بخصوص ابتعاث الطالبات الى بريطانيا ( موضوع مهم جدا للجميع )

[Noor Muneer]

اي حتى انا كلمتني من شوي

بس ليش بس اللي بدون مرافق ؟

حتى المواصلات علينا مو بطاقة زي ما قالو الاولاد ..

[Alaa Al ghamdi]

ماسالتها والله عن المواصلات لكن في الاجتماع حق اولياء الامور قالو عليهم ولا؟
انا قدصي اللي بدون مرافق 14
لاني بدون مرافق وقالت كذا
فاتوقع اللي معاها مرافق مبلغهم اكثر

[Noor Muneer]

انا سألتها عن بطاقة المواصلات .. قالت ان اكثر من بنت سألتها دا السؤال .. و قالت بتشوف سالفتها

[Alaa Al ghamdi]

^^
اها ,,حسبتها اكدتلك انو علينا بس شكلها ماتدري,,
لإنو في الاجتماع قالو ان اللي في السكن المواصلات عليهم حيدونا بطاقه
لكن اللي تسكن مع مرافقها المواصلات حتصير عليها

بتوتا حسب كلام البنات اللي رايحين مع مرافق
انو لك الخيار اذا تبغي تسكني في السكن والمرافق يسكن لحاله
او تسكني معاه

[tofe2000]

احمد استفدت انه عرفت كيف اكتب تقارير والي حاب يكمل برا بعد التخرج ان شاء الله راح يتعلمها وبخصوص النضام هناك عندهم عبارة عن بحث تقدمه وانتهينا

الاء 14 الف بدون مرافق اجل دوري على مرافق يجلس معاك اسبوع واكسبي الزيادة حتى لو الوالد يحاول يطلع معاك لكن انت حاولي تطلعي من ال14 قيمة 5 الاف مصاريف لك من ناحية ملابس وكده وبرضو ماحتكفيك 5 يصير باقي 9 الاف ادا سكن خارجي طلعي حق السكن + مصاريف اكل شرب + تذاكر سنما او مثلا تدكرة سفرة ع لندن + هدايا لاهلك

وكانو في صينين معانا سالتهم عن السكن الجامعي قالو يكلف 69 باوند للاسبوع حسب كلامهم
وكثار اغلبهم سكنو اسبوع وبعدها طلعو يدورو سكن خارجي ممكن عشان غالي السكن الجامعي
مصاريف اكل وشرب تختلف من مطعم لمطعم وبالنسبة للسوبرماركت فيه سوبر ماركت تدخلي فيه تاخدي معجون وشامبو وحلويات ومشروبات غازية وتعبي السلة وتطلعي ب 20 باوند (يبلاش) غير ادا تبغو تطبخو روحو بقالة فيها اشياء عربية جنب المسجد بس مافتكر كم تكلف

قائمة اسعار المطعم الهندي http://www.imans-restaurant.co.uk/menu/ تحت مكتوب المنيو افتحو وشوفو يعني المقبلات من 2 باوند الى 4 باوند والطلبات الرئيسية من 6الى8 باوند تقريبا والبيبسي غالي والموية بلاش

كنتاكي وماكدونالز الوجبة ب 5 باوند وفي ب 4 باوند

مطعم بيتزا ايطالي البيتزا تكلف 7 باوند ع معتقد
دي المطاعم الي فاكرها
تذكرة السينما بتختلف فيه ب 7 فيه ب5 ع حسب الفلم وطبعا تخفيض للطلاب ممكن تصير من 3 الى 5 باوند مش فاكر
تذكرة ذهاب وعودة للندن ب 109 باوند
عاد غير السكن الي حتسكنوه في لندن يعني لازم كل 4 يتفقو يقطون سوا في شقة
بطاقة الباص للشهر 40 باوند شهرين 80 باوند هدا الرابط http://www.lothianbuses.com/index.ph...rticle&id=1014


وادا ماتفرق عندك في المعدل اتوكلي على الله بعد الاستخارة
هههههههه اصلا قالو سفرة ع برطانيا على طول قدمت ماكنت ادري انه فيه مادة حرة ولا شي بس قالو لنا قبل مانسافر ايش المواد الي حندرسها لكن مع الفرحة طلعت ماهمتني لا مادة حرة ولا شي

من وجهة نظري للي معدلاتهم عالية ومايحتجو يرفعوه فرصة لهم يروحو يغيرو جو لا يدرسو
والي حابين يرفعو في المعدل ياخدو موادهم الحرة هنا بس الخوف انكم تجو تبغو تنزلون مواد حرة تحصلو مافي الا المواد الصعبة ولا الي مساكين المواد الحرة نشبه في الحلق

وفي طريقة سمعتها انه اقدر انزل مواد حرة حتى لو خلصت كل المواد الحرة (عشان ارفع المعدل) لكن في الاخير لمن افتح الاودس راح احصل انه الساعات المكتسبة اعلى من الساعات مسجلة او العكس مش فاكر

بخصوص الشهادة يب اخدنا شهادة وماكنو مختمة عليها قلنا لهم والحمد لله ختمو عليها وهي عبارة عن ورق مقوه مكتوب عليه انكم درستو في الجامعة والمواد الي اخدتوها بس

[Alaa Al ghamdi]

توفي ماقصرت عالمعلومات يعطيك الف عافيه
افدتنا كثير

حسيت من كلامك ان الـ14 ماتكفي
كانت ترا 5 الاف

بالنسبة للسكن عليهم يعني الـ14 الف لمصاريفي انا من اكل وشرب وغيرو

بالنسبة للمواصلات مو اكيد عليهم او علينا لكن اذا 80 باوند بس يعني هينة

ولو المرافق جا هو يدفع لنفسه واذا رجع هما يعطوه لكن الطالبات يعطونا قبل السفر
يعني حتكون التكاليف اكثر لو معايا احد والسكن ماحيكون متوفر لازم احنا ندور

بالنسبة للوالد انو يطلع عالاقل اسبوع هو لو يقدر جا الشهرين كلها مو بس اسبوع
بس زي ماقلت ماتفرق لانو ماحيدفعو له الا لما يرجع يعني مافي زياده حكسبها

[battota]

الاء ايوه اللي معاها مرافق لها الحريه تسكن بسكن الجامعه وهو لوحده بمصروفه او تسكن معاه وما يدفعولهم شي

بس متاكدين انو ال 14 الف اللي بس بدون مرافق؟؟؟؟؟؟؟؟؟؟

انا ما اذكر قالتلي كدا

هي عارفه معاي مرافق وقالت 14 الف راح يكون معاكي قبل السفر

المرافق لو جلس طول الفتره بعد ما يرجع من هناك راح يعطوه 10 الاف

واذا نص الفتره مدري يا له مبلغ او لا نسيت اسالها


بس احنا مدري لما نرجع راح يعطووونا ولالا

..............

الاء حبيبتي لو تتاكدين من سالفه انو اللي بدون مرافق 14 الف طيب اللي معاها مرافق ؟

[battota]

يعني يا الاء اللي بمرافق بس راح تسكن بسكن الجامعه وهوا لوحدووو على حسابوو


كم يعطوها ؟؟

وعلى فكره مصروف المرافق فقط تذكره +فيزاااااااا ولما يرجع يعطوه ال 10 الاف لو كامل الفتره

[battota]

اظن عادي اللي معاها مرافق وحابه تسكن بسكن البنات موووو؟؟وتقدر تاخد المصروف +بطاقه المواصلات

ولالا

[UNO0O]

لالا انا اقولكم
الي فهمتو من كلام استاذة مي انو كل طالبه من ال 30 لها غرفه و سكن مع البنات سواء قعدت فيها او قعدت مع المرافق
لكن الافضل و الاوفر للطالبه انو تقعد مع البنات عشان تنام و تصحى و تذاكر مع البنات و تسير تطلع بعدين على كيفها مع المرافق ..
و من ناحيه كمان اوفر للمرافق انو ياخذ غرفة صغيرة على قدو لانو هوا الي حيدفع طول الفترة من جيبو
بعدين هما يعطوه المكافاة في نهاية الفترة
و في نقطه ثانيه حابه اوضحها لـ الاء
المكافأة مو انو زادت من 5 الاف الين 14 الف لا.. بس انو قالو هذي السنه ما رح نوفرلكم الاكل يعني بدل 5 في الشهر سارت 7 الاف و تسير في الشهرين كلها 14 الف
يعني زودونا في المكافأة الفين بس هذي هيا الفكرة
و عن نفسي انا برضو اشوفو مررررررة قليل بس الحمدالله على كل حال احسن من لا شيء