قرررروب طلاب الاعلام انتساب

[المتواصل]

معكم الى الامام

[AseeR-jeddah]

السلام عليكم ورحمة الله وبركاته ،، وبعد،

في البداية أشكر أخوي نايف العتيبي على مبادرته وحرصه على التجمع والترابط والتكاتف بين طلاب قسم الإعلام ـ علاقات عامه .. وأشكر جميع من تفاعل معه ونسأل الله التوفيق والنجاح في حياتنا العلمية والعملية ...

اسمحوا لي بمشاركة بسيطة حبيت أشارك أخواني الطلاب فيها وأسأل الله العلي العظيم أن أنفع وأستنفع .. ومثل ما يقولون أول الغيث قطره ..

اليوم رحت لمكتبة خوارزم علشان أسأل عن الكتب وأسعارها .. وأنا كاتب لكم جدولي وحاولت أمشي مع الخطة المقررة ونزلت جميع المواد اللي بالخطة وبنفس الوقت كتبت لكم أسعارها بحسب ما أفادني به البائع وهي كالتالي:

1ـ المدخل إلى وسائل الإعلام ................ com 201 ( كتاب ) بقيمة 40 ريال .
2ـ الإعلام السعودي وتشريعاته ............. com 202 ( مذكرة ) بقيمة 30 ريال .
3ـ الخبر في وسائل الإعلام ................. com 203 ( كتاب ) بقيمة 35 ريال .
4ـ الرأي العــــام ............................ com 204 ( كتاب ) بقيمة 40 ريال .
5ـ علم السياسة ............................. ps 101 ( كتاب ) بقيمة 50 ريال .
6ـ الثقافة الإسلامية (2) .................... ISLS 201 ( كتاب ) بقيمة 28 ريال .
7ـ التحرير الكتابي .......................... ARAB 201 ( كتاب ) بقيمة 30 ريال .

ملاحظة: لو تلاحظوا كلها كتب ما عدا (الإعلام السعودي وتشريعاته) يقول ما فيه إلا مذكره وما أدري هل عدم وجود كتاب منه محصور بمكتبة خوارزم أو بجميع المكتبات .. ولا أدري هل نزل لهذه المادة كتاب أو لا ..

والشيء الثاني إنه يقول ما فيه غير أربع مواد اللي موجودة بس ولكن ستوفرها المكتبة بعد كم يوم ..

وأخيرا ... هذا هو رقم المكتبة ( 6817090 ) للي يحب يستفسر منهم أو يتأكد من وصول جميع الكتب قبل ما يروح علشان ما يتعب نفسه..

وبالتوفيق للجميع ..

[عيناك012]

أخوي اسير جدة مهم جدا تسير على الخطة الدراسية في الجدول ، لاكن الأهم تعرف مين اللي عنده المادة من الدكاترة عشان أول شئ تضمن درجة طيبة لو اجتهدة ( لآن في دكاترة ما يعطوك حتى لو اجتهدة وأكلت الكتاب ) وثانيا تعرف المنهج المطلوب .
يعني مثلا لو كان الدكتور على القرني ( ونعم فيه ) اللي راح يعطيكم هذا الترم الأول الإعلام السعودي فمعنا ذلك ان المقرر هو المذكرة الخاصة به والمعتمدة من الجامعة ولو اعطاكم احد غيره فقد يغير المنهج لذلك معرفة دكتور المادة مهم ، لاكن للأسف الى الأن ما ظهر في الشعب مين اللي اوكلت اليهم مواد الاعلام ( يعني الجدول ما اتوزع على الدكاترة ) وهذه مشكلة
يعني مو كفاية ان الدورة في آآآآآآآآآآآآآآآآآآآآآآآآآخر الترم ، لا كمان ما نعرف نروح لمين يعرفنا المنهج على الأقل

[ابو يوسف2]

سلام
الله يعين اول سنه انتساب شكلهم يبغون يبدعون فيناء

[AseeR-jeddah]

هلا فيك أخوي عيناك .. وأشكرك على النصيحة ..
لكن وش نسوي ما بيدنا حيلة ( إذا ما طاعك السوق طعه )

يعني الحين ((والكلام موجه للجميع)) ما ينفع نذاكر من الكتب ؟ ليش ما تعتبر الكتب شاملة للمنهج ... ؟
هل الدكاترة مثلا راح يجيبوا من خارج ماهو موجود بالكتب ؟؟

وغير كذا كيف أعرف إسم الدكتور اللي يدرس المادة ؟؟

بصراحة ماني من الناس اللي تسأل الدكاترة أو تحتك فيهم ولا أعرف كيف أوصل لهم ..
لأني أتركها بتوفيق الله قبل كل شيء ..

يا ليت أحد يدلني على الطريقة لمعرفة الدكاترة اللي يدرسوا المواد وكيفية التواصل معهم

ودمتم بود ،،،

[ودي بس]

اشكر الجميع على هذه المعلومات الي بصراحه انستنير فيها اكثييييييييييييييير


بيض الله وجه وعوفي كل من ادلى وكتب وطرح ونفع اخوته الاعضاء المنتسبين ..


فعلاً كلنا يجب ان نكون يد واحده وعون لبعض ..


واسال الله لنا ولكم التوفيق والعفو والعافية والسعادة ..


ودمتم

[عيناك012]

كيف حالك اخويا اسير جدة
كلامك صحيح ممكن الواحد يذاكر المنهج كامل من غير مايعرف الدكتور حق المادة ، لاكن كطالب منتسب في الغالب بتكون موظف وبتكون متزوج وراك التزامات والمذاكرة محتاجة وقت كثير خاصة ان في بعض المواد تتعدى 400 صفحة مثل كتاب com 210 وسمعت ان المطلوب كان بس 180 صفحة والباقي محذوف ، يعني انا اذاكر المحذوف قبل الدورة ؟؟ وبعدين لو الواحد عرف دكتور المادة قبل الدورة راح يعرف طريقته في وضع الأسئلة ويذاكر على طريقة الدكتور ، فوايد كتير تستفيدها لما تعرف الدكتور حق المادة لأن الواحد ملتزم أولاد وعمل طول النهار والله يعين ما يبقى وقت للمذاكرة غير الخميس والجمعة ، وهذا الترم انا اشتريت كتاب مبادئ التسويق حق هند الشدوخي واعتقد ان الدورة حق هذة المادة لطلاب إدارة الاعمال تبدأ الاسبوع الجاي وقريت كثير في المنتديات ان الفصل التاسع محذوف و هذا كان السنه اللي فاتت، فأنا ما عرفت اقابل الدكتور محمود الزيود اللي هيدرسها باذن الله حسب الظاهر في الشعب الدراسية عشان اسئله عن اي شئ في المادة هذه ، لاكن بما ان الدورة حق المادة قربت راح انتظر واحضرها مع طلاب الادارة .

عشان كدة انا افضل كثير وتفرق معايا كثير معرفة دكتور المادة مبكرا في اول الترم .

[AseeR-jeddah]

هلا فيك أخوي عيناك وأشكرك على التفاعل

طيب أخوي كيف أقدر أعرف دكاترة المواد علشان يحددوا لنا من الكتب على الأقل لأن الدورة موعدها بعيد والمشكلة ما فيه وقت بعدها على الاختبارات ..

إذا تعرف طريقة أقدر أعرف أسماء الدكاترة أو كيف أقدر أتواصل معاهم الله يجزاك خير ..

[ssalobaid]

ممكن استفسار ياخوان!!

انا ألا الان ما نزلي الجدول برغم اني مسدد هل انا لحالي و لا في أحد زي؟

[AseeR-jeddah]

أخوي هلا فيك ... إذا انت مستوى ثالث .. لازم تضيف الجدول عن طريق الحذف والإضافة