وظائف نسائية في الخطوط السعودية (بكالريوس - ماجستير) جدة

وريف27 · 14-09-2011, 10:36 AM

الحمدلله توي جيت من الاختبار

مااقدر اقول عليه لا سهل ولا صعب

الله يوفقنا جميعا

المشرفه خبرتنا مثل ماذكرو الاخوات انه في تدريب

لمدة سنه ونصف

وبراتب 7000 للبكالوريوس والماجستير

وسألت المشرفه كم عدد الي طالبينهم في تخصص الماليه

جاوبتني في الثلاثين

انا متشككه هل تقصد عدد المقبولين في كل التخصصات في الثلاثين ولا بس الماليه

موفقين ان شاءالله

user1 · 14-09-2011, 01:27 PM

ماعجبني الاختبار
الحمد لله على كل حال
يا رب نتيجتي تكون طيبة

أنا المتفائله · 14-09-2011, 10:49 PM

بالتوفيق انشتء الله
واللي ربي كاتب لها هدا الوظيفه بتكون من نصيبها واللي ربي مو كاتب لها لاتزعل إن شاء الله تحصل احسن منها
بس بالله اللي تجيها رساله تعطينا خبر حيكون على الاسبوع الجاي عشان الواحد يعرف ايش وضعه
ومشكووووووووووووووورين إن شاء الله

ساره من جده · 15-09-2011, 07:02 AM

انا صراحه اجتزت الايلتس و اختباراتي برا لمرحله الماجستري كانت كلها بالانجليزي بصراحه ماقد شفت اختبار يصاغ بهذه الطريقه هذي اول مره اشوف اختبار كدا
يعني لا يمكن يحدد مستوى المفردات اللي عندك
ولا القدره على التعبير بالكتابه الاكاديميه الصحيحه
ولا قدرتك على السمع والتقاط الكلمات بسرعه ولا شي
مااعرف ؟؟ ايش اقول ؟؟

على العموم اللي يجيها رد بخصوص النجاح في الاختبار او غيرو تخبرنا عشان ننتظر احنا كمان
بالتوفيق
اختكم ساره