First Step in Medicine‏( اعلانـ دورهـ المصطلحات *^ )

[FOFO<3]

يب انا رايحه ان شاءالله

[sun rise]

انا سجلت خلاص .. دوبي راجعة من الجامعة
قالو لكم انه السبت حنبدا من الساعة 9 ؟؟

[soma al7elwa]

حتى انا سجلت

ايوا قالوالي نبدأ من الساعه 9

وقالوا كمان انو نروح لمبنى 2 الدور الأول غرفة 240

اللي فيها كتنب وكأنو مدرج

ياقلبو عليهم زي العسل واللهي الله يسعدهم

يلا اللي سجلت تخبرنا

[M!ss Mojy]

انا امس طولت السهر ههههههههههههههه

وصحيت الصباح ابغى اروح كسلت ورجعت لسريري

ان شاء الله اروح بكرة اسجل

بنوتات ابغى اشوفكم كلكم هنااااااااااااااك يلا مرررره تحمست

[Dr.AlJuhani]

السلام عليكم ورحمة الله وبركاته
.....
اليوم شفنا الحماس في عيونكم
وفرحنا فيه كثير
أتمنى يبقى دائما
وأتمنى تستفيدوا
....
وشدوا الهمه يادكاتره

[D&R]

طيب يا حلويييين انتو عارفين مين اللي راح يديكم المحاضرات ......؟؟؟؟؟
مجموعة من طالبات اللي خلصو سنة تانية وطالعين سنة ثالثة يعني مالهم غير شهرين مخلصين سنة تانية ومعليش مو زي الدكاترة يقدر الواحد يسألهم لأانو ما عندهم ديكا الكمية من المعلومات هما أكبر مننا بمجرد سنة واحدة فقط يعني لسه مالهم في الطب إلا البداية ..... بس أوليات

[Dr.NaNA]

طيب عشان ماسار لنا شهرين لسا المعلومات طازة في مخنا

واهم شي تتعلمو هوا المصطلحات الطبية عشان تقدرو تمشو في الطب

وان شاء الله البنات اللي اخترناهم يكونو كفء انهم يشرحو لكم

من جد اليوم انبسطت مع اللي حضرو ربي يسعدكم

[M!ss Mojy]

يب احنا عارفين انو الي بيعطونا الدورة بنات سنه ثالث

بس احنا واثقين في قدراتهم وكفائتهم واكيد بيفيدونا من خبرتهم في الكلية لمدة سنتين

واكيد راح يفهمونا ويعرفوا احنا ايش نحتاج اكثر من الدكتورات الكبار

ومقدما اقولهم كثـــــــــــــــــر الله خيـــــــــــركم

[Dr.AbRar..90]

بفضل التعاون أرست الأمم
صروحا من المجد فوق القمم
معا للمــــــــعالي يدا بـــــــــيد
نشيد البنــــــــــــاء بكل الهمم
_______

الدوره يقوم باالقإها نخبه من طالبات السنه الثالثه
الي هما مخلصين سنه ثانيه صارلهم شهرين تقريبا يعني طازا على قولت نانا
رح يدو بعون الله اساسيات المواد الي درسنها بتفاصيل
فالاساسيات موجوده عندهم وفوقها جزء كبير من التفاصيل
هدفنا من الدوره انو ماتواجه الطالبه الصعوبات من ناحية اللغه خاصه والاساسيات البسيطه الي بتقام عليها اشياء كثيره في الدراسه
فناامل انكم تستفيدو واحنا بنعملنا كل جهدنا عشان تتم الدوره بااحسن صوره واكبر فائده

واشوفكم بكره في التسجيل ان شاء الله

[Dr.AlJuhani]

صاحباتي كفوا ووفوا
لكن حبيت أضيف حاجه
الطب مسؤوليه وأمانه كبيره
أمانه ربي حطها بين يديننا
أرواح بين يديننا
الجبال ماشالت الامانه والأنسان الضعيف شالها
لسبب أنو عندوا القدره والأراده
عندوا الأمل بالله والتوكل
أي أنسان لما دخل كليه الطب
سأل نفسه هل أنا أقدر أتحمل هذي الأمانه
فكان جوابه .. نعم...
ودخل الكليه
لا يوجد أمانه اعظم من امانه الروح
وهيا أحد الكليات الخمسه اللي بيقوم عليها الأسلام
أهم من العلم وأهم من أي شي ثاني عدا الدين طبعا
أحنا لما راودتنا الفكره
وحاولنا ننفذها
لسبب
أنو أحنا حابين أنو العلم اللي عندنا مايوقف
وإن كان متواضع
لأنو الرسول توعد اللي يكتم العلم النافع
أحنا نعرف انو أحنا دوبنا صغار
ويمكن في منكم كثير أحسنن مننا
ويمكن معلوماتنا ماترضي غرور طلبكم للعلم
وأكيد أحنا مو زي الدكاتره
لكن....
السبب الاول والأخير أنو أحنا نبغى نسهل عليكم
بغى نقدم لكم اللي عندنا
نبغاكم تدخلوا بدايه السنه
وماتحسوا بالضياع
نبغى نثبت أقدامكم باللي نقدر عليه
أنتوا أخوتنا
أنتوا زميلاتنا
ويمكن يوم من الأيام عالمات ومخترعات في بلدنا
...
لما جينا ونفذنا
حاولنا وحاولنا
أنو البنات اللي نوكل لهم المهمه
يكونوا أفضل الناس
وقد المسؤوليه
والحمدلله النخبه
النخبه
هيا اللي ماسكه الموضوع
من أوائل الدفعه وطالباتها المتميزات
أن شاء الله نقدر نكون عند حسن ظنكم..
والله يوفقكم
وتكونوا أحسن مننا
وتقدموا بعدين للي أصغر منكم
أكثر من اللي راح نقدموا لكم
بالتوفيق للجميع ياارب