تجمع بنات الطفوله الحلوين ^_^

[عذبة الاخلاق]

ماشاءالله الله يوفقكم وان شاءالله يارب السنة الجاية انا معاكم هنـآ ^^

بس بغيت اسألكم هو دراسة القسم كم سنة ؟؟

3 موو >> لآتصدمووووني :(

[ساكنه في بيتنا]

يب

سنه تحضيري و 3 تخصص = 4 سنوات تفحيط

هذا في حالة إنك ماشيه على الخطه ..

لو كنتي تشيلي و تحطي و تلخبطي مواد مو راسك حتاخدي على راسك في التخرج خصوصا لو غيروا الخطه ..

ربنا يوفقكم كلكم يارب :) ..

[عذبة الاخلاق]

مشكووورة يالغلآ ,

كذآ ريحتيني ^^


انا شفت الخطة الدراسية حلوة بس احس فيها ضغط شوي خصوصآ مع التكاليف ففكرت كذا احذف واضيف مواد << يعني ان شاءالله لو انقبلت ^^


بس بعدين قلت يابنت خليكـٍ مع الناس ّ’’


ومشكورة مرة ثانية

[ساكنه في بيتنا]

مممم شويه و الله ضغط بالذات انو العملي تقريبا في كل ماده يعني لو تاخدي 6 مواد كانك تاخدي 12 ماده

بس و الله حلو و تعدي ,, انا كل ترم كنت اقول الترم دا حانتحر

يخلص الترم و انا لسى عايشه و الترم التاني اقول حانتحر و يخلص و انا لسى عايشه

و الحمد لله اتخرجت و جدا فخوره بكل الانجازات اللي عملتها

لأنو لما تتعودي على الضغوطات و الكرف كل شي حيكون سهل ان شاء الله ..


دي وجهة نظري و خليكي مع الخطه صدقيني حتكسبي بإذن الله ..


ربنا يكتبلك الخير يارب ..

[أميرة البنفسج]

[size="6"]حمستوني ادخل دراسات طفولة
لاني انا سنة تحضيري
بس بنات عندي سوال لما تتخرجي تلاقي وظيفة ولا لأ
كمان الراتب يكون مرة قليل صح ولا خطأ

ردوا علي الله يوفقكم
[/size]

[عذبة الاخلاق]

والله انا اعرف بعضهم اتوظفوا بمدارس اهليه بس الراتب كان قلييل بس بعضهم بروضات حكومية والراتب ماشاءالله حلوو

وانا فكرت وكنت مترددة عشان ذا الشي بعدين قلت يابنت ,,, الرزق بيد الله خليك في الدراسة الحين وخليها على ربك ^^

[نسمات]

المشاركة الأصلية كتبت بواسطة عذبة الاخلاق والله انا اعرف بعضهم اتوظفوا بمدارس اهليه بس الراتب كان قلييل بس بعضهم بروضات حكومية والراتب ماشاءالله حلوو وانا فكرت وكنت مترددة عشان ذا الشي بعدين قلت يابنت ,,, الرزق بيد الله خليك في الدراسة الحين وخليها على ربك ^^

كلامك عين العقل عذوبه
فعلاً الارزاق بيد الله ياما ناس متخصصين تخصصات قالو لهم انها
مطلوبه بس ماستفادو شئ ماتوظفو ولاشئ

[نسمات]

طيب حبيبات البي
عندي سؤال اللي هو انا كمان شفت الخطه
وشفت انو المواد اللي فيها 6مواد في السميستر الواحد
طيب وكل ماده 3 ساعات طيب هنا متى راح ارجع البيت على كدا
يعني بالعربي ياليت حد منكم يشرحلي جدوله
دعواتكم انو اتسكن هنا عندكم

[عذبة الاخلاق]

^^^^^^^^^^^

من جد ,,,

ياليت ان شاءالله نلقى اللي يفيدنا ,

[مجنونة بيبي]

حبايبي ابغا اعرف كم لازم اجيب معدل عشان ادخل قسم دراسات طفوله؟؟؟



اتمنى تفيدوني .. وقولولي اقل معدل من كم لين كم ..