وظائف نسائية في الخطوط السعودية (بكالريوس - ماجستير) جدة

[سهرانه لوحدي]

ممكن سؤال اخت Venus
كم تتوقعي طالبين لقسم المحاسبه ؟؟

وجزاك الله خير تعبناك معانا

[Venus]

المشاركة الأصلية كتبت بواسطة سهرانه لوحدي ممكن سؤال اخت venus كم تتوقعي طالبين لقسم المحاسبه ؟؟ وجزاك الله خير تعبناك معانا

مافي شي أكيد .

بس على حسب اللي سمعته تقريبا 30 ..

[أنا المتفائله]

تصدقوا بنات ماابغى اللحظة اللي يرسلوا فيها اسماء المقبولات تجي لانها قربت هدا ادا من جد حينزلوها هدا الاسبوع
ماادري كيف بتكون ردة الفعل مااحب التحطيم
الكل منتظر هدي الوظيفة الله يعين بس
ويارب ادا مالنا خيره فيها ارزقنا بااحسن منها

[أنا المتفائله]

مشكوره venus
واللي قلتيه نفسه قاله الموظف عن العدد وصح كل فتره لهم قرار جديد

[ساره من جده]

ياريت لو في احد يساعدنا من قسم الاي تي
!!!
بالنسبه للاسئله اللي مرت عليهم الدفعات اللي فاتت
العدد المطلوب حوالي 30 لكل قسم ؟؟؟ او ثلاثين العدد الكلي لجميع الاقسام والله ماني عارفه ؟؟
لانو قبل ماندخل الاختبارات كانو قايلين ان العدد المطلوب لهذه الوظايف قليل مره !! مو بعدد اللي متقدمين عليها طبعا !
اختبار الاي تي كانو بعضهم يقولو نفس طريقه احتبار اللغه و كلمت موظف قال لا عملي ؟؟ محتاره
لانو صعب احضر لكل شي درستو عملي ونظري اشتغلنا على برامج كثير مره ؟
لو في احد عندو علاقه باي موظف اي تي او موظفه يمكن يفيدنا اكثر ؟؟
شكرا للكل وننظر الرسايل

[ريم مبارك]

مشكوره اخت Venus .. بس مو مشكله ان شاء الله انا بس حبيت اعرف ويعني عندي قرايب بجده وفي ناس تروح امريكا لحالها الله ييسر ^_^

انا المتفائله نفس شعورك مع انه كماان طفشت من الانتظار الى متى
الله يرزقنا من حيث لا نحتسب ويكتبلنا الخير

الحمد لله على كل شي

[ريم مبارك]

المشاركة الأصلية كتبت بواسطة ساره من جده ياريت لو في احد يساعدنا من قسم الاي تي !!! بالنسبه للاسئله اللي مرت عليهم الدفعات اللي فاتت العدد المطلوب حوالي 30 لكل قسم ؟؟؟ او ثلاثين العدد الكلي لجميع الاقسام والله ماني عارفه ؟؟ لانو قبل ماندخل الاختبارات كانو قايلين ان العدد المطلوب لهذه الوظايف قليل مره !! مو بعدد اللي متقدمين عليها طبعا ! اختبار الاي تي كانو بعضهم يقولو نفس طريقه احتبار اللغه و كلمت موظف قال لا عملي ؟؟ محتاره لانو صعب احضر لكل شي درستو عملي ونظري اشتغلنا على برامج كثير مره ؟ لو في احد عندو علاقه باي موظف اي تي او موظفه يمكن يفيدنا اكثر ؟؟ شكرا للكل وننظر الرسايل

ياقلبي انتي تخصصك تقنية معلومات او رياضيات؟

انا اساسا مدري ايش راح يعتبروني تخصص اداري او تقنيه لانو يندرج تحتهم

الله يعينا الحين خلينا نتطمن بهالرساله الي مدري متى حتجي ^_^ و بعدها ان شاء الله احد يطمنك ويقلنا كيف ويصير نستعد للاختبار او المقابله
الله ييسر

[أنا المتفائله]

طلب من الأخت Venus ممكن تسألي لنا متى موعد ارسال الرسايل للمقبولات
وابغى اتأكد من حكايه انه يختبروا انجليزي ويسووا مقابله شخصيه ومعرفه وظيفه وبعدها يفاضلوا على اساس الدرجات
لاني سمعت انه قبل كدا الخطوط يختبروا البنات ويسووا لهم المقابلات وبعدين يحددوا من اللي انقبل قبول نهائي
او ان النظام تغير هدي المره بس اللي اجتازوا الانجليزي يسووا لهم المقابله الشخصيه

[اللولو]

المشاركة الأصلية كتبت بواسطة venus هلا باللولو .. ولا يهمك بس ان شاء الله لو اتوظفتي لازم نتعرف ونستفيد من بعض في الاقسام .. غالبا وقت الدوام .. اذا اداري .. من 7 ونص الى 3 ونص .. غير كده زي مكتبنا بيكون من 9 الى 5 .. ومافي خميس وجمعة .. وأكيد في اجازات زي نظام العمل والعمال .. شهر في السنة .. بالنسبة للعمل خارج جدة .. هدا بيكون في المقابلة عشان يشوفوا اذا انتي انسانة استقلالية ولا لا عموما .. كل شي قابل للتغيير بناءا على قرارات اللجنة .. يعني لا تجي يوم وتقولوا venus قالت

ياهلا فيك يسعدك ربي ...أكيد إن شاء الله إذا إنقبلت نتعرف ع بعض وإذا مانقبلت برضه سعدت بمعرفتك

[Venus]

المشاركة الأصلية كتبت بواسطة أنا المتفائله طلب من الأخت venus ممكن تسألي لنا متى موعد ارسال الرسايل للمقبولات وابغى اتأكد من حكايه انه يختبروا انجليزي ويسووا مقابله شخصيه ومعرفه وظيفه وبعدها يفاضلوا على اساس الدرجات لاني سمعت انه قبل كدا الخطوط يختبروا البنات ويسووا لهم المقابلات وبعدين يحددوا من اللي انقبل قبول نهائي او ان النظام تغير هدي المره بس اللي اجتازوا الانجليزي يسووا لهم المقابله الشخصيه

عزيزاتي .. المتقدمات كثير .. فطبيعي كل شي ياخد وقته ..

فقط اللي اجتازوا الاختبار راح يدخلوا المقابلة ..
يعني اللجنة تجيها القائمة .. فيها الاسماء + نتيجة الاختبار (اذا نجحتي) + نتيجة المقابلة ..
وعلى أساسها يتم الفرز على حسب العدد المطلوب ..

ويمكن تكون فيه أسماء بنات للاحتياط زي ماحصل أيام دفعتنا الاولى ..