خلونا نتناقش يمكن نقدر نغير الواقع!!!

[عصر الحاسب]

المشاركة الأصلية كتبت بواسطة شــفــافـــة أعطيني اسم المفتي وأقلك وين قضّى الصيفية هذي السنة ؛) ذكرتيني بـ اللي حرموا التصوير في أحد الأزمنة الغابرة والحين صورهم مالية الجرايد والمجلات وكمان نفس الي حرموا الدش نشوفهم في القنوات الفضائية طيب احنا متى نستوعب اللعبة؟! الفقه متغيّر مالم يمس الأركان لذلك كان لاجتهادات العلماء قيمة

الفتوى صحيحة وسمعتها من كذا شيخ

اعلمي رحمك الله أن لحوم العلماء مسمومة

يكفي غيبة وافتراء وكذب وأنتِ مسؤولة أمام الله عن ما تحدثتِ به
أصلحك الله تعالى

[عصر الحاسب]

[quote=بريانكا;1039830]

المشاركة الأصلية كتبت بواسطة soma al7elwa منجد منجد على قد ما في مواضيع استفزتني دا اكتر واحد مستفز بينهم كلهم ومنجد اتكلم دحين وانا فحالة غضب شديد الاختلاط انتهى امرو من زمان ما عاد في شي اسمو اختلاط العالم كلو صار قرية صغيرة فكل مكان موجود الجنسين كل مجالات العمل صار فيها "اختلاط" ماعدا المدرسة حتى موظفة البنك الا ما تحتاج تختلط مع رجال ليش الخوف دا كأنو بعبع؟؟؟ ....... الخ انا اوافقها في الرأي وبعدين اسمحوا لي من جد تفاجئت ان في ناس للحين عندها هدا التفكير خبري فيه من قبل ما انخلق انا اشوف ان الاب من حقه يمنع البنت ادا شاف منها شي يدل على انها راح تضر بسمعته لا سمح الله تقبلوا وجهة نظري

والله العالم سواء قرية صغيرة ولا كوكب كبير هذا الشئ مو مبرر لنا لفعل الخطأ

والخوف هذا مو لأنه بعبع على قولك ، لأنه شئ أكبر من البعبع بملايين المرات

عمومًا تحتاجي كثير للرجوع لكتب الفقة والمذاهب المعاصرة عشان تعرفي

انه احنا ما نتكلم من فراغ

[عصر الحاسب]

المشاركة الأصلية كتبت بواسطة soma al7elwa نقصات عقل ودين؟؟ وانا كنت مفكرة الرجال يقصقصوا الحديث ويستخدموه فارائهم اتاري في من بنات جنسنا برضو يستشهدوا بيه حبيبي أول شي لازم نقرا الحديث كامل ونفهم معناه كامل ؟ المراد من ناقصات دين هوا انو بتجي فترة ما بنصلي ولا بنصوم اللي فترة الدورة الشهرية اوكي؟ والمراد باقصات عقل انو بنحكم عاطفتنا قبل عقلنا ودا طبيعة جميع النساء في كل الأزمان ياريت تتكلمي بصفة شخصية "بلا عقل وبلادين" لكن تتهمي كل بنات جيلنا فدا شي مرفوض تماما احنا الحمدلله عقولنا متواجدة وبنخاف من ربنا وديننا موجود لا تنفي حديث الرسول فأنت ايضا ناقصة عقل ودين وحديث الرسول شامل لجميع النساء وبالنسبة لديوث ما ديوث دا رأيك وزي ما تقولي قولي انا ليا الشرف إنو عندي أب وأهل واثقين فيني وعارفين بنتهم وكيف ربوها ومافي داعي يجروا ورايا زي البيبي تجري وراها بالنونية والسريلاك وكل شي وكلمة دايما مامتي وبابتي الله يخليهم يقولها لنا "لازم تتعلموا كيف تعتمدوا على نفسكم ولا تحتاجوا لأحد احنا مو دايمين لكم ولا ازواجكم ولا اخوانكم ، أنفسكم وشهادتكم بس هي اللي تدوم لكم لغدر الزمان" اذا كان رب البيت للدف ضاربا __ فما شيمة اهل البيت إلا الرقص واللهم لك الحمد تلاقي حريم عند ماكدونالدز مو عارفين كيف يشتروا ولا كيف يطلبوا شي من الفلبيني وطبعا من منظرهم الخارجي باين انهم مو قادرين يتعاملوا مع اتفه شي يقابلهم بسبب انو دايما في واحد يتعامل عنهم فالمستشفى تلاقي الدكتور يسأل ولا موظف الاستقبال والرجال اللي معاها يرد ليه؟؟ انتي المريضة ولا هوا؟ لدي الدرجة انتي عيب تتكلمي؟؟ هي دي الغيره اللي تتكلموا عنها؟ فستين حريقة ازا الغيرة دي حتنفي شخصيتي ووجودي للأسف انعدم الحياء لديك ، هل تشجعين المرأة على التحدث مع الأجنبي ، ياسبحان الله بعدين مين كزب عليكي وقالك انو الدراسة اختلاط؟؟ الدراسة منفصلة بس الدكتور هو الي يدخل عند البنات ولا الطلاب منفصلين عن الطالبات ايش اللي ضرهم لو حطوا الدكتور خلف شبكة؟؟!! الاختلاط فالعمل فقط احنا هنا ما نبغى نقنعكم مو خايفين لا على زواج ولا على سمعة ولا على شي لأن ما نبغى اصلا نتزوج من رجال بدي العقلية ولا يهمنا رأي الناس بدي الافكار بس نبغى نبينلكم قديش فكركم ضيق ومحدود زي ما قلت اول رجاءا رجاءا ابتعدوا كل البعد عن الكوادر النساء بالعكس فكرنا وقاد مقتبس من الشريعة الإسلامية ، والفكر الضيق منبعه الآراء الشخصية التي أدليتِ بها وياريت عندك او احد من بنات اهلك ولادة عندك حمل التهابات مرض اي شي موجودين اطباء نساء وولادة ذكور ممكن تلجأولهم ارفعو حملة تقاطع لطبيبات والكوادر النسائية الطبية واتجهوا كلكم للرجال سموها "لا لطبيبة لا لممرضة لا للاختلاط" ونشوف مين حيفوز فالنهاية ومين فينا اللي يحتاج التاني اكتر

احنا ما قلنا ما نبغى طبيبات نطالب بفصل الجنسين عن بعض لا أكثر ولا أقل

ولكن سؤال لكِ ولكل من أدلى برأيه من امثالك
مالحكمة من رفضكم لفصل مكان العمل بين النساء والرجال ؟!
هل أنتِ بحاجة ماسة أن تعملي بجانب رجل طوال فترة الدراسة ؟!

[شــفــافـــة]

المشاركة الأصلية كتبت بواسطة عصر الحاسب الفتوى صحيحة وسمعتها من كذا شيخ اعلمي رحمك الله أن لحوم العلماء مسمومة يكفي غيبة وافتراء وكذب وأنتِ مسؤولة أمام الله عن ما تحدثتِ به أصلحك الله تعالى

ماافتريت ولا كذبت ولا اغتبت

حتى أنا برضو سمعت انو التصوير حرام وبعدين شفت صورة لنفس الشيخ
الي أفتى بتحريمها!
سبحان الله

وبعدين أليست السلطة تقوم على المذهب السني الحنبلي في قراراتها
فسري لي كيف ينلغي بند (عدم الجواز بالاختلاط) من شروط عمل النساء؟

[عصر الحاسب]

^
يعني قصدك المذهب الحنبلي يبيح الاختلاط ؟

[شــفــافـــة]

أقصد ولي الأمر أجازوا ,, والدولة توجهها سني حنبلي

وبس

[شــفــافـــة]

الخبر مرة قديم بس حأدور لك رابط

[شــفــافـــة]

المشاركة الأصلية كتبت بواسطة عصر الحاسب احنا ما قلنا ما نبغى طبيبات نطالب بفصل الجنسين عن بعض لا أكثر ولا أقل ولكن سؤال لكِ ولكل من أدلى برأيه من امثالك مالحكمة من رفضكم لفصل مكان العمل بين النساء والرجال ؟! هل أنتِ بحاجة ماسة أن تعملي بجانب رجل طوال فترة الدراسة ؟!

احنا رافضين لإصراركم بتحريم العمل في بيئة يتواجد فيها الجنسين

وشوفي الاتهامات التي تُكال للي يشتغلو في أماكن تسموها (اختلاط)

احنا نرفض انو أحد يشكك في أخلاقنا لمجرد اننا نشتغل في مكان (اختلاط)

تبغوا تسووّ أماكن لكم لوحدكم ومدن نسائية ,, ان شا الله كوكب نسائي
براحتكم

بس لا تتهموا بنات الناس بنقص دين وعقل
في محاولة فاشلة لتفسير حديث نبوي كانت دلالاته مجازية
وبناءً عليه تُحبس الفتاة في ظل رجل


هذا الرابط حق الخبر
http://www.alarabiya.net/articles/2008/04/02/47767.html

[عصر الحاسب]

^
طيب ايش فيها لو درست في مكان منفصل عن الرجال ووقت التطبيق تطبق برضوه في المستشفى مو مشكلة

لكن من غير ما يكون عليها مشرف من الرجال يكون من النساء بس ؟!

[عصر الحاسب]

^

بالنسـبة للقرار أنا ما أعلق على أي قرارات سياسية...

وأما بالنسبة للدلالات المجازية في الحديث فكان الحديث شامل لجميع النساء بأنهنن ناقصات عقل ودين
لكن هذا الحديث أنا لم استشهد به أثناء حديثي ، وإنما كان ردًا لمن قالت بأنها ليست ناقصة عقل ودين فقط