نداء لدفعة 13 اي سؤال .. استفسار .. مشكلة .. اكتبها و حنحاول نساعدك

[آموـون]

من طالب>>التسجيل>>جدول الطالب الدراسي :$
وع فكرةة فتح معي الاودس بس ماكو جديد:/

[هوآ الروح]

السلام عليكم ..

بنات انا حابه اسئل عن الرياضيات انا ناقصه في الاختبار حولي 9 درجات لو اجيب في الدوري الثاني 33 ..

يتعوض النقص؟؟ ..او اجيب في النهائي 44 يمدي النقص يتعوض ؟؟!!


مررهـ شآيله همَ ..مآتوقعت أني اجيب هالدرجه !!؟

[Lujain :)]

^

إيوا بيتعوض 3+4 = 7
يعني كأنك مو ناقصه غير درجتين ..

شدي حيلك ودعواتك لي ^^"

[هوآ الروح]

المشاركة الأصلية كتبت بواسطة lujain :) ^ إيوا بيتعوض 3+4 = 7 يعني كأنك مو ناقصه غير درجتين .. شدي حيلك ودعواتك لي ^^"

ربيَ يسعدك ويوفقكَ..
مشكوررهـ

[Bnt Edward]

عندي سؤال عبيط .. دحين المستويات تنحسب بعدد الفصول الدراسية ولا بالسنة الدراسية ؟
ايش يعني مثلا لما تكون في المستوى الأول ؟ أو لما تكون في الثالث ؟
يعني الفصل الكم لك هذا في الجامعة ؟
إن شاء الله تكونوا فهمتوا السؤال

[S.Bn]

لا و الله يا عمري ما فهمت عليك

[just sweet]

السلام عليكم
اخخخباركم .....؟؟!
ان شاأء الله بخير
حبيت استفسر عن المستوى الثالث بالانجليزي
وش مواضيعه وكيف درجة الصعوبه بينه وبين الثاني
وشششكرا مقدما =)

[S.Bn]

المشاركة الأصلية كتبت بواسطة just sweet السلام عليكم اخخخباركم .....؟؟! ان شاأء الله بخير حبيت استفسر عن المستوى الثالث بالانجليزي وش مواضيعه وكيف درجة الصعوبه بينه وبين الثاني وشششكرا مقدما =)

و عليكم السلام

الحمد لله بخير و صحة و سلامة

و فاليين ام الاجازة

شوفي المستوى التالت بالنسبة للتاني مرررررة في فرق

و انا بالنسبة لي كان صعب

نصيحة مني ذاكري اول باول و لا تراكميه


و العفو

[سوسو الملاك]

المشاركة الأصلية كتبت بواسطة just sweet السلام عليكم اخخخباركم .....؟؟! ان شاأء الله بخير حبيت استفسر عن المستوى الثالث بالانجليزي وش مواضيعه وكيف درجة الصعوبه بينه وبين الثاني وشششكرا مقدما =)

لا هو سهل مره ومايحتاج مذاكره انا ذاكرته قبل الاختبار بيومين وجبت فيه فوق 90 وكمان في دروس وقواعد مكرره نفس اللي اخذتيها في الثانوي كان عندي مره سهل وتافه

[ReRe.H]

اللي يسألوا عن المستوى الثالث

ابغى ادلو بدلوي واقلكم تجربتي فيه
شوفوا مارح اقلكم سهل لآنه ماضيع البنات غير دي الكلمة وتخليهم يستهينوا في الشي
ويوقعوا ف أغلاط بسييييطة جداً وآخرتها طارت كم درجة وطار الاي بلس ..
وكمان ما اقلكم صعب ! كثيرة عليه هالكلمة
بس انو لازم تذاكري القاعدات والفوكابلري كووووييييس آخر الكتاب موجودة القاعدات
اقريها واقري كيف تستخدم اقري كل فتفووتة هناك والفوكابلري حملناها من موقع الانجلش
بس انا صراحة حملتها من هنا من سكاو فـ إذا تبغوا احطلكم الموضوع عشان تحملوه من دحين
وتشوفوا بس الفايل حق الفوكابلري ملييييييانة الكلمات اطلعوا عليها بس لا تطولوا فيها لآنه في
الاختبارات الالكترونية مايجي شي منها بس اللهم ممكن التيتشر في الكلاس تخليكم تطلعوا ورقة
وتختبركم كم كلمة منه بس ما اعتقد عليه درجات :) .. الريدنق سيركل ترا مررررررة حلوة اول مرة كنت شايلة همها وانه القصة طويلة بس طلعت مرة ممتعة
الميد تيرم كان سهل بس ما اعرف ليه نقصت فيه عموماً كل البنات نقصوا اتمنى انتم ماتنقصوا
والنهائي لا شويية كان اصعب من الميد تيرم .. ايوا صح السي دي مرة حلو يابنات
حاولوا تفتحوه بعد ماتخلصوا مذاكرة القرامر والفوكاب مررررة حيثبتها ف بالكم ان شاء الله
وبالتوفيق ( محدثتكم جايبة اي بلس )