Vv|..شاركونا بنصائحكم وأتحفونا بتجاربكم..|vV (خاص بالسنة التحضيرية انتساب خطة أ & ب)

[haneen k]

اشكرك على الموضوع , لانو راح يفيد الكثير

راح اكتب ايش سويت في كل المواد

الترم الاول :

1- مهارات لغوية : اللغة العربية المادة دي انا و هي اعداء من الابتدائي , بسبب الاعراب , دكتورتي كانت عسل و شرحها مفهوم , فهمت منها بس لمن ذاكرت , ماعرفت اداكر , وجبت درجة سيئة

2- مهارات الحاسب الالي : مامسكت الكتاب لانو من اول محاضرة انسدت نفسي , مااعرف كيف احفظ و اختبر نظري , وهي المفروض عملي .

3- اللغة الانجليزية 101 : كانت سهلة , و الدكتورة شرحها ممتاز , دخلت على موقع الجامعة > معهد اللغة الانجليزية , ذاكرت المفرادات و القواعد , و حليت تمرينات الي حاطينها في الموقع و كانت درجتي جميلة .

4- الثقافة الاسلامية 1 : صح انها اكتر الدروس اخدنها في المدرسة , بس يبغالها مذاكرة , لا تتهاونوا فيها .

5- مبادئ الرياضيات : سهلة و حلوة , كنت اسمع المحاضرات , وبعدها اذاكر و كنت احل المعادلات و ادرب عليها كتير , و جبت كتاب اسمو سؤال وجواب , الاسئلة حقتو نفس نماذج اختبارات الانتساب , اهم شئ المعادلات فهمتوها بتعرفوا تحلوا .

الترم التاني :

1- مهارات الاتصال : احلى مادة مرة ممتعة كشرح , لكن وقت المذاكرة تتنح , بذات ادا كنت ماتحب تحفظ , ذاكرها اول باول , عن نفسي الي حفظتو حفظتو والي فهمتو فهمتو .

2- اللغة الانجليزية 102: مااختبرتها لاني اختبرت الانجليزي 101 , لاني مااختبرت الترم الاول .

3- تنمية مهارات التفكير : زي مادة مهارات الاتصال , بس شوية اسهل .

4- مبادئ الاحصاء : اسهل مادة بنسبة ليا , اهم شئ تفهموا وتحفظوا القواعد , عشان تعرفوا تحلوا المعادلات , صح راح يعطوكم ورقة فيها المعادلات , بس ادا مافهمتوا القواعد ماراح تحلوا .



نصائح ممكن تفيدكم :

1- ادا بدات المحاضرة و لقيت الدكتور او الدكتورة ماتشرح كويس , لاتخاف عالطول على المحاضرات المسجلة < فادتني كتير .

2- اهم شئ تدرس اول باول , تسمع المحاضرة من هنا , عالطول ذاكر من هنا , لا تستهين و تذاكر بعد ماتسمع كم محاضرة , بتكون صعبة عليك .

3- المواد العلمية زي الرياضيات و الاحصاء وكمان الانجليزي , مو تذاكر انو تفهم وتحفظ وخلاص , لازم التمرين حل المعادلات اكتر من مرة , درب نفسك , اما الانجليزي ادخلوا على موقع معهد اللغة الانجليزي > الانتساب و التعليم عن بعد , اختارو الانجليزي 101 او 102 > اختبار تجريبي > كل باب عليه اختبار , اتمرنوا عليه وماراح تندموا .

4- في كثير طلاب يعملوا جروبات واتس اب , او يدخلوا قروب واتس , حاولوا تدخلوا فيه لانو بتسفيدوا منها , يعني مو فاهمين شئ في المادة , بتلقوا احد يساعدكم .


ان شاء الله تسفيدوا

[- ميـم ..]

السلام عليكم

انا هذا الترم الاول لي وخطتي ( ب )
وصراحه كنت متوتره وخايفه ما اجيب معدل واحس اني ضايعه ما اعرف كيف اذاكر
احس نسيت كل شي درسته ونسيت حتى كيف اذاكر هذا وانا من خريجي سنه 36
بس لمن قرات الموضوع كامل ارتحت ووانبسطت الحمدلله
خطتي ( ب ) :
1- مهارات اتصال : عندي انطباع انها ماده سهله وخفيفه ونتعايشها في مجتمعنا ولازم استغلها في اني ارفع معدلي ..
2- مهارات التفكير : نفس انطباع مهارات الاتصال واحسها كمان اسهل ..
3- لغه انجليزيه : الحمدلله احب الماده هذي ولغتي فيها متوسطه بس يمكن شويه متخوفه من طريقة الاسئله ..
4- احصاء : للامانه هذي الماده مسويه لي قلق جدا لاني دايم اشوف طلاب كثير يتعثرو بسببها بس ان شاء الله باشوف شروحات عن طريق اليوتيوب واخذ فكره عنها ..



بالنسبه لطريقة المذاكره , بالنسبه لمواد الحفظ احب اذاكر بطريقة التكرار سواء كان باللفظ او كتابة وطبعا تاخذ مني وقت اطول لمن اذاكر بطريقة الكتابه
مثلا اكتب المعلومه 20 مره نفس طريقه الحفظ واحنا في الابتدائي النسخ
والحمدلله كذا المعلومات ترسخ في راسي وتكون يدي تعودت على الاجابه خصوصا لو كان الاختبار كتابه ..

اما مواد الفهم مثل الرياضيات والاحصاء والانجليزي ..
تحتاج الحفظ والفهم سواء ومانقدر نفهمها فقط في اشياء تحتاج الحفظ مثل المعادلات تحتاج حفظ الخطوات و فهمها
والانجليزي يعتمد على فهم القرمرات وحفظ الكلمات ومرادفها ..


وبالتوفيق اجمعييين ي رب

[طالب العلم0016]

شكرا لـhaneen k

شرح ممتاز ومفيد في نفس الوقة يسهل المذاكرة ونعرف كيف نذاكر المواد

بنسبة لثقافة الاسلامية انا مركز على خلاصة الوحدة وسئلة الاوحدة اسال الله التوفيق لي ولجميع الطلاب

[أبو هاااني]

السلام عليكم

اسعد الله مساءكم
حبيت اعرف وين احصل ملخصات خطة ب او الخطة الدراسية احتاجها لاخوي

ولكم جزيل الشكر

[Waad bahabry]

السلام عليكم اتمنى تفيدوني انا خطه أ مو عارفه كيف اذاكر ناس يقولولي الملخصات احسن وناس يقولو الكتب احسن واكثر الكتب اتغيرت دي السنه مو زي الكتب القديمه كلها طبعات جديده وغير

[بنت ناس وقلبي ألماس]

^^ انتظري لما تبدأ محاضراتك عشان تعرفي الكتب المقررة

واطلعي بعدها على أسئلة الاختبارات السابقة وذاكري من الكتاب راح تجيبي الفل مارك

وبالتوفيق

[فلوة محمد]

بسألكم سؤال لو اشتري ملخصات واسئلة الأعوام السابقه من مكتبه ابن سيناء او دار الهدى تكفي والا لازم اشتري كتب؟
قلت بعتمد بعد الله عليها وبحضر محاضرات. وشرايكم؟؟

[للصبرأخر]

الله يجزاكم خير يارب .. والله كنت حيل متخوف ..عشاني مسجل قريب بالجامعة ..والكل يخوفني ..بس بعد ماقريت هالموضوع اللهم لك الحمد ارتحت كثير .. واستفدت من طرق مذاكرتكم ..
واسئل الله ان يوفقنا وياكم ..ويجعلها بحسنات ميزانكم يارب

[wonderfull]

الله يجزاكم خير ..

[طالب تعليم عن]

السلام عليكم ورحمة الله وبركاته

والله انا توني جديد ولي دقايق مسجل بالمنتدى وهذي مصافحه اولى
مدري مكاني صحيح هنا او في موقع ثاني لاني تعليم عن بعد خطه ب السنه التحضيريه
بس كل تجاربكم قريتها والله جدا جزاكم الله خير تنورون الطريق للطلاب الجدد
من كثر ماقريت خشيت جو والله بعضكم يوضح الندم على ماطافه من عدم تركيز
ويوصي الطلاب الجدد عشان مايعيدوا نفس الخطا
توصيات حزينه هههههههههههههه تقبلوني بصدر رحب
والله يوفق الجميع