح بالواقع وتعطيكي معلومات مرة مفيدة
يعني من جد تخرجي من محاضرتها فاهمة
وفي الدوريات والنهائي تعطيكي ورقة اسئلة خارجية ( اختيارية ) تكون بونس

[najmah]

المشاركة الأصلية كتبت بواسطة shosho-9 د.خديجة حريري ♥ شرحها مررررة كويس واخلاقها كمان وتربط الشرح بالواقع وتعطيكي معلومات مرة مفيدة يعني من جد تخرجي من محاضرتها فاهمة وفي الدوريات والنهائي تعطيكي ورقة اسئلة خارجية ( اختيارية ) تكون بونس

الله يسعدك طمنتيني طيب كيف المادة وشرحها إنجليزي كلوو ولا بالعربي

الأسئلة الخارجية قصدك للي يبغى يحسن درجاته يختبرها ...

وشكرا ع المعلومات

[shosho-9]

المشاركة الأصلية كتبت بواسطة najmah الله يسعدك طمنتيني طيب كيف المادة وشرحها إنجليزي كلوو ولا بالعربي الأسئلة الخارجية قصدك للي يبغى يحسن درجاته يختبرها ... وشكرا ع المعلومات

المادة حلوة ومهم انك تحضري المحاضرات لانها فهم
عادي تشرح بالعربي و كمان بالانجليزي
واذا ما فهمتي شي اساليها عادي تعيدلك الشرح لين ما تفهمي
ايوا هيا توزع اسئلة بونس مع الاختبار عشان تحسن الدرجات
وهيا اول محاضرة حتقول على كل شي
اول محاضرة يمكن تكون شديدة شوية عشان البنات لا يستهترو بس بعدين مافي احسن منها

[najmah]

المشاركة الأصلية كتبت بواسطة shosho-9 المادة حلوة ومهم انك تحضري المحاضرات لانها فهم عادي تشرح بالعربي و كمان بالانجليزي واذا ما فهمتي شي اساليها عادي تعيدلك الشرح لين ما تفهمي ايوا هيا توزع اسئلة بونس مع الاختبار عشان تحسن الدرجات وهيا اول محاضرة حتقول على كل شي اول محاضرة يمكن تكون شديدة شوية عشان البنات لا يستهترو بس بعدين مافي احسن منها

الله يسعدك ياشوشو كلامك يشرح الخاطر بجد مره كنت شايله هم لاني مادرست بكالوريوس بنفس الجامعة
وكمان موادي كانت عربي فشوي الوضع علي صعب ان شاء الله ربي يسهلها علينا كلنا ويوفقنا

[شوآقي]

السلام عليكم

بنات ايش رايكم فـ

نسرين ملا لـ خدمه مدنيه

مرام ماهين الاتصال في المنظمات العامه

سوزان القرشي بحث وتدريب عام

رجاء الخواجي اداره الجوده في الاجهزه الحكوميه

سلوى اعظم اداره محليه

متخوفه من سوزان ورجاء مدري ليش

كيف المواد مع بعض تمام ؟

انا ماشيه ع الخطه بس ماده خدمه مدنيه و اداره محليه اجلتها من اول

وجزاكم الله خير

[mrm algh]

السلام عليكم
ابغا اعرف مين درس عند
اريج محمد عثمان العنقري (احصاء اعمال)
عائشه احمد (انجليزي)
وفاء عبدالاله قاسم الجحدلي (لغه عربيه )

[karen]

المشاركة الأصلية كتبت بواسطة mrm algh السلام عليكم ابغا اعرف مين درس عند اريج محمد عثمان العنقري (احصاء اعمال) عائشه احمد (انجليزي) وفاء عبدالاله قاسم الجحدلي (لغه عربيه )

اريج العنقري استاذة طيبة لكن شرحها ماتفهمي منه من اول مرة لازم تخليها تعيد عشان تفهمي وماكان تهتم بالحضور

عائشة احمد تجننن وتعتذر كثير وتراجع دايم قبل الاختبارات وتلمح اش المهم خاصة في الرايتينق تعطي موضوع واحد ويجي في الاختبار لكن يهمها انك ماتتأخري قبل مايبدأ الكلاس

[lemoali27]

ممكن اعرف مين افضل سلافه فيومي او مضاوي اليامي في مادة تقييم البرامج الحكومية؟