‘‘ تجميع الإستفسآرات عن دورات ووظائف صيفية 2011 ‘..،

[reemoo.rs]

ههههههههههههههههههههههههههههه كلنا اكلنا مقلب قوي غير الموظفات الحمدلله اسلوب مافي كأني حاخد راتب من مالها الخاص غير كدا اقولها فين الشركه في شارع الامير سلطان طيب شارع الامير سلطان محسستني انه مبنى واحد عموما رجعتلها وقولتلها فين في شارع الامير قالتلها سنتربوينت القبه قولتلها هيا شركه لوحدها وفيها مكتب نسائي قالتلي ايوا قولتلها طب ليه فيها كاشير لما هي شركه قالتلي لا انتو خدمه عملاء

وانا واختي كنا وصلنا وكانت الصدمه الشغل في نفس سنتر بوينت ياعمري متخيلتني بس وانا عالكاشير واحاسب مش تقليل من الوظيفه لا بالعكس بس معليش ماتعبت حالي ودرست ادارة اعمال عشان اروح مبيعات ومختلط للعامه حتى مو بس موظفين الشركه وبعدين قلتله انا جايه على مسمى وظيفي خدمة عملاء في مكتب نسائي مش سوق عام للناس طبعا قالي هذا المتوفر وقلت حسبي الله ونعم الوكيل في كل موظفه في يدها توصلنا المعلومه كامله ووصلتها ناقصه وتضليلنا بدي الطريقه طيب ليه ماتقولو من البدايه انه كذا وكذا وفيها اختلاط بس عشان يضيعو الفرصه علينا حسبي الله ونعم الوكيل من جد ومن كل قلبي

[N O R E T A]

ممكن تشرحولي ايش حكايه معاهد بن لادن ؟؟
وايش المكافئه اللي تتكلمو عنها ؟؟

[basma ali]

المشاركة الأصلية كتبت بواسطة حده غيرقت يرفعون خطاب شكوى !! هههههههههه حلوه النكته دي :) مافي لا شكوى ولا شي لو رفضتك الشركة عااادي تاخدي ورقة تانيه و خلاص أعرف واحد ماخد 4 وظائف :) ما يدققو تررا

والله يا اخي هذا الي حصل قدامي السنة الي فاتت وحده من زميلاتي حولوها على شركة وهاذي الشركة ماطلت كثير وبالاخير رفضت .. ورجعت لمكتب العمل وقالوا احنا نتصرف فيهم ورفعوا شكوى لانهم ملزومين يدربوا الطلاب ! وفيها مسائله وعقوبات ! هذا الظاهر امامي !
اما اذا طبقت او لا فـ الله اعلم !

[رنيم سليمان]

المشاركة الأصلية كتبت بواسطة موكا فرابيه الله يجزاااك خير حبيبتي ع المعلومه طيب بسالك وش اسم الشركه الي راتبها 2000 صيفي ولا وظيفه ع طول؟

وإياكِ موكا = )


حاليًا بالطبع أقصد صيفي ولا أدري عن الرَسمي شيئا

لا علم لي بـاسماء الشركات ولكن كانت أكثر من شركة بنفس تَقدير المكافأه تقريبًا

المشاركة الأصلية كتبت بواسطة حده غيرقت عااادي تاخدي ورقة تانيه و خلاص أعرف واحد ماخد 4 وظائف :) ما يدققو تررا

لا نَستطيع ، هذا الإمكان عند الشَباب فقط

فأنتم أكثر من موظف يعمل لأمر معين بحيث يمكنك الذهاب في يوم معين لموظف

واليوم الثاني لموظف آخر لكن نحن المسؤوله عن التوظيف واحده

وعن التدريب واحده .. وو أي أنَكِ إن قدَمتِ مره أخرى ستسألين

وقالت بالأمس نصًا يُمنع الاستبدال فكيف بالتجديد

أي أنه حتى وإن وُجِد المجال تُقدم في شئ لم تقدم به بالمره الأولى

مثلا قدمت في اليوم الأول توظيف ولم يناسبها تُقدم في اليوم الثاني دورة وهكذا .

[so..so]

من جد اكلنا مقلب قووووووووي فيهم
دوبني جااايه وقسم بالله كرهت شي اسمه وظيفه صيفيه واللي يشوفهم يقول كانو الفلوس من جيبهم وإحنا اللي تعبانين لف ودوران ندور مره مكان مكتب العمل ومره المكان اللي بنتدرب فيه وفي الاخير لما توصلي يقولون انتي وحظك اذا في مكان ليكي والا لا......من جد مهزله
وفي الاخير وصلت لمرحله انو بطلت من اصله واروح اخذ ترم صيفي اريح ليا من القلق هذا كله

وعموماا جــــــــود لك للناس اللي زبطت معاهم وهــــــــارد لك للناس اللي مثلي

[ashi]

سؤال

دحين مكتب العمل يقبلو غير سعوديات؟؟؟

[نونة الدلوعة]

البنات إلي راحو اليوم ياليت تخبرونا فيه دورات بالمعهد ولا خلصت

[موكا فرابيه]

بنات وش اخذ معي افاده وبطاقة احوال فقط ؟؟ وهل الافاده اختمها من الجامعه ولا مو لازم؟؟؟

[موكا فرابيه]

من متى الدوام مكتب العمل الى متى ؟؟ وش اخذ معي من اوراق

خلف الغرفه التجاريه مكتب التسهيل الدور السابع صح ولا في شي غلط؟؟ اخاف اضيع وابوي يهاوشني

[موكا فرابيه]

بنات ردوو علي ظروري تكفووون