لاتندم على حب عشته

[نضال]

انا اعلن عليكم الحرب بالأسلحة البيولوجية ,,,

ما ورااايه شي ,, دووووووووبي فاطر ,, و متفرغ لكم بكاسه شاي اخضر مع الحبق

<<< ابو الروقان


العاشق الساهر و dr loveو سارونه ,,


كيف لو كان الشخص اللي انت تجري وراه ما يحبك اصلا و يفكر في غيرك ؟؟

هل راح تمضي عمرك كله و انت تجري وراه ؟

هل راح تتقبل منه الصفعة ورى الصفعه و انت ما زلت تحلف له بحبك ؟!


طيب و النهاية ؟؟

نهاية الفلم الهندي دا ايش بتكون ؟؟!!


الحب مفروض انه يزيد حياتنا جمال ,, حتى ما عذابه ,, يفترض ان يكون حلو


اما في هذه الحاله ,, مرارة الواحد بتنفقع و هو يجري ورى شخص ما يفكر فيه اصلا ,,,


كيف لو كان الطرف الثاني " خائن " ؟

هل بتستمروا بالجري وراه حتى يعقل و يبطل خيانه و لعب و بعثرة في مشاعرنا ؟؟

انا اتفق معاكم في كلامكم ,, بس اذا كان الطرف الثاني انسان يستحق التضحية فعلا ,, اما اذا كان بايع فاسمحوا لي اقول اني """ بدعس على قلبي""" ولا افكر اني اصارحه بكلمه حب

[dr_love]

يا اخ نضال للاسف انك فاهم الموضوع غلط
ماقلتلك روح اجري وراه او اقعد فكر فيه لكن باقول لاتندم عالحب اللي عشته لانه يمكن في يوم من الايام الشخص اللي حبيته راح يعرف فضلك وعلى قول المثل ماتعرف خيري الا في غيري
يعني لو الحب اللي عشته او الشخص اللي عشته شاءت الظروف والايام بعد فراق انكم تلتقو وتتجمعو ثاني صدقني ماراح تندم ابداً بالعكس راح تتذكر المواقف الماضية وسبحان الله راح تتحول لذكريات سعيدة جداً

[سارونه]

والله يعينني عليكم خصوصا عضوين كاراميلا و نضال

صحيح الله يعينك...وخصوصاً على نضال لأنه الظاهر نفسه طويييل ... ماشاالله
كلنا معاك dr_love قلباً وقالباً ....
لأنه الظاهر فيه حالات تحتاج علاج طويل في عيادتك ...

[dr_love]

خلاص اذن انا باوظف سارونة عندي في العيادة تنظم المواعيد بس باقيلنا ممرضين وممرضات
" حتصير مستشفى والله مو عيادة ونقضي على مشكلة البطالة كمان "

[caramella]

اول شيء احب ان اشكر كل اللي ساهمو في الردود على استفساري
تاني شي حرام عليك dr_love اخاف من الابر انا الابرة اخدها بمناحه وبكى تبغا تستفتح معايا بإبر انا اخاف
المهم بعدين انا حأحجز عندك في عيادة امراض عاطفية مو امراض جسميه يعني الإبر مالها صلاح

[dr_love]

بس اذا حتعصبي لازم اعطيكي ابرة مهدئة لايجيكي انهيار عصبي وسط العيادة وتطلع سمعة علي اني دكتور فاشل
عالعموم والله انا مستعد ومتفرغ تقريباً لأي خدمة تبغوها في المنتدى وماعندي مانع في استقبال الرسائل الخاصة سواء من الطلاب او الطالبات
رغم ان تخصصي ادارة اعمال مسار نظم المعلومات الإدارية MIS الا انه في عندي خبرة في الحب وانواعه وعذابه
كمان احب قراءة الكتب النفسية والعاطفية وكل مايتعلق بالحب والله يؤثر في حتى لما اتفرج عالتلفيزيون وتجي لقطات رومانسية يعني مغازلة او تعبير عن الحب ولا اقصد اشياء ثانية احس باني عايش الدور معاهم
واخر شي اشكركم على تفاعلكم في الموضوع الذي اثار ضجة في المنتدى من قبل الطلاب والطالبات

[سارونه]

يااااااااااااااااااااااااااااااااي ضمن الوظيفه يعني ....
خلاص لا تنسى أنه أنا محاسبه يعني لما نفتح المستشفى حيكون مستشفى إستثماري .....
يعني خلي المشاعر على جنب ...
لازم نشتغل بضمير .... وكرميلا لازم تأخذا أبره زي ماقلت ...(مستشفى إستثماري ...حتى يزيد الحساب )

[نضال]

انا راح اوزع منشورات و ملصقات ضد الموضوع دا ,,

على واجهة المنتدى ,,


و على الأبواب و النوافذ ,,,

[سارونه]

dr_love إحنا لازم نعجل بأفتتاح المستشفى لأنه حالت الأخ نضال قاعده تزداد سوء..
أخاف بعدين يخرب علينا المشروع ... متهور يسويها ويعلق منشورات

[dr_love]

لاتخافي سارونة
نضال حاحبسه في الحجر الصحي
لانه خطر ضد الحب والمحبين
خلاص لقيت شعار للمستشفى
معاً لحبٍ بدون نضال
او معنا تحلو الحياة " كأنه اعلان سكر ولا شاي "
يلا شوفولنا شعار ولاتصدقو نضال لانه حيكون في الحجر الصحي او العناية المركزة
لازم ازرعله قلب جديد عشان يحب من جديد