كل ما يخص وظيفتي باحثة علاقات دولية و كاتبه المطروحة للمنافسة من قبل وزارة الخارجية

[shada_Ak]

اللي بيقولو كذب واشاعات والنتايج لسه ماطلعت


مالنا مصلحه نكدب على احد ونطلع اشاعات


طب احنا حالنا حالكم استنينا وماجانا اتصال ولا شي رحنا للخدمه وسئلنا ودا الجواب اللي ردولنا هوا

وحبينا نقلكم علشان كل وحده تروح للخدمه وتسال عن اسمها بنفسها وتتاكد

مو من محلها جالسة وعلى عماها تقول اشاعه وكذب

وفي النهاية ترى هيا يبنات ارزاق مقسمة

[g000ry]

المعذرة بس والله اتصلت على الخارجية والخدمة اليوم ومثل ماقلت بردي السابق

والمعذرة للمره المليون اذا زعلتو ... بس كلو كان قدام الناس من فرز وكلوه ويوم تطلع الاسماء

يروحو يسون حركات ولازم نحضر شخصيا ولا كمان هذا مقابله شكليه يبغو يشوفو انتي تنفعي اول لا وتوافق عليكي وجع فيهم

لو الموضوع مثل مايقولو على الاقل تعطيك القائمة وتشوفي اسمك بنفسك مو هي اللي تقولك عليه ؟؟؟

رفعو ضغطي وبكرة رااايحه وربي يحلها

[g000ry]

اطالبي مين ومين راح يسمعك

[shada_Ak]

شوفي انا في البداية حسيت بلخبطة


خلوني اقلكم بالزبط اللي سار معايا لما رحت الخدمه


طبعا انا محد اتصل فيا ولا شي بس لما قريت الردود في المنتدى سالت عن العنوان ورحت على وصف الاخت عبير جزاها الله خير

طبعا اول ما دخلت سالتها عن طلعت فوق دخلت مكتب التوظيف وسألت عن نـتائج وزاره الخارجية

قالت ماعندنا شي خرجت وحسيت نفسي ما فهمتها كويس ورجعتلهم المتكب تاني قلتلهم انا قدمت على الوزاره وخلاص اختبرت وانهيت كل شي بتاكد اسمي موجود عندكم ولالا لأنو الخارجية تقول المقبولات اسماميهم موجوده في الخدمه

قامت نطت وحده قالت الاالا وفتحت كشف اسامي وقعت تدور فيه قدامي وكان في اسامي ما لقيت اسمي قالتلي دقيقة اشوف في الاحتياط طبعا اسمي مش موجود لا احتياطي ولا شي
بعدين سالتني اتصلو عليكي ولا سمعتي من صحباتك وجيتي تسالي قلتلها لا محد اتصلبي بس سمعت انو النتايج نزلت وجيت

فهمتو ليش بقلوكم امكن في دفعه تانية لانو فيه اسامي في الكشف مكتوب قدامها احتياط وترى لما طلعت الكشف دورت على اسمي طلعتو عايدي قدامي على الطاولة لا هيا مخبيتو ولا شي وشفتت الاسامي عايدي

واللي يقولو انهم اتصلو على الخارجية وقالولهم انو ما نزلت النتايج لسه ودا الكلام اشاعات ياليت يكونو فعلاا

تعبو نفسهم بجد واتصلو ما وبينقلو كلام من منتديات تانية ويجيبو خبر صحيح

وزي ما قلت في ردي اللي قبل كدا ترى مالنا مصلحه لا في اشاعه ولا نكدب بالعكس اتمنينا النتايج تتاخر بس ننقبل لكن مو نصيبنا

في النهاية ادعولي ربنا يوفقني

[شهرزاد]

^
^
^ مشكوره اختي شدا


بس ياليت تقولي اطلع فوق اي مكتب ؟؟

بكره راح ان شاء الله اجرب حظي

[ساجدة2010]

اخواتي في الله اولا انا ولله الحمد من المقبولات واتأسف جدا على عدم الرد على استفساراتكم منذ مدة ولكن لي فترة طويلة لم ادخل على المنتدى بسبب ظروف خاصة شغلتني
عموما عزيزاتي سوف اشرح لكم ما حصل معي:
1-اتصلت علي موظفة من وزارة الخدمة المدنية في جدة وبلغتني بقبولي ولله الحمد وكان هذا الكلام قبل تقريبا اسبوعين كان يوم الاربعاء الساعة 11 وربع صباحا اذا ما خانتني ذاكرتي
وعلى فكرة هي اتصلت اولا على جوالى لما ما رديت لاني كنت بعيدة عن الجوال مباشرة اتصلت على تلفون البيت
2-المهم طلبت مني اجي على وزارة الخدمة المدنية الفرع النسائي في جدة واعمل الكشف الطبي واجيب شهاداتي معايا
وبالفعل ذهبت للخدمة المدنية وكان الدور الثاني اول مكتب على اليسار وشفت اسمي بنفسي وكمان لاحظت انه فيه اسماء ماشاء الله مرة كتير في الكشف الي عند الموظفة المهم اعطتني ورقة الكشف الطبي وكمان طلب التوظيف عشان اعبيه ولم تاخذ الشهادات وقالت لما تسوي الكشف وتجيبيه اخذ الشهادات
3-عملت الكشف الطبي وطبعا اخذ كم يوم وعبيت طلب التوظيف و اخذت صور من شهاداتي والاصل كمان عشان المطابقة ورحت للخدمة المدنية وبعد الانتهاء من تسليم الشهادات والمطابقة قلت لموظفة الخدمة المدنية ايش نسوي بعد كدا قالت احنا نرفع الكشف الطبي تبعك مع اوراقك لوزارة الخارجية وهم يشوفوا ايش راح يسوا
وحابة ااكد على شي بنات وهو انه المسألة ابدا ما كان فيها واسطات وترى والله العظيم ما اعرف احد ابدا لا من قريب ولا من بعيد وكمان حابه اقولكم انه لما رحت عادي فتحت الموظفة الكشف امامي وشفت اسمي بنفسي معاها المهم بنات ترى صدقوني الرزق مثل ما قال الاخ مازن وبعض الاخوات مقسوم وخالص من زمان تعرفوا من متى من لما كنا اجنة في بطون امهاتنا
وتذركوا (وفي السماء رزقكم وما توعدون فورب البشر انه لحق مثل ما انكم تنطقون)الله يسعدكم ويفتح عليكم ويوفقكم ويرزقكم من حيث لاتحتسبوا وصدقوني انا مريت في حياتي بتجارب كتير وطلعت بشي مهم انه عمري ما خلي الواسطة اعاقة لي في مشوار حياتي اصلا انا ماعترف بها كنت دايما اكلم ربنا واقول يارب انت مالك السموات الارض انت بس الي تقدر تعطيني هذا الشي لا واسطة ولامحسوبية ولاشي وبالفعل حققت اشياء يمكن كانت ضرب من الخيال لكن تحققت ترى ربنا عظيم وبابه مفتوح ترى اصحاب الواسطات مهما كانوا كرماء ترى بس في فترة من وقتهم يكون بابهم مقفل ..لكن باب ربنا على طول مفتوح
ترى اصحاب الواسطات انفاسهم ودقات قلوبهم ما يقدروا يتحكموا فيها فكيف نبغى من اصحاب الواسطات هدول يوظفونا اذا هم نفسهم ما يقدروا يتحكموا فيه ...اطلبوا من مالك الملك واسألوه بيقين وشوفوا بعدها ايش راح يصير
عن أبي العباس عبد الله بن عباس رضي الله عنهما قال : كنت خلفَ النبي صلى الله عليه وسلم يوماً فقال : ( يا غلامُ إني أُعَلِّمُك كلمات : احفظِ الله يحفظك ، احفظِ الله تجده تجاهك، إذا سألت فاسأل الله ، وإذا استعنت فاستعن بالله ، واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك وإن اجتمعوا على أن يضروك بشيء لم يضروك إلا بشيء قد كتبه الله عليك ، رفعت الأقلام وجفّت الصحف)
اسفة مرة تانية بس هادي المرة على الاطالة والله يوفقكم ويفتح عليكم

[g000ry]

طيب من باب محبة الخير للغير كان اول ماسمعتي خبر موافقتك\\

اعطيتينا خبر هنا بالمنتدى يعني لهم اسبوعين واحنا هنا محروقين

حسبي الله عليهم اذا هم ناوين يقهرو في العالم ويمرمطوهم

والله احنا محتاجين ومارح الجاء لغير الله بس الحق مطلوب سنة كااااااااااااااااااااااامله
وبالخير اتصال ومن تحت الطاوله طيب نزلو الاسماء قدام البشر

يعني لازم اروح الرياض اذا بغيت شي واطق باب القلوب الرحيمة تساعدني لازم المذله
اذا رحت بكرة وماشفت اسمي والله لا اسافر الرياض واعرف باب مين ادق


<< معصبه يااااا بشر نبغى نعيش مثل العالم الى متى ؟؟؟؟؟؟؟؟؟؟؟

والله دمعتي نزلت

[اوزلام]

يالله امرنا لله يعني بكرا لازم نروح بنفسنا ونشوف اسمائنا انا عني حروح على 11 والله يعينا عالاشكال والنفس الشينه اللي حنشوفها

[zaitona]

ماقدرت أرسل رساله على الخاص في المنتدى ليييه ؟؟ :(

[منتسبه*]

اختي زيتونه مومشكله انا الان باروح ديوان الخدمه واسال
ماتقدري لان مشاركاتك قليله معليش بس احفظي رقمي عندك وان شاء الله نتواصل

راح اخبركم بكل شي اليوم باذن الله

والف مبروك لكل المقبولات وحظا اوفر للباقي كلها بالنهايه ارزاق من عند الله