English Major : Level 3 .. [ GIRLS ] .. The Lectures

[بانسيه]

الله يجزاك كل خير ويوفقك ويسهل لك العقبات يارب

كنت برد عليكي من اول بس كان عندي مشكله في دخول المنتدى ,,,

لسه ماحذفوا شيء من الدروس >>>> هذا اللي همها !!!!!!!!!!!!!


كملي واحنا منتظرينك بارك الله فيك ,,

[مها يوسف]

فعلا يا بيسان ماحذفوا شيء من المنهج خصوصا الاشياء المكتوب جنبها توفل
مثل بارت 4 في كل وحدة في الريدنق

[XxDanzxX]

البريزينتيشن مو في نفس يوم الاختبار!!
البريزينتيشن على كلام استاذتي انو بس تخلص الدوره حقت الانتساب نداوم 3 ايام بعدها وفيها راح يكون تقديمه واللي من خارج جده وماتقدر تداوم زياده تقدر تروح تكلم الاستاذه تحطلها وقت خاص فيها =]
واللي تبغا تعرف استاذتها تروح لمبنى الجوهره وتراجع جدولها وشعبتها مع اللي هناك في قسم الانقلش وهم راح يقولولها
ووبس =]
Good luck ya'll (^^;)

[الــــغــــلا]

الله يفرج همك يابيسان ويوفقك يارب العالمين مثل مافرجتي على كثير منا

[.. بيســـان ..]

معليش يا بنات ,, موقع المنتدى ما كان بيفتح عندي زي الناس ,, يمكن دي المشكلة مو بس عندي ,, أعتذر مرة أخرى !!

[.. بيســـان ..]

البريزينتيشن مو في نفس يوم الاختبار!! البريزينتيشن على كلام استاذتي انو بس تخلص الدوره حقت الانتساب نداوم 3 ايام بعدها وفيها راح يكون تقديمه واللي من خارج جده وماتقدر تداوم زياده تقدر تروح تكلم الاستاذه تحطلها وقت خاص فيها =] واللي تبغا تعرف استاذتها تروح لمبنى الجوهره وتراجع جدولها وشعبتها مع اللي هناك في قسم الانقلش وهم راح يقولولها ووبس =] Good luck ya'll (^^;)

Danz

كلام الأستاذات بيختلف من أستاذة لأستاذة

و أنا سألت استاذتي و جاوبتني شخصيا

لكن الأفضل ,, كل وحدة تروح مبنى الجوهرة و عند أستاذتها و تشوف !!

[.. بيســـان ..]

فعلا يا بيسان ماحذفوا شيء من المنهج خصوصا الاشياء المكتوب جنبها توفل مثل بارت 4 في كل وحدة في الريدنق

أختي الفاضلة : مها يوسف

إلى الآن لم أسمع كلمة ( حذف ) في أي محاضرة ,,

[.. بيســـان ..]

كيف القيه يعني اقرأه من الورقه او غيب ؟؟ والموضوع يكون محادثه ؟؟

اللي أعرفه أختي الفاضلة إنو ( غيب )

و بالنسبة للمحادثة ,, مجرد إنها تسألك كم سؤال عن موضوعك اللي بتلقيه

عشان تتأكد بس إنك مو حافظة الموضوع صم >>> يعني تكوني فاهمة ايش بتقولي

ده اللي قالته في الكلاس

[.. بيســـان ..]

البريزينتيشن يعني كيف اقدر اتكلم عن نفسي وحياتي ووقتها راح يكون في نفس يوم الامتحان !!!

حبيبتي نهى ,,

عادي لو تبغي تتكلمي عن نفسك , انتي حرة

لكن الأستاذة ما تفضل تتكلمي عن نفسك لكنها ما تعارض الفكرة أبدا

لأنها بتقول ممكن تقديمك يكون ممل و يطفش

المهم عندهم يكون موضوعك يحتوي على a lot of information

ده اللي قالته الأستاذة يا عزيزتي

وكيف اعرف مين الدكتوره اللي تعطيني الماده عشان اروح لها

تدخلي من الأودس

و اضغطي : قائمة الشعب الدراسية

و اختاري رمز المادة + الفصل الدراسي الأول + السنة 2009

[.. بيســـان ..]

أي وحدة بنت ( خارج جدة ) شايلة هم البريزنتيشن و ما تقدر تجي الجامعة تسأل ,, أنا مستعدة أروح لأستاذتها و أشرح لها و ضعها و نحددلها موعد اختبارها بشرط تقلي هية أي شعبة + محاضرتها في الجدول تكون في أي ساعة و أنا رح أكلم أستاذتها عنها بإذن الله تعالى