فتح الحذف والإضافة الأن لمواد البحث

[ريروو الحربي]

المشاركة الأصلية كتبت بواسطة hsr ياشباب الشعب كلها مغلقه ايش الحل انا ناوي اضيف المادة عند الدكتور : ضيف الله النفيعي متى الاوقات الي تفتح فيها الشعب ؟؟؟؟ افيــــــــــــــــــــــــــــــــــــــدوني

والله يالغالي مالها وقت محدد ممكن في اي لحظه تفتح الشعبه وخلال دقيقتين تتقفل يعني تقعد مسنتر على الاودس لين ربك يفرجها

وبالنسبه للدكتور ضيف الله النفيعي الكل يبيه وانا سجلت مبدئيا عند الروابده وانتظر تفتح شعبه الدكتور النفيعي اذا فتحت سجلنا واذا مالحقنا عليه على الاقل ضامن الروابده

وعلى قولة الشعب ريحة ابوزيد ولاعدمه , الروابده افضل من المزجاجي والسالم بكثير
المزجاجي يقعد لك على كل صغيره وكبيره واختبار من كتاب هو مألفه يعني يبي يستفيد من ظهور الطلاب من بيعه للكتاب
والسالم معقد في البحث مرره وخطواته كثيره ومتعبه وفي النهايه درجه مشي الحال مو حق التعب كله

والكلام ذا كله اخذته من قروبات طلاب الاترام الماضيه ماينصحون بالمزجاجي ولا السالم وعلى ضوئها تقدر تعرف طريقة كل دكتور

فالافضل لك انتظر على الاودس لين تفتح شعب وسجل على طول والله يسهلنا وتفتح شعبه الدكتور النفيعي

والمعذره على الاطاله بس حبيت افيدك بكل معلومه لدي

[ماني من أشباهي]

ليتنا ندري متى تفتح الشعب كان ما تركنا اشغالنا وسنترنا ع الاودس :(

[النديم]

Hsr فعلا مثل ما تفضل اخي ماني من اشباهي

مافي وقت محدد لفتح الشعب

الله يعينك مثلنا نام معانا على الكيبورد لين تفتح و نسجل هههههههههه

[النديم]

يا شباب فتحت شعب الخالدي و النفيعي و كذا واحد

وجيت اسجل مع النفيعي ما امداني قفلت على طول

[الفزي]

تم اضافة المادة عند الدكتور ضيف الله النفيعي

[النديم]

سجلت مع الخالدي مبدئيا

والله يالربع اخترت المربع حق شعبة النفيعي وظغط تسجيل اعطاني النظام مغلق

رجعت ثاني مرة لقيته قفل الشعبة

أنا وراه وراه و الزمن طويل

ههههههههههههههههههههههههههههههه

[ريروو الحربي]

المشاركة الأصلية كتبت بواسطة النديم سجلت مع الخالدي مبدئيا والله يالربع اخترت المربع حق شعبة النفيعي وظغط تسجيل اعطاني النظام مغلق رجعت ثاني مرة لقيته قفل الشعبة أنا وراه وراه و الزمن طويل ههههههههههههههههههههههههههههههه

انا مثلك توي لمحته انها فتحت شعبته جيت اسجل الا اشوف تقفيله في العيون شكلها وانا اخوك نومه على الكيبورد حتى براد الشاهي خلص وحنا باقي ماسجلنا ههههههههههههههههههه والله هم ذي المادة

[ريروو الحربي]

وش رايكم في الخالدي , من الافضل الخالدي ولا الروابده ؟؟؟

[النديم]

الخالدي يطلب مشروع بحث و ليس بحث كامل

بالاضافة يسوي اختبار من 50 درجة لكن درجات الطلاب كانت مرضية حسب افاداتهم

[ماني من أشباهي]

ما امداني مع النفيعي ،
سجلت مع الخالدي مؤقتاً .