ماذا تفعل لو تزوجت حبيبتك؟

[سكووت]

اعتقد لو انو يحبها كان تزوجها وماخلاها تتزوج شخص اخر
بالاضافه انو دا السؤال اعتقد المفروض مايسأل في بلدنـا..دا رأيي الشخصي
تحياتي ..

[feeling angle]

كل اللي ردو يسلموا
وبالنسبة لسكوت ليش ما ينسال هالسؤال في بلدنا؟؟؟
في قصص كثير بتسير وفي حب عذري في بلدنا كثيرررر
في منها ينجح وفي منها لا
مو؟؟؟؟

[feeling angle]

والنسبة لو كان يحبها ماخلاها تتزوج غيرة
بعض الظروف تجبر الواحد وما يقدر يغير الواقع ممكن يكون سوى اللي علية بس النصيب مو له
وجهة نظرررررري
وتسلم على وجهة نظرك
ودمتي بود,,,,,,

[سكووت]

في قصص حب صح ماقلت لا وحلو انو نهايتها تتوج بالزواج ..
قال الرسول عليه الصلاة والسلام (لم نر للمتحابين غير النكاح) رواه ابن ماجه وحاكم

بس في مجتمعنا هنا بالسعودية تحديدا احس حب لعب وبزورة عشان مو متعوديين تقريبا..
يعني مو حب حقيقي حب مراهقة او حب تسلية او مجرد لعب وفراغ عشان كدا ابعد عن الشر وغنيلو

ومااعتقد انو حاول انو يتزوجها لانو رجال مافي شي يعيبو لو يبغاها كان تزوجها وكافح عشانها..وجهة نظري ..

[feeling angle]

هل كل قصص الحب اللي عندنا لعب بزورة؟
يعني احنا ما نعرف نحب والحب بس للي يكشوفوا و اختلاط
لا ابدا في قصص حب حقيقة ولكن لم يكتب لها النجاح وفي عندنا مليان
وياما ناس بكيت محبوبها
ولا ماضرب المثل بقيس وعنترة عرب من جزيرتنا
وتفبلي وجهة نظري,,,
اسعدني تواجدك

[عادل مظفر]

والله ما أدري يأنسة سكوووت كيف اشرحلك او اوصفلك الحالة اللي كنت فيها لمن شفت كتابتك

معليييش يعني كيف الحب هنا لعب بذورة ؟؟؟؟

ما ادري وسوري على التدخل .... بس انتي مجربه ؟ لان الصراحة كلامك ما يدخل العقل

مائة علامة استفهام وتعجب على العبارة اللي قلتيهتا بالعكس و انا احترم وجهة نظرك واقدرها

في اعتقادي الشخصي اني اتفق مع كلام الاخت feeling angle

لان في قصص حب حقيقية وواقعية لم يكتب لها التوفيق والنجاح

ومع ذلك الحياة بتستمر

ثانكييووو

[سكووت]

اذا هم اصلا انتهت علاقتهم وتزوجت غيرو دا شي تاني ..

لكن لو انو كان يحبــها كان حاول المستحيل عشان تكون ملك لو وما تتزوج غيرو لكن يتركها تتزوج غيرو ويقول انو بيضحي وفقد الحبيب ومدري ايش واهم شي سعادتها قمة السخف ..المفروض يحارب عشانها ..ولكـن الحرب دي احسها نادرة بالسعودية لانو الحب هنا حب مراهقين وحب مصالح وحب تسلية ..(اقصد بحب بزورة يعني مراهقة وتسلية وفشخرة انو حب او عرف فلانة وعلانة) لكن الحب الجدي اللي يخاف على المحبوب حقو من كل شي يحميه ويساعدو ويفكر فيه ..اعتقد نادر جدا
في قصص حب نجحت انا ماقلت لا ..وان شالله تكمل نجاحهـا ..كلامكـ اللي بالازرق حلو ولكـن الكلام دا وين عشتو بالسعودية او بكـندا ..

[عادل مظفر]

[quote=سكووت;1994024] اذا هم اصلا انتهت علاقتهم وتزوجت غيرو دا شي تاني ..

حتى واذا انتهت العلاقة ممكن يصيروا اصدقاء

لكن لو انو كان يحبــها كان حاول المستحيل عشان تكون ملك لو وما تتزوج غيرو لكن يتركها تتزوج غيرو ويقول انو بيضحي وفقد الحبيب ومدري ايش واهم شي سعادتها قمة السخف ..المفروض يحارب عشانها ..ولكـن الحرب دي احسها نادرة بالسعودية لانو الحب هنا حب مراهقين وحب مصالح وحب تسلية ..(اقصد بحب بزورة يعني مراهقة وتسلية وفشخرة انو حب او عرف فلانة وعلانة) لكن الحب الجدي اللي يخاف على المحبوب حقو من كل شي يحميه ويساعدو ويفكر فيه ..اعتقد نادر جدا

وجهة نظرك .... احترمها جدا
ماعندي اضافة لافكارك اللي عندي قلتلك اياهم

في قصص حب نجحت انا ماقلت لا ..وان شالله تكمل نجاحهـا ..كلامكـ اللي بالازرق حلو ولكـن

اكييد حلو لان من صميم قلبي

وشكرا إلك ياذوق

الكلام دا وين عشتو بالسعودية او بكـندا ..

سيبك اللقااااافة يابنت
تمووووتوا عشان تعرفوا

في أحلى واجمل ايام عمري .... في كندا لكن مهي كندية هي من احدى دول الخليج

[feeling angle]

اهلين اخوي مظفر
وتمنياتي لك بحياة مليئة بالحب تنسيك الحبيب الاول
واختي سكووت انا مؤمنة مية بالمية في عندنا قصص حب وحارب من اجلها المحبون لكن لم يكتب لها نصيب
صحيح مافي التقاء بين الطرفين
بس في نظرات ورسائل وافكار وخواطر وسهر ليالي ما يتنسى
وعمر ماكان الحب لعب بزورة ابدا...
ايضا وجهة نظري,,

[سكووت]

ايش اسوي اللقافة تجري بدمي عندك حل خخخخخخخخخ

كنت حاسة انها بكندا عشان بالخارج تحس الافكار منفتحة تقدر تعبر عن حبك تقدر تعيشو وتحس فيه ..
بس هنا احس باقي بدري ..الحب لعب بزورة عندنا بالسعودية (الغالب وليس الكل عشان ماحد يقول لا تعممي)

الاجواء عندنا والبيئة كانت عامل في انو الحب يصير مرحلة مراهقة وبزرنة وتنتهي ..