وظائف نسائية في الخطوط السعودية (بكالريوس - ماجستير) جدة

[أنا المتفائله]

..

بالنسبة للي سمعتيه .. غالبا لا ..
احنا كنا أول دفعة .. تم تدريبنا 3 أشهر وبعدها وقعنا العقود والحمد لله ..

الدفعة اللي بعدنا اللي هم الـ it .. تم تدريبهم تقريبا سنتين أو 3 .. وتوظيفهم ..

كل على حسب التخصص ..

ممكن سؤال
لمن دخلنا الاختبار قالوا لنا تدريب لمدة سنه ونص
ثلاثه الشهور الاولى تدريب وبعدها توقيع العقد
انا مافهمت ايش قصدهم
سنه ونص او ثلاثه شهور وبعدها نتعامل كموظفات والراتب يتغير
ياليت تسالي لنا عن هذا الموضوع وتفيدينا
شكرررررررررررررا
يا

[Venus]

المشاركة الأصلية كتبت بواسطة ساره من جده يديكي العافيه اخت venus على تواصلك معانا بس ممكن تساعدينا فاسئله ممكن تطرح علينا في المقابله وبالنسبه لاسئله الاي تي ايش ممكن تكون الاسئله لو عندك زميلات فقسم الاي تي ممكن يساعدونا يعني كيف حتكون الاختبارات و طريقتها بالنسبه لاختبارات الانجليزي كان في بنات صراحه عارفين انو الاختبار جرامر انا وكثير ماكنا عارفين فجلستنا نحضر لكل شي كاننا داخلين اختبار توفل لمده شهور وفي الاخير جات الاسئله كلها جرامر ماكنا مركزين عليه كثير فاتمنى ادا عندك اي معلومه عن المقابلات والائله المتوقع طرحها تساعدينا فيها و شكرا ثقلت عليكي

بالنسبة للاختبار كانوا في بنات كاتبين انوا حيكون جرامر مو توفل ..
لأنو التوفل بس لبنات الـ it غالبا ..
واختبار الـ it اللي عرفته كان عن التخصص نظري وعملي على الجهاز ..
وأسئلة المقابلة .. ماني فاكرة بالظبط .. بس غالبا يطرحوا أسئلة في مواقف يشوفوا ردة فعلك فيها .. ولازم تكون شخصيتك قيادية ..
فيه سؤال مهم ..
حيسألوكي .. في حال طلبت منك المؤسسة السفر لحضور دورة خارج جدة .. ايش رأيك؟

[Venus]

المشاركة الأصلية كتبت بواسطة أنا المتفائله .. بالنسبة للي سمعتيه .. غالبا لا .. احنا كنا أول دفعة .. تم تدريبنا 3 أشهر وبعدها وقعنا العقود والحمد لله .. الدفعة اللي بعدنا اللي هم الـ it .. تم تدريبهم تقريبا سنتين أو 3 .. وتوظيفهم .. كل على حسب التخصص .. ممكن سؤال لمن دخلنا الاختبار قالوا لنا تدريب لمدة سنه ونص ثلاثه الشهور الاولى تدريب وبعدها توقيع العقد انا مافهمت ايش قصدهم سنه ونص او ثلاثه شهور وبعدها نتعامل كموظفات والراتب يتغير ياليت تسالي لنا عن هذا الموضوع وتفيدينا شكرررررررررررررا يا

لجنة التوظيف تجتمع كل أسبوع .. تتغير فيها القرارات أحيانا ..
بس الأكيد أنوا في تدريب تختلف من مدته من قسم لقسم .. وعلى حسب توفر المتدربات لأنهم غالبيتهم من خارج المملكة ..
بس فترة التدريب مررررة حلوة .. والتوظيف بعدها مؤكد باذن الله ..
لا تشيلوا هم .. ركزوا في المقابلات ..

[أنا المتفائله]

مشكوره اخت venus
وننتظر منك اي جديد تعرفيه عن برنامجهم التوظيفي اللي سجلنا فيه
بصراحه احنا ضايعين ماعندنا مين يعطينا الاخبار الاكيدة
ومشكوووووووووووره مره ثانيه

[ديالى وليد]

يا الله كل ماقريت رد عورني بطني خصوصاً هرجة البريطانيات
يالله مو كفاية قلق إنتظار المسج الظاهر
يارب ياحبيبي لا يخيب لنا رجاء يارب بيدك الرزق أنت الرزاق ذو القوة المتين

[ريم مبارك]

السلام عليكم

مشكووورين جميعا بالذات
Venus و انا المتفائله

عندي سؤال اذا ممكن لاخت Venus:

هل في سكن مناسب لو كانت المتقدمة من خارج جدة؟

وشكرا

[اللولو]

أخت Venus

معليه تعبناك بالأسئلة بس إنتي الكائن الوحيد اللي نقدر نعرف منه المعلومات

حابه أسألك عن وقت الدوام وهل يشمل الخميس والجمعة؟؟

هل فيه إجازات ؟؟ كم مدتها وكم مره بالسنة

هل تلزمك الوظيفة ان تكوني بخارج جده لأداء عمل ؟؟وإذا كان جوابك نعم هل تكون برفقة

مجموعة من الموظفات او برفقة ولي أمري


والله يعطيك العافية يااارب ويجزيك عنا خير الجزاء

[سهرانه لوحدي]

بنات سؤال في احد وصلتو رساله ؟؟
مدام فيها بريطانيات عز الله رحنا فيها هههه
بعدين انا اتذكر قالت شوفو الايميل لانو احتمال نرسلكم ع الايميل

بالتوفيق للجميع :)

[Venus]

المشاركة الأصلية كتبت بواسطة ريم مبارك السلام عليكم مشكووورين جميعا بالذات venus و انا المتفائله عندي سؤال اذا ممكن لاخت venus: هل في سكن مناسب لو كانت المتقدمة من خارج جدة؟ وشكرا

وعليكم السلام ..

أمممم .. حالتك صعبة شوية ..
افتكر أيام تدريبنا كانت معانا واحدة من مدينة أبها ..وعلى أساس انها تجرب وتستقر في جدة ..
بس هي اللي توفر السكن لنفسها .. يعني السعودية ماعندها ..
الا اذا غيروا في الوقت الحالي ..
لأن السكن المتوفر فقط للمضيفات ..

[Venus]

المشاركة الأصلية كتبت بواسطة اللولو أخت Venus معليه تعبناك بالأسئلة بس إنتي الكائن الوحيد اللي نقدر نعرف منه المعلومات حابه أسألك عن وقت الدوام وهل يشمل الخميس والجمعة؟؟ هل فيه إجازات ؟؟ كم مدتها وكم مره بالسنة هل تلزمك الوظيفة ان تكوني بخارج جده لأداء عمل ؟؟وإذا كان جوابك نعم هل تكون برفقة مجموعة من الموظفات او برفقة ولي أمري والله يعطيك العافية يااارب ويجزيك عنا خير الجزاء

هلا باللولو .. ولا يهمك بس ان شاء الله لو اتوظفتي لازم نتعرف ونستفيد من بعض في الاقسام ..

غالبا وقت الدوام .. اذا اداري .. من 7 ونص الى 3 ونص .. غير كده زي مكتبنا بيكون من 9 الى 5 ..
ومافي خميس وجمعة ..

وأكيد في اجازات زي نظام العمل والعمال .. شهر في السنة ..

بالنسبة للعمل خارج جدة .. هدا بيكون في المقابلة عشان يشوفوا اذا انتي انسانة استقلالية ولا لا

عموما .. كل شي قابل للتغيير بناءا على قرارات اللجنة .. يعني لا تجي يوم وتقولوا venus قالت