تجمع لـمتابعة اجراءات المرشحين و المرشحات بـ رابغ

[كرستال الحربي]

الف مبروك محاضره
اليوم كلمت ا عبدالعالي قال لي لسا مافيه شي

[fresh water]

المشاركة الأصلية كتبت بواسطة حافظة الود الله يسهل لنا يارب.. هانت انتظرنا كثير وما بقي الا القليل ان شاللهانا طبعا باشرت بعد ترشيحي مباشرة لوجود احتياج لتخصصي في الجامعة ولمن باشرت قالتلي د رحمة رح تعاملي معاملة المتعاونة الى ان يصدر رقمي الوظيفي طيب انا خجلت اسألها كيف وضع المتعاونات لانه في بعض الجامعات لا تعطي المتعاونين اي مقابل فقط شهادة خبرة. فهل وضعي كذلك؟ وفيه سؤال اخر كيف بالنسبة للسكن في رابغ يعني سكن اعضاء هيئة التدريس هل فيه امكانية يشملنا احنا المحاضرين لانه تعرفت هناك على كم محاضرة من الأردن يدرسوا في كلية الاعمال وساكنين في سكن الجامعة وآخر حلاوة طيب احنا كيف وضعنا زيهم؟ خاصة اننا في نفس الرتبة الوظيفية يعني محاضرين!

بالنسبة للسكن مااعرف ممكن تستفسري من د. رحمة او د. الجحدلي

اما المتعاونة اذا حاصلة ع البكالوريس الساعة ب 100 ريال واذا ماجستير 150 للساعة
بالتوووووووووووووووفيق

[optimistic lady]

السلام عليكم اتصلوا علي الجامعة وقلي انه شهادة البكالوريس مو لاقيها تبعي 😭😭😭😭
ياربي لاسهل الا ماجعلته سهلا
المهم طلبني اعادل النسبة بمعدل بليز تعرفوا كيف الطريقة يقلي مو لازم الكلية انتي عادليها

[Reflection]

كيف تعادليها هو معدلك من 100 ولا من 5 ولا 4 !!
و غريبة ضيعوها ! ><

[optimistic lady]

معدلي من 100 ويقلي عادليها بمعدل مش نسبة مئوية يقلي اليوم ضروري

[Reflection]

شوفي دا الرابط
http://uqu.edu.sa/page/ar/697

و دا الرابط
http://www.btalah.com/showthread.php?t=410643

[optimistic lady]

شكرا لك رفلكشن جزاك الله خير
ماعرف هو يقلي بسرعة اعطيني بس رقم المعدل اكتبه عندي بس انا احس لازم اراجع الجامعة واجيب ورقة رسمية بالمعادلة افضل
الله يسهل

[fresh water]

تقسمي نسبتك ع 100 بعدين تضربي في خمسة
يطلع المعدل من 5
دحين ادي الحسبة وبكرة ان شاء الله روحي لكليتك وان شاء الله خير

والله اعلم
بالتوووووووووووووووووووفيق

[Manalsb]

المشاركة الأصلية كتبت بواسطة optimistic lady السلام عليكم اتصلوا علي الجامعة وقلي انه شهادة البكالوريس مو لاقيها تبعي 😭😭😭😭 ياربي لاسهل الا ماجعلته سهلا المهم طلبني اعادل النسبة بمعدل بليز تعرفوا كيف الطريقة يقلي مو لازم الكلية انتي عادليها

هي شهادتك من خارج المملكة ؟؟ و بعدين مؤ قادرة استوعب الي قاعدين يسووه دا ، كيف توصل الوحده لمرحلة ما بعد انهاء إجراءات التوظيف و الحين الي يطلبوا المعادله و يكتشفوا ان الشهادة ضاعت.
ليش اللعب بالاعصاب. مؤ كفاية شهور عشان ننتظر ردهم

[optimistic lady]

المشاركة الأصلية كتبت بواسطة fresh water تقسمي نسبتك ع 100 بعدين تضربي في خمسة يطلع المعدل من 5 دحين ادي الحسبة وبكرة ان شاء الله روحي لكليتك وان شاء الله خير والله اعلم بالتوووووووووووووووووووفيق

الله يالحوسة قسمة وضرب وطرح والله مدري ايش تفرق ياعالم هو قلي انه جامعة ام القرى معدلهم من 4 وعزوز من 5 بس انا قلتله ماراح اعطيك اعداد وهمية اصبر علي لبكرة ويسير خير
طيب بس ماتعرفي اراجع مين كليتي الي تخرجت منها ولا الجامعة الله ييسر وشكرا لك