مركز الإبداع الكندي أم المجلس البريطانيbritish council

[طــــالبة العُــــــــلا]

مداخلة : العلم بالرغبة والإصرار ، فإذا لديك الرغبة فهي تكفيك لخوض التجربة

عن نفسي ماجربت أي معهد بس إن شاء الله ناوية أسجل بالإبداع الكندي لأنه يعتمد على المحادثة

[بسمة . .]

Nana
آمييييين يارب ، واياك ..

بخصوص ميح ، صدقيني ما اتوقع أكثر مني D= ، وفرق كبير بين مستواي قبل والآن ، صح اني مو مرة للأن ، وفيه اشياء احتاج اقوي نفسي فيها ، بس تأسست الحمدلله ، وراحت رهبة دراسة الإنجليزي من نفسي ..

بتحديد المستوى انا حليت ، بس تخمين ، وقلت لها بعد ماصححت لي اني انا مييح ، فدخلت من 1b ، خفيف بس بنفس الوقت مو سهل جداً ..
اعرف بنات دخلوا من 1a ، ومو بس حروف ، لأنه مو مستوى اطفال ، فيه قاعدات بس خفيفه اتوقع is و are وهالأشياء ، مع العلم اني رجعت اخذتها بمستويات ثانية ..

اما بدون اختبار تحديد ، فمدري ، بس اذا تبغين المستوى الأول يمكن يكون عادي
من حقك تطلبين تشوفين كتاب المستوى الأول ، وقرري، والله يكتب لك اللي فيه الخير ..

[*nana*]

آمييييييين يارب
وجزاك الله خير اختي بسمه
ماقصرتي كفيتي ووفيتي

على فكره اختي انتي كم مستوى اخذتي ؟؟


بناااات انتم اش قررتوا انا الحين بصراحة محتااااره بين الابداع واكسفورد

[أنســام]

مساء الخير
والله يا أخواتي إني أحترت مدري وش أختار
كل الي أعرفهم دخلوا برتش وامدحوه وكانوا مايعرفون شيء باللغة ,
والحين تقولون ما يكثفون في الاسبيكينق وتعرفون الماستر نصه إنجلش يعني ﻵبد نختار صح

محتاره بين الكندي والبريطاني
الله يعين

[بسمة . .]

المشاركة الأصلية كتبت بواسطة *nana* آمييييييين يارب وجزاك الله خير اختي بسمه ماقصرتي كفيتي ووفيتي على فكره اختي انتي كم مستوى اخذتي ؟؟ بناااات انتم اش قررتوا انا الحين بصراحة محتااااره بين الابداع واكسفورد

واجبنا ياعسل ، اما انا فخلصت مستويين والأن بالثالث
يعني خمس دورات ..

[*nana*]

الله يوفقك حبيبتي وان شاء الله عقبال ماتصير بلبل في الانجلش
واشكرك على افادتك لنا
وان شاء الله احاول اروح لهم بكره

مدري هل اقدر اسجل المسا ولا لازم الصباح؟؟

[أنســام]

أختي نونا
إذا رحتي بكرا قولي لنا كل التفاصيل يصير إذا عجبني دخلت معاكِ

[*nana*]

اوكي حبيبتي خير إن شاء الله

[جزا]

يا إخوان أنا غلطت غلطة وانضحك عليه وأبغى اصحح غلطتي:

اتصلت في يوم من الايام على مركز الابداع الكندي قبل شهور.. وسألت عن سعر المستويات وقبل لا أنهي المكالمة طلبني الموظف رقم جوالي.. وأعطيته من دون ما أسأله أيش تبغى فيه. ومن يومتها:

هلكوووووووونــــــــي

بالرسايل التجارية..

أبغى افتـك منهم ويوقفوا رسايلهم..
فأيــــــــــــــــــش أســــــــــــــــوي.؟؟

[بسمة . .]

*nana*
تقدرين تسجلين بأي وقت تروحين فيه من أوقات دوام المعهد سواء الصباح ولا المساء
انتظر وش يصير معاك ..


جزا
جرب اتصل على رقم المعهد واطلب الغاء رقمك ..