English Major : Level 3 .. [ GIRLS ] .. The Lectures

[.. بيســـان ..]

لاء والله مره من يومين سجلت ولسى ما اكتشفت الموقع يدوب شدني التوبكز دا وحبيتكم...

هلا حبيبتي .. و سعيدة جدا بانضمامك لنا ..

و انا حبيت خفة دمك و أكيد ( الشلة ) هنا هههههههه حتحبك ..

و أملي تستفيدي منا و نستفيد منك ..

. الحين الهرجه.. انا عندي الفرنسي221 وشعبتي3 وامتحاني على كدا الاثنين21\2 المصيبه دخلت اشيك على مكان الامتحان مالقيت الماده دي نهائي ؟؟ اش الهرجه... يابناتي افيدوني افادكم الله<<مكثره من برامج الفتاوي.. بجد والله اش اسوي دحين ارجوكم ادوني حل... اتوقع استازتي صالحه..القحطاني >>اممم ممكن تكون اخت ياسر القحطاني.. يؤ يابنات انجنيت...

كل هالهرجة بس عشان مكان الاختبار

ليش بصلتك محرووووووقة .. تعالي بدري و حتشوفي الاوراق الملصقة في كل

مبنى .. مستحيل تضيعي او تتوهي حتى ..

آسفة حبيبتي ,, انا مو مهتمة بأماكن الامتحان ,, عشان كده ما عندي جواب

أكيد ( الشلة ) بتفيدك ..

بيسو والله حبيتكـ يابت من اول نظره..روحي يارب يرزقك الفردوس الاعلى...

خخخخخخخخخخخخخخخخ من أول نظرة .. تسلمي يا قلبي ,,

[*غند*]

بيسان
ههههههههههه يا دوبه لو اني امارس اللي اخذته بالحاسب ماكان انطلت حيلتك علي

ستيل فيل يا
انا اقولك مسمينه ( القراءة والاستيعاب) 221 شوفي نفس رقم الماده بس اظن غلطانين بالاسم
وللتاكيد تلاقي اسم استاذت الفرنسي اللي تدرسك وانا شوفتلك تلاقيها صفحه 59 في الجدول الاماكن

[i still feel ya]

غنود..
ميغسي فوكو..<<هيا لو بجد انا شاطره كنت كتبتها بالفغانس..<<اكبر دلائل الجنان انك تكلمي البي سي..
بجد ياعسل معاكي حق بس دحين مال ابو ام الفلسفه حقتهم..ما حينقلب الكون لو كتبو فرنسي... لازم الفلسفه عندهم..
وصح طلع معاك حق انا في المبنى المنفي ابو اربع ميه...
تسلميلي ياعسل...
يا بنات مين تعرف مكان المبنى 420؛<..ناس بتقول في المنطقه اللي جنب المكتبه المركزيه..وناس تقول قريبه من البوابه الشماليه..!!!!
دحين انا مو عارفه فين ممكن يكون..انا بدخل من البوابه الشماليه..واكيد حجظر قريب من وقت الامتحان بسبب الزحمه.. والمشكله انو السبت بكره عندي اختبار في دا المبنى..
بليز يابنات اللي تعرف مكانو ومتاكده تقولي فين..
هو بجد بجنب المكتبه المركزيه..
او بجنب المبنى 9 و21

[XxDanzxX]

يسااان ياشريره D:
هههههههههههههههههههههههههههه امزح امزح ;]

i still feel ya
المبنى 420 هو هذاك المبنى البعيييييييييد المنفى..
هههههه انفتحت نفسي لمن عرفت انو الاختبارات هناك ماعادا الثقافه :s

[.. بيســـان ..]

ههههههههههههههههههههههههههههههههههههه

مشي المقلب عليكم .. ~

بصراحة يا بنات .. صح مبنى 420 مرة بعيد عن جميع البوابات و تحسوا المبنى معزول عن باقي الأبنية

لكن بصراحة .. تره مرة المبنى يفتح النفس و مريح جدا و كبير .. لأنو جديد

لأنو كان المبنى للأولاد ..

مرة فرحت انو اختباراتنا هناك ..

قريبه من البوابه الشماليه..!!!!

المبنى معزول جدا وبعيد و أقرب بوابة للمبنى هية الشمالية فقط

و المكتبة المركزية جدا بعيدة عن مبنى 420..

خدو مني الكلام الصحيح .. لأني انا رحته أكثر من مرة

[i still feel ya]

وي وي
ام ستل مو عارفه فين حروح...
قايز بليز اعملولي كروكي مبسط...مره ما عندي وقت استكشف وادور بنفسي..
انا برا جده وعلى مااوصل الجامعه يكون اكيد قبل الامتحان بربع ساعه من الزحمه والقرف...
..
روك ستار بيبي..<<جات على المود
يابختك..انا عندي تلات امتحانات في دا المبنى ..>>جوانتانامو الجامعه

[البطه]

لوووول

والله يابنات اسمحولي اقولكم

شكلكم من توتر الاختبارات صارت عندكم ردة فعل
لوووول

انا توني واصله جده ولاكان عندي اختبارات

مابقى مكان مارحت له

عورتني رجولي لكن إن شاء الله بكره الصباح بكمل
الله يوفقكم يابنات

الله يعينكم وانا معاكم كمانا

[MOHMMAD202020]

وشكراً

[الــــغــــلا]

اسال الله العظيم رب العرش العليم ان يسهل علينا الاختبارات متى نرتاح ياربي وتطلع النتايج والكل ناجح ياااااااااارب
لكــــــــــــــــــــل مـــجـــتهد نــصيــــــب بإذن المولى

[.. بيســـان ..]

مقترحات للبراغراف اللي حيجينا في اختبار

Writing 1

طبعا الكلام داخل المرفق منقول من قسم اللغات الأوروبية للأخت Kylie

لأنه صحيح بنسبة 90 %

مشابه جدا .. للي أعطتنا اياه الأستاذة .. و نصيحة مني جهزوا أنفسكم

على أساسه .. و موفقين .. ~