الي اختار تخصص موارد بشرية يدخل هنا....!!!

[الـ_ٍـوسـ_ٍـامـ]

وانا معكم
واسأل الله عز وجل ان ينجحنا ويوفقنا

[لذة صعود المنحدر]

نصيحه تخصصوا تسوووووووووووووووووويق
انتوا قارنوا بين مادة الموارد البشريه وبين مادة التسويق وش اللي امتع في الدراسه
الموارد دش ككثييييييييير وحفظ التسويق عكسها فهم وشي من الواقع
االتسويق مجالاته متعدده من ناحية الوظائف ومن ناحية اكمال الدراسات العليا
كنت صراحه بتخصص موارد بس الحمدلله الذي نجاني من هذا التخصص .
دمتم بصحه وعافيه والرأي الاول والاخير لكم .

[ocean1111]

العنوان واضح وكان فقط للي تخصصو موارد بشريه واللي عنده ملاحظة على التخصص الرجاء قولها من دون نقد وتحسيس بانك كنت راح تغرق وتحبط اللي معك كل واحد يشوف وش اللي يناسبه ويشوف وش ميوله

والله يوفقك وين ما كنت تسويق ولا غيره :)
ولكم مني جزيل الشكر

وانا معكم موارد بشرية

[البضيع]

كل واحد يختار على حسب قدراته ورغبته ما هو على رأي فلان انت وش هدفك من الجامعة وش ودك تصير وش القسم اللي تشوف انه يصلحلك

اخترنا تخصص الموارد البشرية وأسأل الله لي ولكم التوفيق والسداد

[طارق58]

ماشاء الله تبارك الله
الله يزيد ويبارك
يؤلمني صراحة اننا وللمرة الثانيه نفترق ؛ في الكليات اولا ثم التخصص والمسارات ثانيا ونفقد ناس وزملاء كثير
لكن راح نذكرهم بالخير ولازالت بصماتهم وجهودهم عالقة بالاذهان

الله يوفق الجميع

[sharshabelo]

كنت مقرره ادخل موارد بشريه

في اخر لحظه غيرت رأئيي ولعلها خيره


سؤالي اقدر اغير لاسمح الله اذا فكرت اغير التخصص ؟؟

[صاحب قراار]

المشاركة الأصلية كتبت بواسطة sharshabelo كنت مقرره ادخل موارد بشريه في اخر لحظه غيرت رأئيي ولعلها خيره سؤالي اقدر اغير لاسمح الله اذا فكرت اغير التخصص ؟؟

نعم تقدرين تغيرين مره وحد خلال دراستك بشرط المعدل وموافقة القسم اللي بتحولين له عن طريق معاملة من خلال نظام الأودس
والله الموفق نصيحتي لك انك تدخلين قسم عن قناعة انا كنت ابغى تخصص عمليات وجودة ولكن فيها خيرة يوم قفلوه لان كنت افكر في الموارد لعدة اسباب مجالاتها اوسع لأن مافيه شركة او وزاره او منشأة الا لازم يكون فيها ادارة موارد بشرية فيكون المجال اوسع هذا رايي

[ابو حمـد]

انا ودي اتخصص ادارة موارد بشرية

ولكن الغريب اني ضغطت ابي اتخصص ورفض

طلع لي نافذه مكتوب فيها / عدم انطباق معايير التخصص ...... للأسباب الاتية
عدد الساعات اقل من الحد الادنى : 40

وهي كل ساعاتهم اصلا الساعات المسجلة : 26

[W0LF]

انا تخصصت ادارة موارد بشرية لأنها نفس مجال عملي ولله الحمد
واعجبتني المواد لأنها اغلبها جالسين نمارسه في حياتنا العملية اليومية
واقول ياشباب ويابنات لا تخافوووون ابد والله ابواب الرزق مفتوحه في الموارد البشرية والشواغر في الشركات بالهبل .. وكل الشركات تدفع رواتب عاليه لمنسوبي الموارد البشرية
وللعلم جميع مدراء الموارد البشرية في المملكة غير متخصصين , بس نفعتهم خبراتهم واغلبهم يحملون ثانوية عامة او بكالوريوس اداره عامة وبكالوريوس ادارة اعمال , وان شاء الله المستقبل لكم

[طارق58]

المشاركة الأصلية كتبت بواسطة لذة صعود المنحدر نصيحه تخصصوا تسوووووووووووووووووويق انتوا قارنوا بين مادة الموارد البشريه وبين مادة التسويق وش اللي امتع في الدراسه الموارد دش ككثييييييييير وحفظ التسويق عكسها فهم وشي من الواقع االتسويق مجالاته متعدده من ناحية الوظائف ومن ناحية اكمال الدراسات العليا كنت صراحه بتخصص موارد بس الحمدلله الذي نجاني من هذا التخصص . دمتم بصحه وعافيه والرأي الاول والاخير لكم .

شكرا على النصيحة
بس كثير اعرفهم متخرجين انتساب موارد بشريه ويثنون على التخصص وكمان ولله الحمد متوظفين في جهات حكوميه واهليه