ملتقى طلاب إدارة الأعمال (المجاني)

[م.عمر]

المشاركة الأصلية كتبت بواسطة sofaten البنات الجدد في ادارة اعمال اتأكدو انتو مقبولين ببحث ولا بالرسالة لان راجعت الجامعة وطلع ان كل الدفعة اللي انقبلت هذا السمستر حيكون نوع دراستهم بالرسالة (للبنات اللي ما يبغو تكون دراستهم بالرسالة)

الرسالة موقفه حاليا مافي غير بالبحث وتاكدت من رئيس القسم وامين القسم
ماادري اذا قسم البنات لهم نظام ثاني الله اعلم

[mis_16]

بالنسبة للاخوات اللي بيستفسروا عن مادة 600 مع د.عائشة الحسيني
المادة ليست بالانجليزي ..
ما في منهج ..
أول يوم الدكتورة حتطرع عليكم موضوعات مستجدة وحديثة في الادارة وحتطلب من كل وحدة تختار موضوع وبامكانكم تختاروا موضوع من عندكم اهم شي يكون جديد ..
ثم تحدد الايام بحيث كل محاضرة على وحدة أو اثنين يلقوا عروضهم المعدة .. وتقيمهم وتطلب من بقية الطالبات يقدموا تقرير في صفحة عن العروض التي القيت في المحاضرة السابقة ..
والاختبار النهائي عبارة عن بحث ..
Take Home Exam
تكون لديها عدة موضوعات مكتوبة على شكل براغراف يتكلم عن موضوع معين وانتي تستنتجي منه الافكار اللي لازم تغطيها ..
تقييمها يكون على حسب الشمول والحداثة وطريقة العرض والاخراج من ناحية الافكار الجديدة ..

مادة حتستمتعوا فيها .. باذن الله ..

[mis_16]

الاخوة الطلاب ..

السلام عليكم ورحمة الله وبركاته ،،


هل يمكنني ان اعرف كم طالب مسجل في مادة تجارة ..

لأنه بصراحة نحن نبغى نحذفها عشان ينزلولنا دولية بدلها ..

لأنه زميلتنا خريجة هذا التيرم باقي لها 4 مواد بس والقسم عامليلها انظمة من راسهم على اساس انها مادة ما تنزل الا تيرم ثاني >> مدري كيف يفكروا

د. اقبال مو راضية تتجاوب معانا .. الله يعيننا عليها ..


اتمنى من الاخوة تفيدوني بخصوص هذا الموضوع ..

وجزاكم الله خير ..

[mis_16]

الاخ rayes

شكرا جزيلا على الملف المفيد وجهودك المثمرة .. جعله الله في ميزان حسناتك ..

[sofaten]

المشاركة الأصلية كتبت بواسطة م.عمر الرسالة موقفه حاليا مافي غير بالبحث وتاكدت من رئيس القسم وامين القسم ماادري اذا قسم البنات لهم نظام ثاني الله اعلم

ما ادري اذا كان البنات بيختلف عن الاولاد بس اتاكدت انو انقبلت بالرسالة وان دفعة 2010 عندنا كلها بالرسالة
عني ابغى الدراسة تكون بالرسالة فقط لان عدد الساعات الدراسية اقل بس المفروض يكون اختياري بالبحث او بالرسالة

[جدة]

مشكور اخوي rayes1971
جزاك الله خير

[نـبض الوفـا]

السلام عليكم

كل عام والجميع بالخير

أولا مشكور ريس على الكتاب

ياليت تفيدوني بخصوص دكتور عصام كوثر مادة استراتيجية

تنصحوني اخذ معه

ومادة سلوك تنظيمي نبيل مرسي

ايش اسلوبه في تدريس الماده

ومادة تجارة الكترونية مع العيتاني


وشكرا للجميع

[rayes1971]

اختي نبض الوفا
الدكتور كوثر انا ما اخذت معاه بس اسمع عنه انه ممتاز بس شدييييييد ومتعب
اما نبيل مرسي نصيحة تجنبيه
بالنسبة لتجارة الكترونية نازلة مع عمر نصيف مش مع العيتاني
العيتاني يدرس مالية واستثمار والشهادة لله الكل يتمنى يدرس معاه كلمة ممتاز قليلة عليه سواء في التدريس او التعامل
اما عمر نصيف ما اخذت معاه شي بس برضه اسمع عنه انه متعب جدا

[نـبض الوفـا]

مشكور ريس على ردك السريع

و الله محتاره جدا بس هل تعرف أحد اخذ مادة استراتيجيه مع د. عصام كوثر ابغى اعرف اسلوبه بالتدريس
انا سمعت انه يجبر الطلاب يحضرون يوم الاربعاء وبصراحه انا موظفه قطاع حكومي وما ادراك
ومافيني انحط بمواقف سخيفه مع مديرتي في الاستئذانات

بكون شاكره لك و مقدره

نبض

[rayes1971]

لو تدوري عضو في المنتدى بإسم أبو سالم
تخرج الترم الماضي وكل الدكاترة عدوا عليه
ممكن تتأكدي منه
مافي داعي تشكريني كلنا نساعد بعض
ولو عندك معلومات تفيدني اكيد حتساعديني