[ لـِ الطــآلبـآت فقط ] - تبادل / بيع الكتب ( يمنع إضافة وسآئل الإتصال )

[Beeshoob]

السلام عليكم ورحمة الله وبركاته


الفكره الاساسيه :
انو احنا الدفعه اللي قبلكم 11 عندنا وزن كبير جدا من الكتب اللي ماراح نستفيد منها في المستقبل واخدت مساحه كبيره في التخزين
والكتب اسعارها مش رخيصه ابدا حرام نرميها لذا قلت انا وصحباتي ليش ما نعطيكم هيا وتستفيدو منها ونكسب احنا اجر كمان واللي يبغاها ياخدها

اللي راح يسلموكم :
5 بنات وانا منهم كل وحده مننا راح تسلم كتبها

اللي راح يستلمو :
نبغى 8 بنات حاليا نعطيهم الكتب دي بس 5 خطه أ و3 خطه ب
وفي احتمال نزيد وحده كمان ادا جاتني الكتب لخطه ب

ملاحظه بس قبل ما اكمل :
اولا : ترى في امكانيه بنات من دفعتي يعملو الحركه دي بس القصد من تحديد العدد في موضوعي انو احنا كلنا في كليه وحده
وراح نروح مع بعض يعني كل بنت راح تسلم العفش حقها بنفسها او صحابتها
يعني ما في وحده زي صاحبة الفكره راح تشيل عفش زياده على عفشها ^^
ثانيا :الاولاد سامحوني بس مالكم أي نصيب من موضوعي الطويل العريض
بس لو واحد من دفعتي يعمل نفس الفكره يكون ما قصر والله

الاشياء اللي احنا بنديها ليكم :
اولا : الكتب لكل المواد اللي تحتاجو فيها كتب عن نفسي ماعندي كتاب للفيزياء عندي المصور بس
تانيا : كل الملخصات اللي عندنا وراح نقولكم عن اللي زاكرنا منها وافادتنا
اكتر طبعا راح تكون يا مطبوعه يا اشتريناها
تالتا : اللي عندها تست بانك الاحياء مطبوع راح تديكم هوا
رابعا : اسئلة السنوات اللي فاتت + تست بانك لبعض المواد + أي اسئلة مراجعه
عندنا طبعا دي الاشياء كلها مطبوعه او اللي تحب تاخدها مننا في سي دي

بعدها انا راح اشوف العدد واعمل السي ديز



الوقت اللي راح نديكم الاشياء دي :
احتمال كبير اول يومين بعد ما نخلص من المقابله والكلام دا بس خلوكم موجودين
دي اليومين في الجامعه
وادا جاتني كتب زياده راح اكلمكم ونتفق من جديد

طريقة التواصل :
كل بنوته من دفعه 12 ترسلي رقمها واسمها

المكان اللي راح نتجمع فيه :
احنا احتمال كبير نجي من بوابه شماليه عشانها اقرب بوابه لكليتنا وحطوا في بالكم
احنا شايلين اشياء كتيره فعلشان كدا راح تجونا انتو الين مبنى 12
انا عارفه انكم ما تعرفوه دحين بس تعالو بالغولف كار قولولها مبنى 12
وتوصلكم مجانا ترى هع

الفائده من الموضوع :
لينا احنا راح تكون الاجر اول شي وتاني شي مساحه اكتر لعفشنا القادم هع
تالت شي نبى دعاوي يرضا لي عليكم
ليكم انتو راح تكون مافي خساير دا اولا تاني شي راح تكون عندكم فكره
عن دراستكم وطريقتها واللي تحتاجو لها من بدري


وموفقين كلكم يارب

[SoSoooo B]

والله فكرة حلوة كان نفسي اشارك معاكم بس كتبي وزعتها على المقبلين على السنة التحضيرية
الله يعطيك الف عافية ياقمر
بالتوفيق دفعة 12

[^اتعبتني جروحي^]

بما انو عدد مشاركاتي ماوصل للحد المسموح فمافي امكانية ارسل وسيلة الاتصال :""

[Beeshoob]

sosoooo b

الله يعافيكي ياعسل يكفي مرورك


اتعبتني

لو تبغيها ياعسل بس قولي لي تبي لاي خطه

وانا ارسلك وسيلة الاتصال خخخ

[asoma312]

جزاكم الله خير يارب

ياليت تعطيني كتاب رياضيات وانقلش لفل فور ...

[Beeshoob]

اسوما خلاص سجلتك عندي

[sRoOoRa]

Beeshoob

الله يعطيكي العافية انتي والصبايا اللي معاكي

انا احتاج كتب خطة ب والملخصات اذا تقدري وانجلش لفل تو

بس مااقدر ارسلك رسالة خاصة مشاركاتي قليل

ومشكوورة سلفا

[asoma312]

مشكورة بيشو

بس حابة اعرف اقدر اشتري كود الرياضيات لوحده ولا لازم اشتري الكتاب كله ...

[Beeshoob]

srooora

ارسلتلك رساله

__________________

اسوما

والله ما اعرف احد سواها

سمعت اشاعات بس ما اعرف احد

وترى يمديكي تستني لانو احتمال مايكون عندكم اون لاين

ماتبي كل كتب خطه أ ؟

_________________

بنات ما ادري بس نصيحتي ليكم

كتب الانقليش بالذات تشتروها لانو ماراح تستفيدو نهائيا ادا جاتكم محلوله

[^اتعبتني جروحي^]

أنا خطة أ ياحلوة ^^