كل ما يخص وظيفتي باحثة علاقات دولية و كاتبه المطروحة للمنافسة من قبل وزارة الخارجية

[laloo]

ههههههههههههههههههههه اللي استغربه انو كل وحده فينا يجيها كلام


الخدمة المدنية (جدة) = قالت الاسم مو موجود ..

الخدمة المدنية( بالرياض)= اتصلت عليهم بنفسي وانا من المدينة بعد ما عرفت انو اسمي مو بالخدمة المدنية بجدة .. وردت علي وحده صراحه محترمة وواضحه ... وقالت لي انتي سويت مقابله قلت لها سويت الاختبار والمقابلتين .. واخذت اسمي .. وعادته عليه عشان تتأكد من الاسم .. وقالت لحظه .. شوي رجعت قالت اسمك مو موجود .. قلت لها متأكده .. قالت ايوه .. قلت لها ممكن اسأل سؤال .. قالت تفضلي .. قلت لها ليش الاسماء ما طلعت بالنت .. زي الترشيح والاختبار والمقابلتين
قالت ما اعرف .. هذا شيء يخص الوزارة ..

كلمت إدارة التعيين بوزارة الخارجية بالرياض
ورد علي موظف .. وفهمت منه كل شيء
قالي احنا يالوزارة علينا بس نسوي الاختبارات والمقابلات .. بعدين نرسلها للخدمة المدنية على اساس يرشحو لنا الاسماء الي تكون مطابقه للشروط والمعايير...وأنو هاذي هي طريقة التوظيف في الجهات الحكومية ...
وسالته عندك كشف بالاسماء يعني .. قالي لاء .... وان شاااء الله الاسبوع الجاي تنزل بالنت
--------------------
وللمعلومية انا تخصصي قانون... وبنات القانون اللي صلحو المقابلتين ينعدو على الاصابع ما نتعدى 10 ابد...

وعلى العموم .. رأيي الشخصي .. احس انو هالكلام كله مو اكيد ....وان شاااء الله بنتفائل خير بدل ما نتوتر .. ونعصب على الفاضي...ونشوف اش يصير بموقع الوزارة ونتابعه بخصوص النتايج..

مبرووووك للي كلموهم ...و الله يوفق الجميع ياااارب

[اوزلام]

والله برافو عليكي جوري ما يبي لهم الا دق الخشم عني انا سحبت عالعالم كلو واديتها نووووومه حتى الجامعه مارحت .. يعني ما يحتاج اروح استنى لين يووم 22-2 ؟؟!! ولا اروح انرفزهم شويا ,, اخاف هما اللي ينرفزوني

[lafander]

???? مدري نصدق مين او مين يا جماعة ليوم امس والموضوع مافي وارقام الخدمة مشغولة مشغولة عجزنا وسلمنا امرنا لله والله من فوق قادر على كل شئ ... بالتوفيق

الله المستعان ويارب يقسم لنا الخير

[g000ry]

lafander << يمدحون الانتظار لك بذات

[abeer74]

المشاركة الأصلية كتبت بواسطة g000ry هاااااااااااااااي بنات انا روحت اليوم الديوان وسئلتها قالت اتصلو عليكي قلت ايه كذبت عليها قلت كنت وقتها مسافره وتوني وصلت قالت تفضلي بالمكتب وفتحت الكشف وقالت اسمك مو موجود قلت لها ممكن اسمك عشان اشكرك احس الموظفه حقدت عليه لاني عطيتها نظرة لان اساسا تصرفاتها مش باين عليها متربيه وجع المهم قلت طيب انا بروح قسم الرجال وراح اشوف الكشف يعيني قالت انتي حرة المهم رحت قسم الرجال وعلى طول طلبت اقابل المدير قال يا اختي هذذا الخطاب جاء من وزارة الخارجية واحنا اساسا مالنا علاقه فيه لان هذا مخصص للوزارة وهذا اول مره يسوها ويرسلو لنا خطاب المهم قريت الخطاب فيه 45 اسم اغلبهم بكالوريوس لغات شهادتهم جامدة يعني تعين باحثة علاقات وبعد تخصص سكراتيرا وتخصص مكتبات ويمكن 7 على الحبه اللي دبلوم ودبلوم سكرتيرا فقط المهم دورت اسماء صحباتي لان انا وصحباتي دبلوم تقنية برمجة مالقيت الا وحده من جمعتنا اسمها هيفاء طلع اسمها ... وبعد كذا اتصلت على الخارجية وبلغتهم انو هذا مايصير ولازم يكون فيه مصداقيه ووضوح قال هذا سستم ومقاايس لازم نمشي عليها .. اممممممممممممم وبس وبلغني قال لي روحي اعملي فحص طبي واعطاني ورقه تعبئة وظيفه لاني بلغته انو في امس الحاجة لهذا الوظيفه وكم دمعة وقال مايصير الا كل خير ... وارسلت فاكس على الرياض لشخص مهم واتصلت عليه لان هو المسؤل في عملية الفرز وقال يوم 22 في هذاالشهر راح تشوفي اسمك من ضمنهم وربي كريم حبيت ابلغكم والله يوفقكم والله اتمنى لكم الخير وماحبيت اسكت قلت بقول اللي شوفته وسويته

لا تعليق!!!!!

[لعله خير]

الاخت gooory
ليا تعليق على الي عملتيه بس قبل ما اعلق حابه اسألك كم سؤال:
1.كم لكي متخرجة ؟قبل ما تجاوبي احب اقول لك انا ليا 12 سنة متخرجة!!وما طلع اسمي ولما رحت الخدمة زعلت بس ما عملت زيك
2.ما مدى حاجتك للوظيفة؟على فكرة كلنا محتاجين للوظيفة بغض النظر عن مضمون الحاجة!ومش بس الحاجة هي الحاجة المادية فقط!!حتى لو كانت الحاجة من باب البرستيج هيا برضو تعتبر حاجة
3.اهلك موافقينك على الي سويتيه؟انتي في قرارة نفسك تشوفي ان الي عملتيه من كذب وبكا صحيح؟انا اعتبر ان الي سويتيه غلط ومستغربة ان البعض عاجبه موقفك هدا,انتي عارفة ان فيه نفوس شريرة من بعض الرجال..شافك بكيتي و حب يسوي نفسه شهم قدامك واعطاكي ورقة الكشف الطبي عشان يسكتك فيها..لا تزعلي من صراحتي لكن هذي الحقيقة,,لأن وزارة الخدمة المدنية هي مجرد جهة تنفيذيه فقط ومالها دخل بباقي الوزارات ولا يعرفو مدى حاجة كل وزارة..اصلا الموظف ماهو غبي للدرجة هدي انه يورط نفسه لأنو عارف انك راح تقولي للباقي والكل راح يجي يوم السبت وينزل دمعتين ويقول انا محتاج..يا اختي ياما جاهم ناس كبار في السن ومحتاجين بجد ومن كل مكان بالمملكة وما ساعدوهم لانهم ما عندهم هذي الصلاحية..يمكن دحين انتي تقولي اني غيرانة منك لا والله انا الحمدلله مؤمنة ان كل شي رزق و قسمة ونصيب من ربي واتعوّدت على كذا صار لي 12 سنة ومافي مكان الا وقدمت فيه, تعبت كتير بس مافي شي مس كرامتي او كرامة اهلي بشي .. ومع كدا عندي امل في ربنا انه راح ينصفني ويرزقني..
يمكن تقولي ان كل شي يجي بالقوة,اقول لك اذا كان من حقك حتاخديه بس بشكل صحيح,,
وعلى فكرة يمكن يطلع اسمك وتتوظفي مافي شي مستبعد لكن مو بهذي الطريقة,,
ان شاء الله تكوني فهمتي كلامي صح ومش بس انتي كمان باقي العضوات
اتمنى لكي وللجميع التوفيق والرزق الحلال
اللهم اغننا بحلالك عن حرامك وبفضلك عمن سواك..آمين

[g000ry]

لعله خير ... الله يشفيك بس هذا اخر رد لي والله يوفق الجميع

[لعله خير]

gooory الله يهديكي
لازم تكوني دبلوماسية وتتقبلي النقد والرأي الآخر بدون انسحاب,,هذي اهم صفة في موظفي الخارجية
بعدين لا تخلطي المواضيع مع بعض
المنتدى للجميع ماهو ليا انا وبس عشان يكون اخر رد لكي
يوم 22 ردي و بشرينا ان اسمك طلع و اتعينتي
و صدقيني انا اكون اول وحدة تبارك لك ,, مافيها شي هذي ارزاق وما احد ياخد اكثر من رزقه
بالتوفيق للجميع

[lafander]

يارب يا كريم ...

صاحب زمام الامور
انت الواسطة
انت الوكيل
انت المالك لا موظف ولا مسؤول يغني عنك
طلبتك يامن انت ولي ووكيلي وكفيلي ...
يا رب العباد ياصاحب الفرز والقسمة والنصيب ...
اللهم اني ادعوك انت الله الذي لا اله الا انت وحدك لا شريك لك مقسم الارزاق ومجري السحاب وهازم الأحزاب ... انصرني يارب نصر عزيز قدير

اللهم اقسم لي من بركات رزقك لي ولاخواتي المسلمات في جميع الأنحاء والأرجاء وارزق معنا اختنا g000ry

ربي لا عز الا عزك ولا عطاء الا عطاءك .. مالي احد سواك
فوضت امري اليك والجاءت ظهري اليك ...
ياساعدي في شدتي يا سندي وعضدي المتين ... لا اله الا انت ...

يا الله
اللهم انا نسالك فتحا مبينا
اللهم انا نسألك فتحا مبينا
اللهم انا نسألك فتحا مبينا
اللهم انا نسالك فتحا مبينا
اللهم انا نسألك فتحا مبينا
اللهم انا نسألك فتحا مبينا


شفتي كيف يا g000ry انا كلمت واسطتي ويوم 22 حلاقي الاسم اللي انتظروه في قائمة المتعينين... ورينا واستطتك ايش تسويلك يوم 22

[mazen7610]

المشاركة الأصلية كتبت بواسطة ; اتمنى للجميع التوفيق و الرزق الحلال اللهم اغننا بحلالك عن حرامك وبفضلك عمن سواك .. آمين

الأخت lafander
و عليكم السلام و رحمة الله

لا أستطيع الرد على الخاص , و لكن أحببت التوضيح بأن الأخت الفاضلة المذكورة
في رسالتك لا تمت لي بأي صلة قرابة و أسأل الله لها الستر و التوفيق .

و شكراً لإهتمامك .