هنا نستقبل استفسارات العلاج الطبيعي

[حمودي المالكي]

والله ياجماعة محتار بين قسم الاشعة والعلاج الطبيعي
واللي مسبب الحيرة اكتر فرص التوظيف بعد التخرج
يعني ناس بتقول العلاج الطبيعي مالو فرص وظيفية كثير واكثر الخرجين توظفوا على مسمى (فني) وارفع طلب تعديل مستوى وشوف متى يجي الفرج عاد!!!!!!!!!!!!!مع ان شهادتك بتكون بكالوريوس
والاشعة احس مو مره حابها
وش تنصحوني فيه بناءا على المستقبل الوظيفي ؟؟؟؟
فديتكم مرررره محتار؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟

[عذبة الأطبآع ..~]

شوف وانا اختك ..
القسم اللي انت حابه ادخله .. بما انك حاب العلاج اكثر من الاشعه توكل على ربنا وادخل علاج ..
وبالنسبه ل الفرص الوظيفيه انا أشوف اماكن توظيف أخصائيين العلاج اكثر (مستشفيات - مراكز تأهيل - مركز ذوي احتياجات خاصه - جيم .... وغيرها)
بس هذا مؤ معناته تقليل ل الاشعه

و لا تفكر حاليا ب الفرص الوظيفيه .. فكر ب الدراسه ..
اكيد ربنا بيرزقنا ب أحسن الوظائف .. ما تدري يمكن لما تتخرج يكونوا فتحوا مستشفى خاصه ب العلاج ويحتاجون دكاترة ؛)


هذا مجرد توضيح ورأي الخاص ،،

لا تشغل بالك كثير .. عندك وقت تستخير فيه في هذا الشهر الفضيل ..



والله يوفقك ويختار لك الخير

[عذبة الأطبآع ..~]

ولا يكون طموحك بكالوريوس فقط ،، خلي طموحا اكبر وبكذا ان شا الله تكون فرص التوظيف أقوى

وهذا ينطبق على كل التخصصات

[bayan sait]

المشاركة الأصلية كتبت بواسطة حمودي المالكي والله ياجماعة محتار بين قسم الاشعة والعلاج الطبيعي واللي مسبب الحيرة اكتر فرص التوظيف بعد التخرج يعني ناس بتقول العلاج الطبيعي مالو فرص وظيفية كثير واكثر الخرجين توظفوا على مسمى (فني) وارفع طلب تعديل مستوى وشوف متى يجي الفرج عاد!!!!!!!!!!!!!مع ان شهادتك بتكون بكالوريوس والاشعة احس مو مره حابها وش تنصحوني فيه بناءا على المستقبل الوظيفي ؟؟؟؟ فديتكم مرررره محتار؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟

و انا اعرف ناس متخرجين علاج طبيعي و بيشتغلوا بمسمى اخصائي !!
و ناس دحين بيكملوا دراسة برا
و ناس دحين معيدات عندنا في الجامعة

ربنا كريم و الوظيفة خليها عليه سبحانه و تعالى

أستخير و ان شاءالله ربنا يكتبلك الخير

[Deev]

هل الدراسه كلها في مبنى حق كلية العلوم الطبيه ولا في مواد خارجها ؟؟

[عذبة الأطبآع ..~]

مواد التخصص والكلاسات النظرية من المواد الثانيه (وظائف اعضاء و تشريح ) تكون ف نفس المبنى

اما معامل الفسيولوجي والاناتومي يكون ف المبنى الخاص فيها

[Deev]

طيب يعني بحكم خبرتكم كيف طريقه المذاكره اسبوعيا وايش اكتر مواد طبعا من سنه تانيه يبغالها تركيز اكثر ؟
وهل في دورات للمصطلحات الطبيه وكيف نتعامل معاها ؟
وهل الدراسه تحتاج مستوى عالي من الانجلش ؟
وايش المواد اللي تحتاج كتب ؟
والعربي والثقافه داخلين في المعدل ولا ؟
واعذروني ع كثرة اسئلتي

[عذبة الأطبآع ..~]

طيب يعني بحكم خبرتكم كيف طريقه المذاكره اسبوعيا وايش اكتر مواد طبعا من سنه تانيه يبغالها تركيز اكثر ؟
والله ب النسبه ل المذاكرة كل وحده وطموحها
يعني اللي تبغا درجات عاليه تذاكر اول ب اول او ف الويك اند ،، وهذا طبعا الاريح

ونصيحه مني لكي: اول ما تاخذي المحاضرة وتطبعيها ارجعي البيت اقريها مرتين او ثلاث .. بس اقريها وترجمي اللي مو فاهمته مؤ ضروري تذاكريها .. عشان ع الاقل يكون عندك خلفيه عن الموضوع ويسهل عليك مذاكرتها بعدين ..

اما المواد اللي يبغالها تركيز انا احس الاناتومي(جزء العضلات) ومواد التخصص طبعا


وهل في دورات للمصطلحات الطبيه وكيف نتعامل معاها ؟
ما عندي خبر عن الدورات والله ،، بس اذا تبغي الفايده اكتبي ف قوقل مثلا مصطلحات طبيه واعرفي الكلمات الاساسيه ..


وهل الدراسه تحتاج مستوى عالي من الانجلش ؟
نوب ما تحتاج مستوى عالي ،، الدكاترة عارفين اننا مؤ مره شطار ف الانقلش ويتقبلوا منك اي سؤال ..
ومع ترجمه الكلمات راح تتعلمي بنفسك


وايش المواد اللي تحتاج كتب ؟
ما كان عندنا كتاب الا الاناتومي وما نحتاجه الا قليل ..


والعربي والثقافه داخلين في المعدل ولا ؟
اي داخلين وحاولي تستغليهم ف رفع المعدل ،،



واعذروني ع كثرة اسئلتي
عادي خذي راحتك احنا ل بعض

[BALSAM]

السلام عليكم وصباح الخير جميعا ,
يعطيكم العافيه اخواتنا اللي جاوبوا ماقصرتو ..

عندي سؤالين لكم وياريت القى جواب شافي
* الدكتورات والدكاترة في القسم كيف مستواهم ومدى تعقيد اسئلتهم وكيف تعاملهم مع الطالب ؟
* الاحظ اقل الأقسام من ناحية اقبال الطالبات عليه هو العلاج الطبيعي وهذا شي مضايقني ومخوفني ف ياترى ايش السبب ؟
هل في شي ف التخصص منفر للطالبات ؟ غير الصعوبة مع اني متفائلة ان شاءالله انه يكون ممتع واشعر انه افضل التخصصات ف القسم ..

وشكرا مقدما ,

[bayan sait]

المشاركة الأصلية كتبت بواسطة balsam السلام عليكم وصباح الخير جميعا , يعطيكم العافيه اخواتنا اللي جاوبوا ماقصرتو .. عندي سؤالين لكم وياريت القى جواب شافي * الدكتورات والدكاترة في القسم كيف مستواهم ومدى تعقيد اسئلتهم وكيف تعاملهم مع الطالب ؟ * الاحظ اقل الأقسام من ناحية اقبال الطالبات عليه هو العلاج الطبيعي وهذا شي مضايقني ومخوفني ف ياترى ايش السبب ؟ هل في شي ف التخصص منفر للطالبات ؟ غير الصعوبة مع اني متفائلة ان شاءالله انه يكون ممتع واشعر انه افضل التخصصات ف القسم .. وشكرا مقدما ,

و عليكم السلام و رحمة الله و بركاته و صباح النور

مستواهم في الشرح ممتاز و توصلك المعلومة و تفهمها بس طبعا لك دور انتي تسألي اذا ما فهمتي شيء او مصطلح مو عارفته يعني لا تمشي شيء ما دخل عقلك استفسري على طول و الأسئلة في الاختبار تقدري تجاوبي عليها اذا مذاكرة تمام و تفتحي مخك لأنو بعض الدكاترة يبغو يشوفوا مين فاهم و من بس حفظ الكلام

شوفي و على حكاية مو كتير مقبلين عل قسم ، انا يوم كنت في مكانك و اسأل نفس السؤال دا و الجواب انو اغلب الناس ما يعرفوا ايش هو العلاج الطبيعي بحكم انه قسم جديد عليهم و في ناس بالهم انو مساج و تكبيس و علاج بالأعشاب ...الخ و هو ابداً مو كدا

انا كنت استغرب ليش في المنتدى هنا محد حابب العلاج الا انا و وحدة بس مع بداية السنة عرفت انه 14 بنت مقبولة في القسم و بعدين زادوا في اول اسبوعين الين صرنا 24 بنت
فلا تخافي محا تدرسي لوحدك

و زي ما قلتي القسم جداً ممتع و عملي اكتر و ان شالله مافي صعوبة كمان
و تنوري قسمنا اكيد