وظائف نسائية في الخطوط السعودية (بكالريوس - ماجستير) جدة

[اللولو]

أخت venus

يااارب يفتحلك كل أبوابه ويحقق لك كل اللي تتمنينه ياعسل ...شكرا مرره طمنتيني

[أنا المتفائله]

ماأحب الانتظاررررررررررررررررررر
الله يعين كلها اقل من اسبوع إن شاء الله هذا اذا ماغيروا رايهم وطووووووووولوا

[ساره من جده]

قبلونا كان بها ماقبلوني بكمل دكتوراه احسنلي ميه مره

[انتظار الوظيفة]

استغفر الله العظيم من كل ذنب عظيم
up

[انتظار الوظيفة]

أخت venus

الله يجزاكي الخير حبت اسالك عن شي سمعته عن الخطوط انو دائما يقولوا فيه تدريب وبعد ماتخلص فترة التدريب يقولون مافي وظايف صحيح ولالا؟؟

[ساره من جده]

venos

يديكي العافيه على المعلومات
هل المقابلات ضروري تكون عن معلومات تخصص المتقدم او فقط مقابله عن الشخصيه واسئله عامه؟؟؟
والاكتفاء بالاختبارات لتحديد المستوى ؟؟

[Venus]

المشاركة الأصلية كتبت بواسطة ساره من جده venos يديكي العافيه على المعلومات هل المقابلات ضروري تكون عن معلومات تخصص المتقدم او فقط مقابله عن الشخصيه واسئله عامه؟؟؟ والاكتفاء بالاختبارات لتحديد المستوى ؟؟

الله يعافيكي ..

اختبار اللغة لتحديد مستواكي في اللغة الانجليزية واللي هي متطلب لكل وظيفة ..
بالنسبة لتخصص تقنية المعلومات فيه اختبار تخصص .. وتم للدفعة اللي قبلكم واللي هي الدفعة الثانية في الخطوط ..
المقابلات غالبا للحكم على شخصية المتقدمة وردة فعلها في بعض المواقف ..

[ساره من جده]

يديكي العافيه اخت venus
على تواصلك معانا بس ممكن تساعدينا فاسئله ممكن تطرح علينا في المقابله وبالنسبه لاسئله الاي تي ايش ممكن تكون الاسئله لو عندك زميلات فقسم الاي تي ممكن يساعدونا يعني كيف حتكون الاختبارات و طريقتها
بالنسبه لاختبارات الانجليزي كان في بنات صراحه عارفين انو الاختبار جرامر انا وكثير ماكنا عارفين فجلستنا نحضر لكل شي كاننا داخلين اختبار توفل لمده شهور وفي الاخير جات الاسئله كلها جرامر ماكنا مركزين عليه كثير
فاتمنى ادا عندك اي معلومه عن المقابلات والائله المتوقع طرحها تساعدينا فيها و
شكرا
ثقلت عليكي

[Venus]

المشاركة الأصلية كتبت بواسطة ساره من جده يديكي العافيه اخت venus على تواصلك معانا بس ممكن تساعدينا فاسئله ممكن تطرح علينا في المقابله وبالنسبه لاسئله الاي تي ايش ممكن تكون الاسئله لو عندك زميلات فقسم الاي تي ممكن يساعدونا يعني كيف حتكون الاختبارات و طريقتها بالنسبه لاختبارات الانجليزي كان في بنات صراحه عارفين انو الاختبار جرامر انا وكثير ماكنا عارفين فجلستنا نحضر لكل شي كاننا داخلين اختبار توفل لمده شهور وفي الاخير جات الاسئله كلها جرامر ماكنا مركزين عليه كثير فاتمنى ادا عندك اي معلومه عن المقابلات والائله المتوقع طرحها تساعدينا فيها و شكرا ثقلت عليكي

بالنسبة للاختبار كانوا في بنات كاتبين انوا حيكون جرامر مو توفل ..
لأنو التوفل بس لبنات الـ it غالبا ..
واختبار الـ it اللي عرفته كان عن التخصص نظري وعملي على الجهاز ..
وأسئلة المقابلة .. ماني فاكرة بالظبط .. بس غالبا يطرحوا أسئلة في مواقف يشوفوا ردة فعلك فيها .. ولازم تكون شخصيتك قيادية ..
فيه سؤال مهم ..
حيسألوكي .. في حال طلبت منك المؤسسة السفر لحضور دورة خارج جدة .. ايش رأيك؟

[Venus]

المشاركة الأصلية كتبت بواسطة انتظار الوظيفة أخت venus الله يجزاكي الخير حبت اسالك عن شي سمعته عن الخطوط انو دائما يقولوا فيه تدريب وبعد ماتخلص فترة التدريب يقولون مافي وظايف صحيح ولالا؟؟

واياكي عزيزتي ..

بالنسبة للي سمعتيه .. غالبا لا ..
احنا كنا أول دفعة .. تم تدريبنا 3 أشهر وبعدها وقعنا العقود والحمد لله ..

الدفعة اللي بعدنا اللي هم الـ it .. تم تدريبهم تقريبا سنتين أو 3 .. وتوظيفهم ..

كل على حسب التخصص ..