الجامعة بعد السيل العرم

[تورللي]

ايش فايدة دوامنا واحنا عايشين في حالة قلق وخووف من اللي حاصل
انتوا عارفين ان الجامعه كلها بتدمر لاسمح الله اذا انفجرت البحيره

والبعض ماشاء الله كمان يبغا يداوم ماهو حاس بشئ والا باللي حواليه
بس ماقول غير اللهم استودعك نفسي واهلي واهل جدة فاحفظنا وارحمنا والطف بنا يااارب العالمين

[حابه # اتخصص]

المشاركة الأصلية كتبت بواسطة ملك بلا مملكه خلونا كالجسد الواحد الواحد منا يفكر بس في نفسه ولا يفكر في العالم الي برى الي بيتها خرب والي اهلها تشردوا والي مات عندهم اخ او احد افراد العائلة روحوا شوفوا قويزة والعدل والحرازات شوف اماكن العزى الي مات عندهم بسبب الفيضانات والي يبغى الدراسة اقوله روح شوف العالم الي برى وشوف المأســي والحزن والله لا وريكم اي مكروه ونحن يوم نقول ما نبغى الدراسة الحين مو ما نحب الدراسة بالعكس حنا يمكن اشد منكم نبغى نتخرج لكن شوفوا واحكموا ,,

وانا رأيي من رأيك أخوي
وحتى لو اتصلح الجامعة والشوارع في ناس اتشردوا من بيوتهم والي راحت سياراتهم هذولي كيف يقدروا يداوموا الواحد لازم يفكر بغيروا

هذي مو انفلونزا تجي وتعدي ولا عندنا مناعة منها هذي غرق الله يحفظنا
كمان اذا هما قدروا يضبطوا وضع الجامعة والشوارع في أسبوع ولا يومين
الناس ماراح تقدر تعوض خسارتها في أسبوع

[ليوناردو]

ما أعتقد فيه دراسة واذا فيه نفسي أهم من الجامعة


تحذير هام جدا جدا جدا جدا بخصوص أمطار قادمة الى مدينة جدة والمناطق حولها

http://www.skaau.com/vb/showthread.php?t=126054

[منولة]

ان شالله يتم التأجيل .... جده في خطررر

[Dalia]

يا جماعه طيب اتفقو انكم ماتداومو وارتاحو. ..
احنا لازم ما ننسى اخواننا واخواتنا اللي تهدمت بيوتهم .. وضاعت اغراضهم العزيزة عليهم...
أتمنى من الطلاب والطالبات اللي اعتبرهم بصراحه انانيين عشان اختباراتهم .. يعيدو النظر في موضوع الدراسة...
وايش يعني لو اتأجلت الدراسة..؟ وايش يعني لو اختبرتو بعدين..!!!
منتو قاعدين اسبوعين في بيتوكم.. ايش الضرر اللي ح يصير لو أجلتو كمان اسبوع ولا اسبوعين..!!
لا تنسو في ناس ضاعت كتبهم ودفاترهم .. وعندهم اختبارات السبت ولا الاحد...!!!

انا صحيح ما عشت اللي عاشوه .. بس يكفي الصور والفيديوات... تحرك ضمير الميت..

اللهم ارحمنا برحمتك .. واغفر لمن هم فارقونا....

لحد يزعل من كلامي..بس حقيقة .. دمعت عيني من بعض الردود اللي تبي تختبر اختباراتهم..
ونسيو اصدقاءهم..!!

[® βutteяfly aηgel«~.]

اقووول بس اللي مسويه داافوره وتبا تداوم تداوم مع نفسها
هذا غرق مو لعبهَ
في عوائل الله يعلم بحالها
الواحد ما يفكر بنفسه ~

[ميمي الحلوة]

لازم تتأجل لو أسبوع واحدبس مو معقول الدوام يوم السبت الناس خرجوا وتشردوا من بيوتهم يروحوا يداوموا
المفروض يصدر خبر رسمي حتى دحين مافي أي خبر
يستنوا الطلاب والطالبات يداوموا ولمن ينفجر السد لاقدر الله ذاك الوقت يصدروا قرار رسمي
يارب لاتقسي قلوبنا الناس عيالهم ماتوا في هادا السيل وبعضهم لمن دحين مفقودين ماقول غير الله يرحمنا برحمته ويحفظ أهلي وأهل جده وأهالي المسلمين

[شرقية]

http://www.skaau.com/vb/showthread.php?t=126041

[كتكوته؟؟؟]

صرااااااحه لازم يكوون فيه تااجيل
يعني اوضااع الناس مو زي بعض
انا اعرف نااس نفسيتهم زفت صرااااااحه انشااء الله يكون في تاحيل
والله يكفينا شر الامطار يااااارب

[اوراق الورد]

ماهو القرار الصريح هل هناك تاجيل ام لا

ارجو من منسوبي الجامعه من موظفين الرد

لانه بصراحه احنا في حيره