تجمع طالبات الجغرافيا(اللي انقبلت جغرافيا تدخل)....

[ناعمة العود]

miss ez3ag

اسلي حالي المنسي....

الله يحييكم ياحبايبي...والله انكم ذووق...

أنا أبغاكم تكلمونا عن القسم عامة ...أحسن شي أسوء شي..
اش رايكم في القسم والاساتذة....نصايحكم لنا بحكم معرفتكم السابقة...

ولمن نبدء دوام اتمنى تكونوا متواجدين لاننا رح نحتاجكم كثير....
ماعندي اسئلة معينة بس اش يعني ..
تدريب عملي بإستخدام نظم المعلومات الجغرافية؟؟؟

والله يجزاكم خيير...ومشكورين على تواجدكم...

[ناعمة العود]

miss ez3ag


مشكووووووووووره يالغالية والله انك عسل...

كفيتي ووفيتي ...الله يسعدك يارب ...ومن ناحية تزوير الوثيقة انا انصحك تزوريها وترتاحي..خخخخخخخخخخخ
تسللللمي يااقمرر....

[كاساديا]

[color="darkred"]السلام عليكم جميييييييييييييعا..
وانا بصراحه رجعت فععلت البسوورد من جديد بس عشان ذا الموضوع,,
شوفي ياستي:
انا نفففس حالتك كنت ابا انجلش ورحت هناك كلي ثقه اني حنقبل ,لقيتهم اصلا اكتفو بعدد البنات واضطريت اخش قسم ثاني
قلت خلاص جغرافيا اقرب واهون شي..
لقيت انو حتى الجغرافيا خلاص,,طبعا انواع الاحباط ماااالقيت الا دراسات قلت يللا القى مقعد اول شي ويحلها حلال وبعديين في وحده الله يجزاها الف خير وين ماراحت من الموظفات شافتني منننهاره قالتلي تعالي في وحده بتحول وتبا دراسات..
طبعا ماصدقت خبر وطيررررران معاها وحولت وقتها ومصيبه عن مصيبه تهون..
طبعا اووول ترم ماكنت متقبله ولا اي شي لا بنات ولا كليه ولا دكاتره ولا اي حاجه وبس عند الشؤون عشان احاول الاقي اي فرصه احوول فيها لانجلش
المهم عدى اول ترم واتعودت ع الجو وحبيت التخصص ذا جدا كل يوم في شي جديد وكل يوم في شي يبهرني بصراحه..
عدت سنه اولى وبعدها ثانيه طبعا اتعثرت شويتين ورجعت وقفت تاني ع رجولي واتعرفت ع اروع صديقات وزادت ثقافتي الضعف لانو الجغرافيا مش بس سهول وجبال وطقس هيا ع قولهم علم العلوم كل شي فيها ,,
امما بالنسبه للانجلش ف لغتي ممتازه فاخذت كورسات ولله الحمد الاجازه هذي اخذت التوفل وناويه ع الالتز الصيفيه الجايه ,,يعني يا عسل يمديك اللغه تاخذيها من اي مكان واي وقت ولانو تخصص الانجلش مو صعب مميت بصراحه انا شفت موادهم وذهلت ع بالي اعرف ودافوره وكمان هما بياخذو ادب انجليزي مش لغه وترجمه يعني ف صدقيني الخيره فيما اختاره الله وابتسمي
....
اسفه ادري اني طولت بس كنت حابه اقولك تجربتي لانو بداية مشكلتك تقريبا زيي
بالنسبه للخطه الجديده راااااااااااااائعه فعلا في تخصصات فرعيه حتنفتح واكيد مو كلام الي هيا1-نظم المعلومات الجغرافيه
2-دراسات بيئيه
3-تخطيط عمراني
4-تنمية وموارد اقليميه
ويمديكي تشوفي كل هذا لما تخشي ع موقع الجامعه وخشي ع كلية التربيه للبنات للاقسام الادبيه
وشوفي الخطه الدراسيه للجغرافيا حتلاقي كل المواد وساعات التخصص
...
اسفه ع الاطااااله يا ناعمه والله يوفقك وين مارحتي يا عسل[/color]

[ناعمة العود]

مشكووووووووووووووووووووووووووووووووووووووووووره ياقلبي ..

شي حلوو منك انك فعلتي الباسوورد عشان الموضوع ...والقمر miss ez3ag سجلت كمان عشان الموضوع..

الله يسعدكم ...أخلاقكم عاليه من جد...

كلامك كلو صح ياكاساديا...أختي انقلش ومتبهدله المفروض تتخرج هاذي السنة بس ان شاء الله السنه الجايه تخلص..وتتخرج..
مشكوووووووره مررره بجد رفعتي معنوياتي انتي وكل الحلوات اللي دخلو الموضوع..

الله يسعدكم كللللللللكم ويوفقكم...

[لموووسة]

اهلين خيتوو

انا طالبه جغرافيا السنه الجايه ثالث ان شاءالله

على فكره كمان انا قبل لا اكون جغرافيا درست سنه كامله (ادب انقليزي )

ماراح اقولك سهل يبغاله دراسه وشده حيل مرره خاصه اول سنه

كل اللي يبغو انقلش يتوقعو يدرسو لانقوج بس تتفاجئي بمواد ادب وتدرسيها كإنك عايشه بلاد برا

المهم مابطول بكلامي عن الانقلش بس اللي حبيت اقوله لك انها خيره من ربي

وترى الجغرافيا اهون بكثير من الاقسام التانيه واستاذاتنا كمان احسن من كل الاقسام اللي بالكليه

احنا دخلنا بالخطه الجديده وبصراحه مره مره ضايعين

يعني المواد الي مفروض ندرسها بالتحضيري اخذتها الترم الماضي كل ابوها

صايره لخبطه ومدري بالنسبه للتفرعات اللي بتصير بالقسم راح تطبق علينا

ولا كيف لانهم ما ادونا اي خبر .!!

وحتى الخطه الدراسيه للقسم بين كل فتره والتانيه افتحها الاقي عدد الساعات متغير هع هع

كل اللي ابغاه اعرف راسي من رجولي يقوولو احنا بالخطه الجديده ودرسنا

مواد من القديمه مدري لخبطه كثير والتدريب ما ادري هالسنه بندرس بمدارس ولا غير ..

وعلى فكره بنات الجغرافيا انتو بفرع الفيصليه اكشخ فرع افرحو مين قدكم هع هع


اي سؤال استفسار انا حاااضره

[ناعمة العود]

اهللللللللللللللين لمووسه...

منوووره المووضوع ...كلامك صح

والله يعينكم على اللخبطه هادي..و يسهلكم ان شاء الله...
انبسطت بتواجدك الحلو...
سؤالي لكي او بالاصح ابغى رايك..
اش رايك بفكرة المسارات اللي رح يطبقوها؟واش رايك بكل مسار؟
وتتوقعي لها مستقبل؟؟
وشكرا لك يااقمرر

[لموووسة]

^
هلا فيكي ياقلبي
انا مره انبسطت بالمسارات اللي حطوها حسيت انو من جد صرنا جامعه :d
وراح يكون لنا مستقبل احسن من قبل يعني من اول بس مدرسه
بس احنا باقي ما قالو لنا اي شي عنها مدري الظاهر على بداية السنه بيخلونا نتخصص
الله يعيننا ونتخرج على خير يارب
بالتوفيق لك يالغلا واي استفسار انا جاهزه

[رورا الامورا]

السلام عليكم يابنااات كيف حالكم..بصراحة انا كنت حابه اتخصص فنون _ اقتصاد منزلي بس ربنا ماكتب وسرت
انا كمان معاكم بالجغرافيا وناوية ان شاء الله اتخصص مسار التخطيط العمراني لانه افضل شي برأيي..
بس بسألك لموسه ياقلبي كيف مبنى كليتنا وفيها صراف ولا لا وكيف استاذاتنا والنظام هناك كيف وأوقات الدوام متى الخروج والدخول وصح البريكات كبيره مره وكل شي حتى البنات كيف<<<<راح انضرب عارفه ياكتر اسالتي بس طمنيني مررررره خايفه
والله يوفقك ويوفق كل البنات يارب ويفتحها في وجهنا بكل خير يارب
اختك رورا

[لموووسة]

^
هههههههههههههههههههههه
اهليين روراا
ذكرتيني بنفسي اول ماسجلت بالكليه نفس الشي كنت اتسائل
بجاولك على كل شي

ياقلبي كيف مبنى كليتنا وفيها صراف ولا لا

الجغرافيا بالفيصليه والكليه من جوا كبيره نوعا ما يعني اول كم يوم بتضيعي وبتسألي كثير
والمبنى حلو مو سيء اتوقع انتو بتكونو بالدور اللي تحت بالمدرجات
والمدرج كبير واكثر شي بتعاني وقت المحاضره من البرد فجهزي جكيت من الحين وبتتذكري كلامي
اما الصراف بالكليه لا مافي بس ماحس له لزمه لانو لو في صراف بتلاقي بنات الكليه كلهم عليه
برا ياكثرها الصرافات ماراح تحتاجيها الا وقت المكافئه

وكيف استاذاتنا والنظام هناك كيف وأوقات الدوام متى الخروج والدخول

استاذات الجغرافيا بشكل عام افضل بكثير من باقي الاقسام وهالكلام من معرفه صديقات لي بباقي الاقسام
بالجغرافيا ولله الحمد استاذاتنا طيبات واسئلتهم سهله اغلبهم تصحيح آلي وينجحوا وقليل منهم سيئات
أما اوقات الدوام حسب جدولك كل قاعه لها جدول والبوابه تفتح الصباح وتقدري تخرجي
اول ماتفتح الساعه 10 اذا خلصتي تخرجي عادي وطبعا في رقابه على البوابه وحده اسمها (خضرا ) معروفه وبتسمعو كثير عنها الايام الجايه بس لاتستعجلي على رزقك

وصح البريكات كبيره مره

برضو البريكات انتي وحظك حسب الجدول كل شي
والله احيانا تكون عندنا محاضرتين وحده من 8 لـ 10
والتانيه تبدأ الساعه 2 وتخلص 3 ونص
فيكون البريك مره طويل واحيانا ماتكون عندك الا محاضره وحده تبدا 2 وهكذا
كله حسب الجدول واغلب البريكات بين المحاضرات ربع ساعه الا الايام الاستثنائيه الي ذكرتها من شوي

وكل شي حتى البنات كيف

البنات من بعد ما انضمت لنا الكليه الي بالسلامه سنه ثاني وصار في كثير من السمر مره
واغلب مكان تلاقيهم فيه الكافتريا وحتى كثير بنات شبهه هناك وبتشوفي اشكال والوان من البنات بس لاتستعجلي
انا ما اخوفك والله في بنات زي العسل وفي بطالين وانتي شاطره وتعرفي تختاري

<<<<راح انضرب عارفه ياكتر اسالتي بس طمنيني مررررره خايفه والله يوفقك ويوفق كل البنات يارب ويفتحها في وجهنا بكل خير يارب اختك رورا

ههههههههههههه لا عادي ياقلبي خذي راحتك بالسؤال واذا عندك اسئله تانيه انا حاضره
امييين ياارب

[رورا الامورا]

المشاركة الأصلية كتبت بواسطة لموووسة ^ هههههههههههههههههههههه اهليين روراا ذكرتيني بنفسي اول ماسجلت بالكليه نفس الشي كنت اتسائل بجاولك على كل شي الجغرافيا بالفيصليه والكليه من جوا كبيره نوعا ما يعني اول كم يوم بتضيعي وبتسألي كثير والمبنى حلو مو سيء اتوقع انتو بتكونو بالدور اللي تحت بالمدرجات والمدرج كبير واكثر شي بتعاني وقت المحاضره من البرد فجهزي جكيت من الحين وبتتذكري كلامي اما الصراف بالكليه لا مافي بس ماحس له لزمه لانو لو في صراف بتلاقي بنات الكليه كلهم عليه برا ياكثرها الصرافات ماراح تحتاجيها الا وقت المكافئه استاذات الجغرافيا بشكل عام افضل بكثير من باقي الاقسام وهالكلام من معرفه صديقات لي بباقي الاقسام بالجغرافيا ولله الحمد استاذاتنا طيبات واسئلتهم سهله اغلبهم تصحيح آلي وينجحوا وقليل منهم سيئات أما اوقات الدوام حسب جدولك كل قاعه لها جدول والبوابه تفتح الصباح وتقدري تخرجي اول ماتفتح الساعه 10 اذا خلصتي تخرجي عادي وطبعا في رقابه على البوابه وحده اسمها (خضرا ) معروفه وبتسمعو كثير عنها الايام الجايه بس لاتستعجلي على رزقك برضو البريكات انتي وحظك حسب الجدول كل شي والله احيانا تكون عندنا محاضرتين وحده من 8 لـ 10 والتانيه تبدأ الساعه 2 وتخلص 3 ونص فيكون البريك مره طويل واحيانا ماتكون عندك الا محاضره وحده تبدا 2 وهكذا كله حسب الجدول واغلب البريكات بين المحاضرات ربع ساعه الا الايام الاستثنائيه الي ذكرتها من شوي البنات من بعد ما انضمت لنا الكليه الي بالسلامه سنه ثاني وصار في كثير من السمر مره واغلب مكان تلاقيهم فيه الكافتريا وحتى كثير بنات شبهه هناك وبتشوفي اشكال والوان من البنات بس لاتستعجلي انا ما اخوفك والله في بنات زي العسل وفي بطالين وانتي شاطره وتعرفي تختاري ههههههههههههه لا عادي ياقلبي خذي راحتك بالسؤال واذا عندك اسئله تانيه انا حاضره امييين ياارب

ياحيااااتي الله يسعدك يارب ويحققلك كل اللي تتمنيه يارب بحق الشهر الفضيل دا...جزاك الله كل خير طمنتيني الله يطمن قلبك وبالك يارب
بس ايش حكاية خضرا دي
يعني ماتخلينا نخرج؟؟وقت البريكات الطويله ولا ايش؟؟ وكمان وقت البريكات الطويلة ايش تعملو فين تروحو فين تقعدو وممكن اخرج البيت وارجع تاني ولا لا
اممممم وايش كمان في اشياء حلوة في الكلية
انا الحمدلله البنات البطالين مره ابعد عنهم وعندي كم صحبه معايا وان شاء الله اللقي كمان عسولين زيك وزي ناعمه كمان...ويشرفني كمان اتعرف عليكي اكتر واكتر
الله يحفظك ادري طفشتك بالاسئله بس معليش استحمليني
اختك رورا