مين راحت الله يرضى عليك

[عماد الحسن]

السلام عليكم ورحمة الله وجزاكم الله خيرأ أخواتي الفاضلات وكذلك المشاركات،
وقد استفدت كثيراً من معلوماتكم وخبراتكم في هذا الموضوع ، ولا نستغني عن مشاركاتكم وكذلك بقية الأخوات في هذا المنتدى لتفيدونا بما توصلتم له في الجامعة.
وأسأل الله لكن التوفيق والقبول وتحقيق كل أمنياتكم بالخير والعافية.

المشاركة الأصلية كتبت بواسطة قطرات الندى. هلا اخواتي حابه افيدكم باللي عندي انا رحت اليوم الجامعه وسالت لان سجلت بالماجستير وسالتهم قالو تجيبي المطلوب اللي ببطاقة الترشيح طلعلكم هي الوثيقه وحسن السيرة والسلوك والشهادة المواد والتوصيه من الدكاترة التي سبق دراستها لك تكون كلها صورتين مع بطاقة الاحوال بعد صورتين وصورة شخصيه صورتين وتروحي تسلميها لهم بالعمادة القبول والتسجيل مبنى 3 غرفة 327الدور الثاني ....البوابه الغربيه للطالبات . بس انا بكرة رايحه كليتي عشان التوصيه بس ماني عارفه اروح لمين يعني الدكاترة اللي اخذت عندهم امتياز والا عادي موشرط التقدير بس انا لمن شفت استمارة التوصيه اكثرها تتكلم عن خطة البحث مدى تقبلك للنقد واللغات الاجنبيه والمعلومات العامه والافكاريعني انا ماني عارفه الجا لمن اكثر واريد افادتكم ......ضروووووري

حفظكم الله أخواتي ،،، التوصية يمكن تاخذيها من أي دكتورة بغض النظر عن النتيجة، وكذلك الكلام المكتوب لا يهم كثيراً لأن أي توصية تقوم بالواجب.

المشاركة الأصلية كتبت بواسطة الفراشه2008 اخواتي لازم تودون الاوراق لاني كلمتهم ويبغون نسختين من كل شي وكمان صورتين شخصيه وبالنسبه للتوصيه الافضل تكون مع احد اخذتي معاه امتياز والله يوفق الجميع التقديم بالمبنى الثالث قدام عمادة القبول والتسجيل انا بروح الثلاثاء ان شاء الله وبالتوفيق

نفس الشئ أختي لا يلزم تقدير امتياز للتوصيات.

المشاركة الأصلية كتبت بواسطة بروفيسوره متنحه أنا اليوم سلمت أوراقي الحمدلله وعدلت الغلط اللي في البيانات عقبالكم وصوري كلها كانت طبق الأصل. *التوصيات ماتاخذ الأصل تاخذ صورتين من كل توصية يعني تصوري التوصية نسختين وتختميها صورتين وثيقة التخرج صورتين شهادة حسن سيرة وسلوك وصورتين من الهوية ( بطاقة العائلة ) وصورتين من كشف الدرجات والصور الشخصية غير مطلوبة ،،موفقين

أكيد صور الطالبة غير مهمة ؟؟!!

[ساشينكا]

يا بنات بالنسبه لوثيقة التخرج ارسلهم صور او صوره طبق الاصل ؟؟
لانه ما بقي عندي غير نسخه وحده من الوثيقه اللي عليها ختم طبق الاصل , ما ادري عادي اصورها وارسلهم صورتين و الا كيف ؟؟ و نفس الشي بالنسبه للسجل الاكاديمي ارسل نسختين مصوره او اللي عليها ختم ؟
و اختبار اللغه الانجليزيه ضروري انا تخصصي بكالوريس انجليزي , كيف يكون وضعي ؟؟
يا ليت تردون باسرع وقت لاني برسل اوراقي بالبريد

[احــــســــاس]

الشهادات ثنتين طبق الاصل ترسلينها

[جوورري1]

طيب التوصيات ان شالله راح توصليني بالفاكس من الرياض ؟؟؟ كيف اختمها؟؟؟

[ساشينكا]

المشاركة الأصلية كتبت بواسطة احــــســــاس الشهادات ثنتين طبق الاصل ترسلينها

شكرا جزاكي الله خير

[MISS EZ3AG]

يابنات ..
التوصية انا اللي اعرفه انه تختم من مديرة القبول تبع الدراسات العليا بعد مايوقعوا الاستاذات .. هل كمان بعد التصوير أرجع اختمها ثاني؟؟ غير ختم الاستاذة نضيرة؟؟
وإذا نعم .. فهل أختمه برضو من عند نضيرة؟ ولا أروح للعمادة مره ثانية؟؟ لأني خلاص خلصت أوراقي تقريباً بس باقي ختم التوصية

[عماد الحسن]

المشاركة الأصلية كتبت بواسطة ساشينكا يا بنات بالنسبه لوثيقة التخرج ارسلهم صور او صوره طبق الاصل ؟؟ لانه ما بقي عندي غير نسخه وحده من الوثيقه اللي عليها ختم طبق الاصل , ما ادري عادي اصورها وارسلهم صورتين و الا كيف ؟؟ و نفس الشي بالنسبه للسجل الاكاديمي ارسل نسختين مصوره او اللي عليها ختم ؟ و اختبار اللغه الانجليزيه ضروري انا تخصصي بكالوريس انجليزي , كيف يكون وضعي ؟؟ يا ليت تردون باسرع وقت لاني برسل اوراقي بالبريد

وثيقة التخرج ترسل فقط صورتين مصدقة أو واحدة +صورة ويتم إحضار الأصول بعد القبول بحول الله.
حسب التعليمات الأخيرة فإن خريجي الإنجليزية ليس لهم اختبار توفل أو دورة إنجليزي.

[دمعه فرررح]

كيفكم بنات .. انا اليوم كلمت عماده القبول والتسجيل وحابه افيدكم ..
سالتهم بخصوص ارسال الاوراق عن طريق البريد بما اني خارج جده وطلبوني ارسلها مع صورتين من جميع الاوراق بما فيها بطاقه الاحوال وسالت عن الصور الشخصيه ارسلها معهم اولا وقالولي ماارسلها وانها غير مطلوبه حاليا

[ساشينكا]

المشاركة الأصلية كتبت بواسطة دمعه فرررح كيفكم بنات .. انا اليوم كلمت عماده القبول والتسجيل وحابه افيدكم .. سالتهم بخصوص ارسال الاوراق عن طريق البريد بما اني خارج جده وطلبوني ارسلها مع صورتين من جميع الاوراق بما فيها بطاقه الاحوال وسالت عن الصور الشخصيه ارسلها معهم اولا وقالولي ماارسلها وانها غير مطلوبه حاليا

طيب لو برسل المستندات المطلوبه هل لازم ارتبها في فايل و احطها بالظرف او بس اجمعها وادبسها واحطها بالظرف بدون فايل ؟؟
اعذروني انا اول مره اقدم على الماستر ماعندي خبره نهائي

[A_A_4_3]

السلام عليكم
الله يسعدكم مين يعرف صندوق البريد علشان انا خارج جده
ضرورررررررررررررري الرقم
ومشكووووووووووووووووورين