تجمع للمتقدمات على وظيفة معيدة برابغ مين اتصلوا عليها

[snowystorm]

أحد أتصل أو راح ياجماعة ؟!!..اللي عنده أي خبر أو تأكيد ع الكلام اللي قلته يقول عشان الواحد يرتاح شوي

[bandar_r]

فين ام بندر ؟؟اش صار مع ابوها؟؟

[snowystorm]

الله يخلف عليا والله أحسبك أم بندر

[snowystorm]

يلا شكله لاجديد اليوم .. في امان الله والله يطمن بالي وبالكم ويرزقنا ويرزق جميع المسلمين

[bandar_r]

هههههه انا حرم بندر
امين يارب

[أم بنــدر]

السلاام عليكم
يابنات لاتقلقوا فيه بنات لهم سنة موظفين في رابغ بس مباشرتهم في جدة
اكيد في البداية حيكون دوام الاداريات وبعد كذا المعيدات
والله معليش اليوم بابا ماقدر يروح لكن بإذن الله خييير

[حياتي أمل]

انا خريجة هذي السنة احياء حيوان من كلية الفيصلية
وحلمي اكون معيدة بس راح عليا التقديم اللي في جامعة رابغ
وزعلت مررررة لانه وقتها مااستلمت الوثيقة لسى
متى التقديم الجاي؟؟؟؟

[snowystorm]

المشاركة الأصلية كتبت بواسطة حياتي أمل انا خريجة هذي السنة احياء حيوان من كلية الفيصلية وحلمي اكون معيدة بس راح عليا التقديم اللي في جامعة رابغ وزعلت مررررة لانه وقتها مااستلمت الوثيقة لسى متى التقديم الجاي؟؟؟؟

حتى أنا كنت وقتها ماأستلمت وثيقتي ليتك قدمّتي ..بالنسبة للتقديم الجاي مافيكي تعرفي إلا لو كلمتيهم بعد ماتستقر امورهم ، أنا أتوقع فرع عسفان وخليص السنة الجاي يفتحوا قسم للبنات ووقتها الوظايف حتهّل أهم شئ انتي الآن تأخذي شهادة توفل أو ستيب او مايعادلها وتزبطي السي في حقك وكمان لاتجلسي أشتغلي بنظام الساعات عشان وقت المقابلة الشخصية حترتفع نقاطك لما يكون عندك خبرة وبالتوفيق حبيبتي وربنا يفرحك ويرزقك ويفرحنا ويرزقنا وجميع المسلمين

[حياتي أمل]

الله يسعدك من جد الله يسعدك
بس برضوا مافهمت عليك كيف ساعات ياريت تشرحي لي
انا الان عندي دورة eماشية في المستوى الخامس
وان شاء الله اكمل الى التوفل
ومع ذلك لسى مو مطمنه ابغى اعرف متى التقديم على الماجستير في كلية الفيصلية
خايفه يروح عليا

[امونه -(لولو سابقا)]

الماجستير يا عسل في 15/11 في جامعة الملك عبدالعزيز ...والموعد قرأته بأحد التجمعات لهذا المنتدى يعني كل كم يوم قبل الموعد المحدد افتحي موقع الجامعة كي لا يفوتك التقديم يا حلوة .
سبحان الله وبحمده سبحان الله العظيم