للي عنده استعداد وعزيمة نبدأ خطوة الالف ميل من الحين لاختبارات المستوى الثاني

[مزة كيووووت]

زيتونه اسمعيني انتي قلتي اليوم تطلع النتايج فين مانزل شي الى الان يعني متى وربي تعبولي نفسيتي؟؟؟

[الزيتونة]

مزة حاولي تشوفين كشف الدرجات تلاقين هالايقونة على يمين صفحة الاودس الخاصة فيك واذا مانزلت فعساه خير ان شاءالله

[مزة كيووووت]

حبيبي مافي الا مهارات الاتصال انا شايله هم الباقي الله يعين يارب ويسلموو حبيبي على ردك

[الزيتونة]

*______________________________* الرياضيات

هل صحيح ان الرياضيات اللي كان مقرر عليكم ياخطة "أ" هو
الباب ... الثاني
= .... الثالث
=......الرابع
=......السابع
والباقي محذوف هل المعلومة اللي حصلت عليها هذه صحيحة او لا افيدوني جزاكم الله خير
يعني اللي معانا هم ( المفاهيم الاساسية في الجبر ) & (التحليل والكسور )& (المعادلات ) & (الدوال) هذي هيه بس اللي كانت معاكم او انا غلطانة ؟؟؟ حابة اتأكد وشكرا لكم

[المهندسكو]

لقد حاولت أن انقل موضوع كتبته في الترم الماضي لمنهج الرياضيات ولكنني لم استطع
ولكن إليك الرابط حول منهج الرياضيات التي انتم مطالبين بها . وسوف تجدونه مفصل ومفهوم

الرابط
http://www.skaau.com/vb/showthread.php?t=33936


أما بالنسبة للإستفسار حول مذاكرة الرياضيات قبل التحليل الكمي
فإن في الرياضيات الفصل الأول وهوا الأهم ، حيث أنه يهتم بالأساسيات في الرياضيات
فأنا أرى البدء به ومن ثم الرجوع إلى التحليل الكمي ، أما في حالة كان وضعك في الأساسيات في الرياضيات
تمام ، فأنا ارى لا بأس البدء بالتحليل الكمي ..

[الزيتونة]

السلام عليكم اجمعين
اشكر تواصل كل من أهتم بالموضوع
أخ prefume حياك الله
المهندسكو فعلا افدتني واتمنى المزيد .....وعندي سؤال سمعت انه لازم نبدأ في الرياضيات أول قبل التحليل الكمي ؟ هل المعلومة هذه صحيحة وشكرا لك مرة ثانية

نغم الحياة...... حياك الله معانا وياليت تحضرين كل ماعندك عشان تفيدينا بعد
أخ خالد ..... شكلك شاطر بالرياضيات لو كان كلامي صحيح ياليت تبدأ معانا والاخ مهندسكو وتتفقون على طريقه الشرح

الاخ يلدرم.....
شكرا على اهتمامك وفعلا انا قرأت كلامك بالتفصيل ولازم في اقرب فرصة انه اراجع الورقة وان شاء الله الامور تكون أفضل

راجية الفردوس ......حتى لو كنت خايفة انك تكوني ماحليتي والاسئلة تكون ملفوفة مايمنعك انك تتأكدين أنا اتذكر اني مرة راجعت الاستاذة في سنة من السنوات على اني اتأكد وكانت ترفض بحجة انها متأكدة من تصحيهها ولكني اصريت بكل ادب اني لازم اشوف الورقة وبالفعل اطلعت عليها واكتشفت انها منقصة 3 درجات واختلف مستواي من متوسط الى متقدم
يعني النص درجة تفرق في المستوى ولا انت ايش رايك :)
الله يوفقك ويوفقنا كلنا يارب ونكون من اللذين ينفعون دينهم وانفسهم ودنياهم
شاكرة للجميع

[الزيتونة]

أنا راح احط قانون وان شاء الله الجميع يرضى فيه ... وهو انه في حالة احد وضع معلومة مهمة عن المواد سواء شرح او تعليق او تصحيح ياليت انه يكتبة بعد علامة مميزة تكون واضحة لجميع الأعضاء عشان نعرف أنه هنا فيه stop وشوية تركيز
أنا راح اقترح علامة واضحة واتمنى تكون علامة مشتركة بين كل الاعضاء اللي انضموا معانا
راح ابدأ بسم الله
*__________________*
ياليت تكون في اول البلجراف والقصد منها انه الكل يشوفها ويعرف من بعيد انه هنا فيه معلومة تهمة
حتى مايحوس بين الكلام العادي وبين الشرح
وشكرا

[الزيتونة]

*_______________________*
معلومة راح تفيد خطة "أ" المنتقلين لخطة "ب"
* أحب اعطيكم معلومة أنه مادة الأحصاء زي ماأنتم عارفين ليها كتابين كتاب مباديء الاحصاء والكتاب الثاني تطبيقات في التحليل الاحصائي النقطة المهمة في الموضوع انه الكتابين هما عبارة عن كتاب واحد .....كيف هالكلام ... بسيطة كل ماهنالك انه لازم تفهمون انه فيه قوانين بالاحصاء هالقوانين مرة تجي مع البيانات المبوبة ومرة تجي مع البيانات الغير مبوبة ..........راح تتسألون وتقولون ويش الطلاسم اللي بتقولها الزيتونة ......ماعليكم الحين من معنى مبوبة وغير مبوبة بس حابة تعرفون انه كتاب المباديء الاحصاء قالولنا الاساتذة
ذاكروا فقط البيانات الغير المبوبة ...........واحذفوا البيانات المبوبة........هذا من ايش من الكتاب النظري يعني طلبوا منا نذاكر من الكتاب المباديء نحفظ ونركز فقط على البيانات الغيرالمبوبة ...........
أما الكتاب الثاني اللي هو التطبيقات في التحليل الاحصائي فطلبوا منا نحفظ القوانين للبيانات المبوبة والغير مبوبة يعني الاثنين
ولو ذاكرتم راح تكتشفون انه الكتابين هما نفس بعض اللهم اختلاف بسيط جدا
أن شاء الله اكون قدمت شيء ولو بسيط
واكون افدتكم

حاولت أني ارسل مرفق بصورة غلاف الكتابين بس للاسف رفض ومااعرف ويش السبب بالرغم من اني عملت سكانر عليهم

[الزيتونة]

الاخوة اللي انضموا معانا اتمنى انهم يطلعون على جميع الصفحات حتى مايفوتهم شيء وانا اضطريت انسخ اللي كتبته مرة ثانية حتى مايفوتكم شيء ولكن للانتباه ارجوا المرور على الصفحات التي لم تمر عليها حتى مايفوتك اي شيء

[عاشقة الندى]

السلام عليكم ورحمة الله وبركاتهــ

اختي العزيزة زيتونة...

بالنسبة لمادة الرياضيات زي ماقلتي بالضبط دا هو اللي داخل معانا...
ولا تنسوا انكم تذاكرو الرياضيات اول بعدين التحليل الكمي ....

وفكرتك رائعة بس انا عن نفسي مستحيل ابدأ اذاكر والنتايج لسه ماطلعت لاني اعصابي تعبانة وخايفة...

ان شاء الله اول ماتطلع على خير ....
حبدأ اجمع معلومات عن موادكم واهيأ نفسي للمذاكرة...