|| تجمع : طآلبات تخصص موارد بشرية , كلية الأعمال - رابغ ||

[شـ ِجـہِےَــنِ...]

مشكوورة شرواي الله يووفقك ياارب

[almaysaa]

يسلمو شراوي

اضفت المحاسبه الماليه من جديد وحذفت الاقتصاد الجزئي> تلعب بالجدول

الله يوفق الجميع ~

[almaysaa]

المشاركة الأصلية كتبت بواسطة البرفسورة رورو almaysaa انا انتساب جدولك يشبه حقي بس مختلف في مادتين انا بدال اقتصاد جزئي أخت عربي2 ومحاسبة مالية بدلها أخت إدارة مالية أنا الموارد البشرية مع مرام

ياختي كل شوي العب بالجدول مره احذف الجزئي ومره الماليه

بالنهايه استقريت حذفت الجزئي ورجعت الماليه واضفت العربي 2

باسئلكم صبايا كيف الدكتوره رجاء للعربي والثقافه الاسلاميه ؟

ومرام لمقدمة الموارد البشريه ؟

[mesho الشريف]

بسم الله الرحمن الرحيم

يسعد مسائكم


بنسبه ليا تقريبا جدولي لك عليه
اداره اداء
تعويضات ومزايا
اقتصاد كلي > افكر احط بدالها قضايا عالميه
التطوير التنظيمي>شكلي بحذفها واحط ماده اختياريه
اداره اعمال دوليه

[ايمان دومان]

السلام عليكم حباايبيي ايش رأيكم في الدكاترة دول .... قانون الاعمال مع صفاء القواسي
أساسيات الاقتصاد الجزئي مع ناديه بخاري
مقدمه في اداره الموارد البشريه مع مرام البكر

كيف دول كويسين تمام شرحهم واسئلتهم؟؟!

[ندووشـه]

^

ولا وحده منهم درستني تمنيت اني افيدك والله بس ان شاء الله الباقي يفيدوك


انا جدولي

استقطاب و اختيار مع استاذه دلال محمد فتحي
التطوير التنظيمي مع استاذه نهال علام
نظم معلومات الموارد البشرية مع استاذه سناء حلبي
قضايا عالمية في ادارة الموارد مع استاذه ابتسام الضمور
و اخيرا ادارة استراتيجية ماهم كاتبين مين الاستاذه للحين

ايش رايكم بجدولي و كيف الاستاذات انا جربت نهال علام و ابتسسام بس الباقي اول مره اتمنى اذا في وحده تعرف طريقتهم تقولي

[شرواي]

طيب كيف استاذه نهال علام و ابتسام الضمور في الشرح و الاختبارات سهله ولا صعبه

انا جدولي

مبادىءالاقتصاد الكلي .. ديانا الحجية
الاستقطاب والاختيار والاحتفاظ .. دلال فتيحي
تحليل وتصميم الوظائف .. نورة الاحمري
ادارة الاداء ..مافي اسم استاذه :(
التطوير التظيمي .. نهال علام
نظم معلومات الموارد البشريه .. مافي اسم استاذه :(

مين اخذة هاذا المواد وكيف جدولي حلو :) ولا مو :(

[ندووشـه]

ديانا الحجيه : ممتازه جدا وشرحها رائئئع و نصيحه كل شيء تقول عليه مهم احفظيه زي اسسمك وراح يجي
طبعا هي اخر محاضره تحب تراجع كل المهم و تحذف زياده و اسألتها جممميله وتنحل بسهوله

ابتسسام الضمور : انسسانه شوي وناخد معاها حبوب ضغط الترم اللي فات , مو ذاك الشرح صراحه لكن اسألتها سهله وحلوه < يعني لا تعتمدي ع الشرح بس انتي بعد فهمي نفسك وبتحلي

نهال علام : هذا اول ترم لي معاها و صراحه على كلام كل البنات الكل بيمدح فيها وبشرحها واسألتها

[leen_]

موضوع جمميل ,, اشكرك اختي ع هالطرح ..

اناجدولي

مبادى اقتصاد كلي : الاستاذه ديانا *

الاستقطاب والاختيار : الاستاذه دلال فتيحي *

ثقافه اسلاميه 3 : الاستاذه مها عبد الله الحميدي*

ماقد اخدت مع الاستاذات ف ماعرف كيف وضعهم سلايدات او كتاب ^ / حابه اضيف مادتين تنصحوني بايش



وجزاكم خير كلكم ع تعاونكم , الله يوفق الجميع ي رب

[مرومه]

مرحبا بنات انا هذا اخر ترم لي نزلت لي 4 مواد من موارد البشرية ولا اعرف ايش المواد الحرة والاختارية اللي تعرف تفيدني الله يوفقكم ويسهل علينا جميعا