الأسئلة والاستفسارات عن كلية طب الأسنان ..

[Dr~NanoOok]

المشاركة الأصلية كتبت بواسطة تلاوة فيه دراسة طب اسنان بجامعة الملك عبدالعزيز بفلوس وانتظام ؟؟ يعني لشخص نسبته 80 وشهادته التانوية لها 10 سنوات ؟

للاسف لا يوجد

دخول كلية طب الاسنان لازم يكون بعد اجتياز السنة التحضيرية
ومن شروطها عدم مرور اكثر من 3 سنوات على شهادة الثانوية

[hadeel a]

أول شي حابة أشكر كل اللي بيجوابو عن أسألتناUNIQUE .... DR.Nanok د .مزاج يعطيكم الله الف عافية
تاني شي : عندي سؤالين
السؤال الأول : كتير سألو عن دورة الطب اللي يوم السبت و برضو عرفت أن مو مره مفيدة لطب الأسنان بس أنا اللي ابا اعرف رأيكم أروحها و لا لا يعني بأيش تنصحوني ؟
تاني سؤال : أنا الحمدلله من يوم ما دخلت الجامعة و أنا درجاتي غالبا كاملة بس عندي مشكلة و هيا أن لو درست شي و متلا مرت علي فترة أنساه يعني أحس مخي يمسح أول بأول فأبغا أعرف دي المشكلة حتأثر عليه فيدراسة طب الاسنان و لا لا و ادا حتأثر فأبغا أعرف قدي أي حتأثر ؟
و شكرا لكم

[Dr~NanoOok]

اهلين دكتورة هديل ؛)

العفو ياعسل .. و اتفضلوا اسألونا كل اللي بخاطركم
وبنحاول نساعد بعضنا على قد ما نقدر ^^

انا ما حضرت الدورات اللي عملوها طلبة med08 & med09
وما اعرف طبيعة برنامجهم والدروس اللي فيها

لكن اهم شي حيكون جزء فيها للمصطلحات الطبيه
وهذه اكثر شي حتستفيدوا منه

وبما ان اغلب مواد ثانية اسنان زي البشري.. اكيد حتفيدكم

انا قبل ما ادخل اجامعة حضرت دورة للمصطلحات طبية و مواد الطب من تشريح و فسيولوجي وبقية المواد
وجدا جداااا استفدت.. سهلت عليا خلال الدراسه
فانصحكم تروحوها
ويصير كمان تتعرفي على بنات البشري.. يصير تتبادلوا الخبرات بعدين وقت الدراسه

----

بالنسبة للدرجات "^^
ما احب احبطك ولكن لازم احطك بالصورة .. في الطب مافي شي اسمه درجات كامله !

لان التصحيح والاسئلة وتوزيع الدرجات مختلف
و مقارنةً بالتحضيري.. فكثيرين يقولوا ان التحضيري جدا سهل بالنسبة له

لكن تقدري تجيبي الامتياز اذا شديتي حيلك
والاسنان يعتمد على العملي.. واغلب الدرجات عليه وحتشوفوا كده بسنة ثالث و السنوات الاكلينكية بعدها

والطريقة الصحيحة انك تزاكري اول باول
وبعدين قبل الاختبرات الفاينل تراجعيها .. لان كميه المنهج كبيرة وما تتخلص في مذاكرة قبل الاختبارات فقط

ومزاكرتها حلوة وممتعه ولا تاخدي هم كبير ليها
وبالتوفيق

[hadeel a]

المشاركة الأصلية كتبت بواسطة dr~nanoook اهلين دكتورة هديل ؛) العفو ياعسل .. و اتفضلوا اسألونا كل اللي بخاطركم وبنحاول نساعد بعضنا على قد ما نقدر ^^ انا ما حضرت الدورات اللي عملوها طلبة med08 & med09 وما اعرف طبيعة برنامجهم والدروس اللي فيها لكن اهم شي حيكون جزء فيها للمصطلحات الطبيه وهذه اكثر شي حتستفيدوا منه وبما ان اغلب مواد ثانية اسنان زي البشري.. اكيد حتفيدكم انا قبل ما ادخل اجامعة حضرت دورة للمصطلحات طبية و مواد الطب من تشريح و فسيولوجي وبقية المواد وجدا جداااا استفدت.. سهلت عليا خلال الدراسه فانصحكم تروحوها ويصير كمان تتعرفي على بنات البشري.. يصير تتبادلوا الخبرات بعدين وقت الدراسه ---- بالنسبة للدرجات "^^ ما احب احبطك ولكن لازم احطك بالصورة .. في الطب مافي شي اسمه درجات كامله ! لان التصحيح والاسئلة وتوزيع الدرجات مختلف و مقارنةً بالتحضيري.. فكثيرين يقولوا ان التحضيري جدا سهل بالنسبة له لكن تقدري تجيبي الامتياز اذا شديتي حيلك والاسنان يعتمد على العملي.. واغلب الدرجات عليه وحتشوفوا كده بسنة ثالث و السنوات الاكلينكية بعدها والطريقة الصحيحة انك تزاكري اول باول وبعدين قبل الاختبرات الفاينل تراجعيها .. لان كميه المنهج كبيرة وما تتخلص في مذاكرة قبل الاختبارات فقط ومزاكرتها حلوة وممتعه ولا تاخدي هم كبير ليها وبالتوفيق

مررره شكرا لك تسلم يدك
لسه ما اتعودت يقولولي دكتورة
بس كنت أبا أسأليك فين حضرتي دورة المصطلحات ؟
لا ما أحبطتيني و لا حاجة بالعكس حمستيني
و ياريت اللي يعرف عن دورة يوم السبت يا ريت يفيدنا

[Dr~NanoOok]

المشاركة الأصلية كتبت بواسطة * رولا * سؤالي شويتين سخيف بس مهم ليّا أنا كنت في التحضيري لازم أشيل معايا كتبي للمحاضرات عشان أكتب ملاحظاتي وأعرف فين بنأخذ وكدا وكانت مرة تتعبني وأكيد كتب الطب حتكون أثقل منها فهل فيه عند البنات دواليب (لوكر) ولا لأ؟ وأبغى أعرف لو سمحتوا إذا كنتوا تشيلوا معاكم الكتب للجامعة؟

بالعكس لا سخيف ولا حاجة
خدي راحتك واحنا اخوات ما بينا شي

صعبة تجيبي كتاب بـ 500-700 صفحة معاكِ بالجامعة :p

لا ما يحتاج تجيبي الكتاب
واكتبي النوتز حقتك بدفتر يصير شوفي المهم منها و اشرّي ع الكتاب بالبيت لو احتجتي
واغلب المزاكرة تكون من الشيتات

وكتب القسم حقت الاناتومي والهيستو تقدروا تاشروا عليها
لانها كتب صغيرة وكلامها مختصر

بالنسبة للوكرز
هو المفروض سنة ثانيه عندهم
بس عشان اعدادكم كترت ماشالله
الدفعتين السابقة اعدادهم فوق السبعين
وكنا اول ما نتعدى الستين

فما تكفي اللوكرز
لكن إن شاء الله يجيبوا لوكرز زياده
وحتكون بلاش مو زي الكليات التانيه بفلووس ^_^

المشاركة الأصلية كتبت بواسطة hadeel a مررره شكرا لك تسلم يدك لسه ما اتعودت يقولولي دكتورة بس كنت أبا أسأليك فين حضرتي دورة المصطلحات ؟ لا ما أحبطتيني و لا حاجة بالعكس حمستيني و ياريت اللي يعرف عن دورة يوم السبت يا ريت يفيدنا

ولا يهمك يا احلى دكتورة
حتتعودي عليها إن شاء الله الين لما تطفشي كمان :p

واحلى شعور لما تجيكِ مريضة وتقولك هيا وتدعيلك
ارررروع شعور والله لما تساعدي غيرك

اخدت الدورة مع النادي العلمي السعودي
بس دحين ماصاروا يعملوا

[* رولا *]

سؤالي شويتين سخيف بس مهم ليّا
أنا كنت في التحضيري لازم أشيل معايا كتبي للمحاضرات عشان أكتب ملاحظاتي وأعرف فين بنأخذ وكدا
وكانت مرة تتعبني وأكيد كتب الطب حتكون أثقل منها
فهل فيه عند البنات دواليب (لوكر) ولا لأ؟
وأبغى أعرف لو سمحتوا إذا كنتوا تشيلوا معاكم الكتب للجامعة؟

[baderz]

السلام عليكم ,, انا لمن دخلت الاودوس مكتوب التخصص: طب اسنان (خطة جديدة ) والتعريف :مثبت بعد السنة التحضيريه . اش يعني مثبت بعد السنة التحضيريه ؟!

[Dr.Jim]

السلام عليكم .. بنزعجكم بالاسئلة الى بداية السنه خخخخخخ .. انا قريت ان فيه مقابلة شخصية فحبيت اسأل وشلون طبيعتها ؟ وشكرا :p

[Dr~NanoOok]

المشاركة الأصلية كتبت بواسطة dr.jim السلام عليكم .. بنزعجكم بالاسئلة الى بداية السنه خخخخخخ .. انا قريت ان فيه مقابلة شخصية فحبيت اسأل وشلون طبيعتها ؟ وشكرا :p

على سنتنا ودفعات 08 & 09
و 10 كمان اعتقد

مافي مقابلات شخصية .. لكن رجعوها زي زمان

على العموم الدفعة اللي قبلي قالولي ان المقابله فقط شكل
يعني الكل خلاص مقبول بالتخصص.. والمقابله شكليه بس

والاسئلة تكون عادية يشوفوا شخصيتك وكم سؤال كده ع السريع

[Dr~NanoOok]

بالنسبة للمصطلحات .. هذه ملزمة مره حتفيدكم إن شاء الله
وممكن تخلوها مرجع ليكم بعدين

المشاركة الأصلية كتبت بواسطة dr~nanoook قمنا بإعداد هذا التلخيص البسيط وتحرينا فيه الإتقان من أجل جمع أهم الكلمات المستخدمة في كورسات السنة الثانية لطالبات وطلبة الكليات الصحية بجامعة الملك عبد العزيز , وتم تقسيمه تبعًا لكل جهاز في الجسم ومصطلحاته لتسهيل الرجوع إليه في بداية كل كورس منهي ,, قراءة ممتعة !! دفعة dent-08 http://www.mediafire.com/?hnl2hqcc18jaxfm