قبول الطلاب والطالبات الغير سعوديين

[بحر الحرية]

المشاركة الأصلية كتبت بواسطة صدى الاحساس2010 ياويل حالي 3 اسابيع تهئ تهئ ربي يصبرنا ويقبلووونا ان شآلله >> كنت ناوية ارسل بابا الاسبوع الجاي بس بطلت المهم اخوي بحر الحرية بابا اليوم راح للسفارة السورية عشان يقدم ع منحة دولية وقالوا له مافيه منح دولية وانو كان هالشيء قديما بس هذه السنة مافيه >> على حظي برايك الحين شو اسوي انتظر الجامعة ولا ايش ؟؟؟

أهلين أختي..

بما إنك قدمتي ع الجامعة، انتظري ردهم عليكي..
ولا تيأسي، إنشاا الله ربنا حيكتبلك خير..

الله يوفقك ياارب؛؛

[مرعوبه الدلوعه]

حسبتلك معدلك الموزون طلع 90.40

يعني ان شاء الله في امل :) دعواتك

[بحر الحرية]

المشاركة الأصلية كتبت بواسطة مـ جدة ـلاك السلام عليكم كيف الحال جميعااا ان شاءالله مرتاحين انا بصراحه ماكان عندي خبر ابدا عن المنح وع بالي انها صعبه انا قدمت انتساب ووديت اوراقي متأخر وماجاني القبول وبروح لهم الترم الثاني انا حابه اقدم على منحه لي ساعتين اقرا الردود :) وبجد حسيت انه فيه امل انا نسبتي بالثانويه ادبي 91 والقدرات 93 والتحصيلي 85 ماعرف كم الموزونه المهم دحين كيف اقدر اقدم واذا فيه احد انقبل بنفس نسبتي انا اذا بيقبلون عاادي راح استنى سنه كامله بس ما ابغى استنى ع الفاضي ومتى اقدم يعني استنى للسنه الجايه ؟ \ والمنح الدوليه تهتم بالثانوي ولا القدرات ؟ ولا ادرس انتساب وبعدين اقدم عالمنحه انا ابغى انتظام ياريت احد يفيدني لأني كنت فاقده الامل ولا ابغى انتساب وفكرت ادرس بجامعة من الجامعات اليمنيه بس حابه عبد العزيز مره ونفسي ادرس فيهاا ياريت اللي له تجربه يقولي ويفيدني واللي انقبلو كمان وبجد مشكورين عالمجهود يعطيكم الف عافيه ربنا يوفقكم

أهلين أختي ملاك..
انتي أدبي، كيف اختبرتي تحصيلي؟؟

ع العموم موزونك ف الاداري 91.8
وطريقتها: تاخدي 60% من الثانوية وتضيفيها على 40% من القدرات.

اليوم يا أختي أو بكرة، خلي أحد من أهلك يروح للعمادة قسم الرجال، وياخد كل الأوراق اللي كاتبها ف بداية الموضوع، ويشوف إيش يقولوله، وإنشاا الله ما يكون انتهى التقديم، ولو ما قبلوا الأوراق لأن التقديم انتهى، ارجعي وقولي ايش يصير معاكي.

الحاجة التانية: انتي من أيت دولة؟
والمنح الدولية تختلف من دولة لدولة حسب شروطهم.

ولو دخلتي انتساب، راح تكملي سنة، وبعد السنة لازم تجيبي معدل عالي جدا، وتقدمي على تحويل للانتظام بنفس طريقة التقديم دحين، وأكيد بما إنك مريتي ع الموضوع كامل قريتي رد لأحد الطالبات عن التحويل من الانتساب للانتظام..

لكن انتي حاولي تقدمي دحين ع المنح الداخلية، لأنوو مشاا الله نسبتك حلوة، لأنوو الانتساب انتهى موعد التقديم عليه للترم الأول، والله يسهل عليكي يارب ويحقق لك القبول ف الانتظام إنشاا الله؛؛

[بحر الحرية]

المشاركة الأصلية كتبت بواسطة مرعوبه الدلوعه حسبتلك معدلك الموزون طلع 90.40 يعني ان شاء الله في امل :) دعواتك

أهلين أختي..
كيف طلعتيها 90.4 ؟؟

لأنوو الموزون ف الاداري 60% من الثانوية و 40% من القدرات.

ف الطريقة:

الثانوية: 91×60 /100 = 54.6%
القدرات: 93×40/100 = 37.2%
المجموع = 91.8%


لأنها أدبي، والأدبي ما عندهم تحصيلي لو كنتي حسبتي التحصيلي..

موفقة ياارب؛؛

[مرعوبه الدلوعه]

انا حسبت التحصيلي كمان لانه طلعتلي نتيجة تحصيلي مع اختبار القدرات

حسبتها من الرابط الي بموقع الجامعه نفسو وحتى لما قدممت حسبولي التحصيلي كمان اتوقع

[مرعوبه الدلوعه]

اها طلع الرابط بس للعلمي طيب

طيب فستماره التقديم مطلوب درجة التحصيلي كمان

[بحر الحرية]

المشاركة الأصلية كتبت بواسطة مرعوبه الدلوعه انا حسبت التحصيلي كمان لانه طلعتلي نتيجة تحصيلي مع اختبار القدرات حسبتها من الرابط الي بموقع الجامعه نفسو وحتى لما قدممت حسبولي التحصيلي كمان اتوقع

ما اعرف والله..
بس بحسب اللي اعرفه التحصيلي لطلاب وطالبات العلمي، لأنو مخصص للفيزياء والكيمياء والأحياء والرياضيات.. والأدبي ما عندهم دي المواد..

بس ع العموم معدلهاا فوق الـ 90% ف الثانوية والمركب ف الجامعة..

الله يوفقكم ويحقق قبولكم كلكم ياااارب؛؛

[مرعوبه الدلوعه]

طيب انا لما حسبت التحصيلي طلععلي النسبه 90.90%

احسبلي هيا بدون

الثانوي 97.80

القدرات 88

حسبتها طلع 93.88 صح كده ^.^

[مـ جدة ـلاك]

يسلمو دلوعه

ربنا يوفقك ويعطيكي اللي تتمنيه


بحر الحريه
انا يمنيه
مدري ايش شروطهم
وقدمت انتساب متاخرما قبلوني الترم الاول بس متأكده انهم راح يقبلوني الترم التاني انشاءالله طبعاا
وكثير اكدولي
اختبار التحصيلي كان مع القدرات بشهر 7
ادبي وعلمي
كل واحد ومواده
انا ماعندي مشكله استنى للسنه الجايه واقدم لو انتهى وقت التقديم
بس زي ما قلت اخاف انتظر وما القى شي

دلوعه انتي جاكي القبول ؟

[مرعوبه الدلوعه]

لا والله لسى بس قدمت قبل رمضان

هما كده يتاخرو مايردو بسرعه :(