آآآآخر تجمعاتنا للكيمياء ..:(

[البادي]

http://www.skaau.com/vb/showthread.php?t=70199
ممكن أحد ينقذنا انا وتخصص

[الفنانة]

المشاركة الأصلية كتبت بواسطة dalo90 بتات انا عندي سؤال في شابتر 1 how many picometer in 500 nanometer؟؟

أنا أقلك طريقة لزيزة عشان لا تلخبطي ..
زي محنا عارفين انه الـمتر هوا الوحدة الأساسية .. سوو
حنحول اي شي اول حاجة لمتر .. وبعدين للوحدة اللي طالبها
هنا راح نقول

* 500 × -9^10 = 5× -7^10 متر ( من نانومتر الى متر)
* 5× -7^10 × 12^10 = 500000 بيكومتر ( من متر الى بيكومتر)

[تخصص 13]

اختبار الكيمياء الدوري الثاني ممكن أحد ينقذنا انا وتخصص

ايوة الله يسعدكم سااااعدونااااااااا

[ultraviolet]

المشاركة الأصلية كتبت بواسطة الفنانة شوفي يا حلوة.. السالبية الكهربائية يعني قد ايش قدرة العنصر انه يسحب الزوج الالكتروني ناحيته مثلا hf الـ f سالبته الكهربائية مررة عالية .. سو حيسحب الزوج الالكتروني ( اللي في الرابطة التساهمية) ناحيته :) والالفة الالكترونية تدل على قابلة عنصر انه يضيف الكترون لنفسه .. زي مثلا f يحتاج الكترون واحد عشان يوصل حالة الاستقرار .. معناته الفته عاااالية لانه يميل بقوة انه يضيف الكترون :) عناصر 7a هيا أكثر العناصر سالبية كهربائية والفة الكترونية :) والـ f هو اعلى العناصر سالبية :)

شكرا يا فنانة انت من جد فنانة
بس انا مستغربة انو الكلور في الالفة الالكترونية اكبر من الفلور
طب ليه ؟
و بعدين في كم سطر تحت مثال الالفة الالكترونية ماني دارية ايش هرجتها ؟
انو طارد و ماص ... مادري ايش يبغى دا ؟
ازا فاهمتها الله يسعدك ممكن كدا شرح حلو مبسط من عندك

[Bb *~]

~.. اختاري / السؤال الأول
the impossible four quantum numbers: n l ml ms ^^

نص 2 4 4
نص 0 1 4
نص 2 3 4
نص -2 2 4

:

انتبهوآ بالاختبار
هوآ طالب الإجابة الخطأ , والمجال الثانوي ( L ) دائماً يكون أقل من الـ n
عشان كذا هو الاختيار الصح


/


السؤال الثاني
: the wrong set of quantum number

n=4 l=3 ml=-2 ms=.5
n=4 l=1 ml=-2 ms=,5
n=4 l=3 ml=2 ms=.5
n=4 l=2 ml=-2 ms=,5

هو الخطأ بينهم , لأنهـ كيف الـ L=1 و الـ ml = -2 ?


:


" انا بدي اعرف ليش الكلور في الالفة الالكترونية اعلى من الفلور
و الفلور في السالبية الكهربائية اعلى شي "


لأن الفلور حجمهـ أصغر من الكلور ..~

1- سالبيته أعلى عشان النواهـ جالسة تسحب الالكترونات المشتركة أكثر منها في الكلور
2- الفتهـ أصغر , لأنهـ اذا أضفنا الكترون في حجم الفلور الصغير رآح يزيد التنافر بين شحنات الالكترونات


هذا الي أعرفهـ , و لا تعصبين علينا ^^' ,,






كأني دآخلة عرض و اجاباتي متأخرة ..~
بالتوفيق للجميع

[الفنانة]

المشاركة الأصلية كتبت بواسطة rugadi شكرا يا فنانة انت من جد فنانة بس انا مستغربة انو الكلور في الالفة الالكترونية اكبر من الفلور طب ليه ؟ و بعدين في كم سطر تحت مثال الالفة الالكترونية ماني دارية ايش هرجتها ؟ انو طارد و ماص ... مادري ايش يبغى دا ؟ ازا فاهمتها الله يسعدك ممكن كدا شرح حلو مبسط من عندك

شوفي دا الاقتباس ::

الفلور أعلى ألفة إلكترونية من الكلور ولكن قيمة الألفة الإلكترونية للفلور أقل من قيمة الألفة الإلكترونية للكلور ؟ ج / بسبب التنافر بين إلكترونات الفلور .

لاتلخبطي نفسك .. قريت أنه حالة شاذة :(
والشي التاني تعرفي انه العناصر اللي ألفتها عالية حتكون تفاعلاتها طاردة للحرارة يعني (-) والاشارة هنا بس تدلنا على انه طارد مو على قيمة الالفة الالكترونية ..
واللي ألفتها قليلة حتكون ماصة للحرارة (+) ونفس الشي الاشارة تدل على انه التفاعل ماص للحرارة بس .. ماللقيمة دخل في الموضوع ..
بالتالي كل ما كبر الرقم كل ماكانت الالفة أعلى . . عشان كدا يقلك انه الالفة الالكترونية للغازات النبيلة قيمتها أقل من الصفر يعني مرررة ماتميل انها تضيف الكترونات لمدارها الاخير , لانها مكتملة :)

[Bb *~]

.

عند جزئية الألفة الالكترونية ..~
شوفي الرسمة تلاقي انه الكلور الفتهـ أعلى ^^

و انا كنت اقول زيك يا الفنانة بس طلع خطأ الي نفكر فيهـ
هو صح اصغر و قوة جذب النواه للالكترونات قوية , بس اذا جينا لكسب الالكترون ما يصير أعلى شي

( يعني كأنه الفلور أكثر واحد يحب يلعب مع اصحابه , بس مو أكثر واحد يعزمهم يلعبوا عندهـ ) <~ :d )





بالتوفيق للجميع

[الفنانة]

يب هوا دا دورت ولقيت أنه حالة شاذة :(

يلا صلحت الغلط لا حرام يغلطوا البنات زيي :(

شكرا ياعسولة عالتنبيه :)

[υикиσωи]

<< يناااسو عليكم ..ربي يحميكم...
أحب النقاشات دي ... بطلت مزاكرة وجلست اتفرج ..


ربي يحميكم ويوفقكم ويفتح عليكم فتوح العارفين ...
:)

قولو آآآآآمين ..


يعطيكم الف عافية ...

[SoOoMa1990]

اليوم رحت الجامعة وسألت الدكاترة بعض الاسئلة وحبيت اقلكم هيا ..
اول شيء بالنسبة للخصاائص هادي مررة مو معاناااااا .. ((انه عديم لوون وقابل للاشتعال ×)
والجدول حق الاحماض الامينية مو معانا ..
والboat والchair هادي مو معانا ..