ما بعد اختبار step شهر ذوالقعدة ( نقاش الاسئلة + تجميعها + النتايج )

[مطلع الفجر]

آآآمين وإياكِ يارب

بس ضروري لازم تكلمي القسم اللي راح تقدمي عليه وتبلغيهم..

وإن شاء الله يتغاضوا ويوافقوا ..

[حجر الزاويه]

بالنسبه للتعهد

أنا بكل بساطه كتبت نفس الكلام وقبلها أضفت لا صغيره
يعني بإختصار لأتعهد بنقل الأسئله

هم باعوا علينا الأختبار وكل واحد حر فيما إشتراه


قلبي مفقوع منهم لأان قياس لايقس ذكاء ولا لغه بل يقيس ضبط أعصابك والحظظظظظظظظ وحده أعرفها كله حقره بقره وجابت 80

هدفهم مادي بحت وكل سنتين ينتهي صلاحيته

[همة همة همة]

المشاركة الأصلية كتبت بواسطة مطلع الفجر آآآمين وإياكِ يارب بس ضروري لازم تكلمي القسم اللي راح تقدمي عليه وتبلغيهم.. وإن شاء الله يتغاضوا ويوافقوا ..

طبعا مااقدر اكلمهم بس بارسل لهم خطاب

[super2009]

في سؤال لخبطة فيه وهو كم استغرق خالد من ساعة في القطعة 3 و 4 ليصل الى بيته : كتاب اكثر من 4 لانه المفروض يستغرق 4 بس تاخر في محل الهدايا ساعة وبكذا يكون اكثر من 4

لاااااااااااااااا

اخترت الإجابة 4 ساعا

الله يعين .. حقيقة انجليزيتي ضعيفه جدا , نهاية الإختبار قمت اقلب ورقة الإجابة ابغى اطلع اجابة وحدة متأكد منها ما قدرت

ما استعديت كويس للإختبار .. ان ماجبت درجة حلوة راح اعيده في شهر 3 ان شاء الله

بالتوفيق لجميع الطلاب والطالبات ..

[*nana*]

والله مدري وش السالفة الله يستر بس كلها شختك بختك
على فكرة اش يبغو من السؤال اللي كاتبين كم سطر وحاطين خطوط تحت كم كلمة وفي الاختيارات حاطين نفس الكلمات اللي تحتها خط
تكررت اكثر من مرره ومدري وش سالفتها!!

ياااااااااااااااااااااااااارب كل من دخل هالامتحان يجتازه

[ar_8]

المشاركة الأصلية كتبت بواسطة t3bt ashtag ايه صح امتحااان شهر 8 كان اسهل بكثييييييير

وشهر 12 من السنه اللي فاتت كان اصعب من امتحان اليوم بكثير

والله انا اشوف امتحان اليوم نعمه مقارنه بامتحاني اللي بذي الحجه

يارب نحقق الدرجه المطلوبه

[احساس ورده]

المشاركة الأصلية كتبت بواسطة مطلع الفجر السلاااام عليكم كيفكم بناااااات إن شاء الله ياااارب خير وكلنا نجيب الدرجات اللي نتمناها ياااارب آآآمين أنا أختبرت في كلية التربية ..جداً تنظيمهم سيء صراحة طبعا الصوت مو واضح للي جالس في الخلف .. حشرينا جنب بعض مو كالعادة كرسي فيه وكرسي مافيه !! كل شوية بعد مانجلس يقومونا كلنا يغيرون القاعة ...مرتين صارت والوقت لما ينتهي مابين قسم وقسم مافي جرس تنبيه يعني اوقات ينتهي وقت القسم الأول ويبدأ وقت القسم الثاني واحنا ماندري... ماحد ينبهنا !!!!! ونجي نطالع في الوقت على الشاشة عشان نعرف كم بقي نلاقيه اختفى ..!!!بس نقعد كل شويه ننبه عليهم حركواا الماوس عشان ترجع الشاشة ونشوف الوقت !!!! وإزعااااج وبنات ماتعرف كيف طريقة الامتحان ومنااااقشات مع المشرفات وليه وماكفى الوقت وماعلمتونا...واحنا نجاوب >>>مافي أي تعليمات قبل الإمتحان كيف طريقته للي أول مرة يختبر !!!!! وفوق هذا كله أسلوب في التعامل....!!!!!!!!! وآآآآآآآآآه آآآآآآآآآه منهم قمممة التوترررر من قبل يبدأ الإمتحان حتى بعد مابدأ ... حتى صرت أحل بدون تركيز وتوتر ماني عارفة ألاقيها منهم في أيه ولا أيه الزحمة اللي احنا فيها والازعاج ولا الوقت اللي مانا عارفين فين صار ومتى ينتهي ويبدأ ... الله يهديهم بس .. بالنسبة للاختبار متوسط مستواه بس يحتاج تركيز خاصة وسرعة في القراءة واختيار الاجابة الصحيحة القرمر مع إنه مذاكرته كويس بس حسيت الإختيارات تلخبط ..ولا مادري يمكن مع حالة التوتر اللي كنا فيها ماني مستوعبة كويس .. اسئلة القطعة حسيتهم مركزين على معاني المفردات واسئلة عامة تعتمد على فهمنا القطعة أكثر منه إنها اسئلة اجابتها مباشرة من القطعة أو نستخرجها من القطعة ...وهذا اللي يضيع الدرجات مع ضيق الوقت . اسئلتهم الإختبار هذي المرة جديدة ..مو مكررة مثل مالكل توقع ..وأنا كنت متوقعة كذا منهم هذي المرة .. واختبار شهر 8 الماضي كان أسهل وأوضح بكثير من رأي .. والله يوفقنا جميعاً يارب آآمين

مطلع الفجــر..أتوقع أنتي كنتي معايا في نفس القاعه إللي هي 101

تعــــــــــــــــامل أسوء من السيء..

وكله كووووم وأعطــاء التعليمـــات مو عارفين التعليمــات أبدا وأحنا اللي نصحح لهم..

والوقت اللي مانعرف متى ينتهي ومتى يبدأ وحتى لما تقول الوقت قد عدت دقيقة والله الدقيقة هذه تأثر أقلها في التضليل..

وأزعـــاج وأبدا مافي كنترول على القــاعة..

وآخر شي خربتهـــا البسة اللي كانت بتدخل القـــاعة هههههههههههههههههههههه

الله يوفقنـــا ويكتب لنــا الخير..

كنت خارجة من الإختبار ومتــضايقة شوي وخــايفة من النتيجة بس فتحت الجوال وجــاني مسج ريحني كثير..


(توقع خيرا مهمــا كثر البلاء)

[yesyes]

المشاركة الأصلية كتبت بواسطة *nana* والله مدري وش السالفة الله يستر بس كلها شختك بختك على فكرة اش يبغو من السؤال اللي كاتبين كم سطر وحاطين خطوط تحت كم كلمة وفي الاختيارات حاطين نفس الكلمات اللي تحتها خط تكررت اكثر من مرره ومدري وش سالفتها!! ياااااااااااااااااااااااااارب كل من دخل هالامتحان يجتازه

السؤال هذا كان المطلوب منه .......أنه فيه كلمات من الكلمات اللي تحتها خط فيها خطأ ..أحياناً يكون خطأ في القرمر وأحياناً في طريقة الكتابة ....وأحياناً في قواعد الكتابة ...
يعني مثلاً أحمد يعتبر اسم ( من قواعد الكتابة انو ينكتب كبتل مو سمول )
من قواعد الكتابة كذلك انو المُدن تنكتب كبتل ..
من قواعد الكتابة انو كلمة ( أي ) دائماً تكون كبتل مهما كان موقعها في الجملة ...
وهكذا

[yesyes]

المشاركة الأصلية كتبت بواسطة احساس ورده مطلع الفجــر..أتوقع أنتي كنتي معايا في نفس القاعه إللي هي 101 تعــــــــــــــــامل أسوء من السيء.. وكله كووووم وأعطــاء التعليمـــات مو عارفين التعليمــات أبدا وأحنا اللي نصحح لهم.. والوقت اللي مانعرف متى ينتهي ومتى يبدأ وحتى لما تقول الوقت قد عدت دقيقة والله الدقيقة هذه تأثر أقلها في التضليل.. وأزعـــاج وأبدا مافي كنترول على القــاعة.. وآخر شي خربتهـــا البسة اللي كانت بتدخل القـــاعة هههههههههههههههههههههه الله يوفقنـــا ويكتب لنــا الخير.. كنت خارجة من الإختبار ومتــضايقة شوي وخــايفة من النتيجة بس فتحت الجوال وجــاني مسج ريحني كثير.. (توقع خيرا مهمــا كثر البلاء)

أماااااااا بسة وربي

هذا مانشيت طويل عريض في الصفحة الأولى في الصحافة السعودية ههههههههههههههههههههههههههههههه .....وربي قياس فضيحتهم بجلاجل

[yesyes]

المشاركة الأصلية كتبت بواسطة همة همة همة أخواني أخواتي فيه شيئ خطيـــــــــــــــــــــــــــــــــــر جدا جدا جدا وقليل جدا جدا جدا _حسب علمي_ من يغفل عنه هو.................. مو صح كلنا كتبنا تكررا لجملة الاقرار أقر و أتعهد أن لا اقوم بتسريب او نقل لهذه الاسئلة وما شابه هذا الكلام .... أو أمر العهد مو هو شيئ بسيــــــــــــــــــط . من صفات النفاق :قال الرسول صلى الله عليه وسلم :من صفات المنافق ذكر ثلاث او اربع وذكر منها _إذا عاهد غدر _.واية الاسراء " وأفوا بالعهد إن العهد كان مسئولا"....طبعا لم نلقي البال في ذلك ...وأنا أولكم ..لكن الحمد لله وأنا اكتب العهد تأملت هذه العبارة وأنا اكتبها .... وهذا عهد.............

كلامك صح ...ويشهد الله انو جاء في بالي ذا الكلام وانا في القاعه ...بس يا اختي اللي قاعدين نكتبه ونعلق عليه ( ترا يعتبر رموز للي ما اخذ الاختبار ) يعني اقصد انو اللي جالسين احنا نسوية الان نقاش في اسئلة الاختبار بشكل ( شبه سطحي ) اللي ما دخل الاختبار ماراح يستفيد من كلامنا بالشكل الحرفي ...

يعني اقصد لو اننا نسخنا القطعة كاملة ( وكتبنا اسئلتها ونشرناها في المنتدى هنا أنا معاكِ )
أو مثلاً كتبنا ( اي سؤال من اسئلة القرمر )

لكن قلنا جات قطع صعبة ...طويلة ....إلخ من هالوصف اللي بيعتبر عامي للنقاش مو اكثر

وجزاك الله خيراً على حرصك .