رساله الى مدير الجامعه احتجاج الطلاب على تأخر نزول الدرجات

[القناص المرتاح]

هالترم للاسف النتائج تأخرت كثيييير

[بدر الشرقية]

تأخير رصد الدرجات أمر غير مبرر ، خاصة إذا عرفنا في المناطق إنهم يرسلون الإجوبة بشكل يومي إلى جدة
فما الذي يجعلهم لا يبدأون التصحيح مباشرة ، خاصة أن لديهم أسبوعين من قبل أن تبدأ اختبارات جدة ..!
..
يعني يمديهم يخلصون المناطق قبل لا تبدأ اختبارات جدة ، عشان يتفضون لجدة بسهولة
لكن يبدو أن المسئولين في جدة مأخذين راحتهم ولا فيه أحد ساءلهم عن شيء

[محمد ال راشد]

السلام عليكم ورحمة الله وبركاتة
انا اضم صوتي معاكم وحسبي الله ونعم الوكيل العالم احتفلت بنجاحها وحنا بعد نستنى ابي اعرف ليش التأخير بس
مادة الإقناع ومادة الرأي العام وبحث عند عمر الشرقي لسة مطلعة نتائجها لاكن الله يعين لعبو في نفسيتي

[الخوارزمي بلس]

حسبنا الله ونعم الوكيل في كل مقصر في شغله

خلونا على أعصابنا جالسين ننتظر النتائج , ولا كأنها شهادة الدكتوراه ,

1 / رسوم الإنتساب مرتفعه ( 24.000 ) ريال في الاربعه سنوات بمعدل ( 3.000 ) ريال للترم الواحد وهذا اذا كان الطالب شاطر وجابها في اربعه سنوات اذا ماطلعتلو ماده مادتين اخرتلو تخرجه ويدفع ( 3.000 ) اخرى عشان ماده أو مادتين , اما بالنسبه للترم الصيفي برضو حيدفع الطالب ( 3.000 ) ريال عشان خاطر ( 9 ساعات ) واذا بيتخرج بدري . يعني لو تحسبو مجموع الرسوم كلها مع الصيفي واذا كانت في مواد راسب فيها يبغالها ترم زياده حتطلع فوق ال ( 35.000 ) ريال . يعني رسوم لاتقارن بالجامعات الاخرى . وفوق هذا كلها يرسبوك وبفلوسنا . طيب ليش ؟
2 / كل الجامعات اغلبها مافيها سنه تحضيرية واذا كان فيها تكون داخله من ضمن التخصص ماعدا جامعتنا المرموقه . طيب ليش ؟
3 / الدوره التأهيليه في اغلب الجامعات الطالب الي يحضر الدوره الاسبوعين كلها له ( 20 درجه ) والاختبار يكون من ( 80 درجه ) يعني لو تجيب في الاختبار اقل شي ( 40 درجه ) و ( 20 درجه لحضور الدوره ) المجموع ( 60 درجه ) يعني ناجح لكن عندنا في جامعتنا المرموقه تحضر الدوره التأهيليه للاسبوعين كلها ( استفاده فقط بدون درجه يعني لقط وجهك) والاختبار من ( 100 درجه ) . طيب ليش ؟
4 / نجي وقت الاختبارات طبعا أخر ناس تختبر في السعوديه بالنسبه للانتساب ( تدخل القاعه بعضها المكيفات عطلانه في بعض المباني واحلى شي بالنهار الساعه 12.30 ظهرا يعني حتختبر وتصير طالب على الفحم أو طالب شوايه وكثر شطه .. يجيك الاختبار شي زي اللهب يعني تحل الاختبار او تهوي بالورقه او تتأفأف من الجو الرومنسي .فينك يامدير الجامعه ويالمدراء ويامسئولين الصيانه ماتشيكو على القاعات قاعه قاعه قبل الاختبارات باسبوعين أقل شي سوا من مكيفات او اضاءات او الكراسي ولا كله بينحط في ( ؟ ) وانسى :. ويجيك الدكتور او المراقبين والمشرفين مايوزعو الورق الا ويقلك الجوالات مغلقه وتحت الكرسي ويجو يشيكو على الطلاب كلهم وبعدين يوزعو الاوراق , يعني بله عليكم الواحد لو بيغش يغش والطالب اذا حط شي في راسه يسويه يعني يسويه والله لاجوال ولا خرابيط .. و كمان خايفين من تصوير الاسئله ياحلوين يادكاترة الجامعه يالمراقبين والمشرفين والله لو الواحد بيصور يصور الكاميرات صارت في الاقلام والنظارات وباحجام مختلفه .. ) ... ( ولا يجيك مراقبين او مشرفين ماهم عارفين يوزعو الورق واحلا خرابيط وقوم يالطالب اجلس هنا وتعال يالطالب اجلس هنا واخر شي برضو ماضبطت الخطه حق التوزيع وسرى الليل واحنا ماختبرنا وطبعا هذا الكلام بعد ماتوزعت ورقة الاجابه والاسئله , ( ولا غير كذا توزيعات الاماكن الي في موقع الجامعه الي معتمدينها ومنزلينها للطلاب في بعضها يتغير ولا يتم تزويد الطلاب حتى لو برساله انه اتغيرت القاعه الي سوف تختبر فيها الماده (... ) ولكن تروح بدري تجلس تراجع في السياره ويجي وقت الاختبار تدخل القاعه الي انت طابعها من الموقع والا تحصل انه القاعه اتغيرت في مبنى آخر وبعيد عنك وياريت تقدر تروح مشي الا لازم تروح زي المجنون تدور في المباني مثلا زي مبنى( 40 ) و ( 81 ) وغيره وعلى بال ماتحصل موقف وتنزل تلاقيه راح نصف الوقت وبكل سهوله واستهتار من المسئولين وادارة تقنية المعلومات الي مابتحدث او ترسل رسائل اول باول للتحديثات الجديد للطلاب والله حاله .. طيب ليش ؟
5 / وهذا كله تأخر نزول النتائج ,حتى لو في اعادة نظر لاجوبة الطلاب مايحتاج الوقت الطويل هذا كل واحد جالس على اعصابه .. كل يطالب بيغا يفرح ويخلص اول باول والي متخرج والي والي . طيب ليش ؟

واخيرا انا عارف اني طولت عليكم واسف .. اسف جدا ولكن قلبي مفقوع من جامعتنا المرموقه ..

يعني انا خريج وباقيلي صيفي ... وابغا اخلص واخذ شهادة ( الدكتوراه ) عفوا ( البكالوريوس ) ليش الاعصاب هذي الله يسلط على كل ظالم وكل مسئول متسبب في كل شي في الجامعه من تاخر نزول النتائج من اشياء اخرى مذكوره وغير مذكوره وووووووووو الخ وحسبنا الله ونعم الوكيل .. حسبنا الله ونعم الوكيل

أين أنت يامدير الجامعه ؟؟؟


طيب ليش ؟ بكل سهوله ( من غير ليش )

[qarnif12]

الحمد لله من قبل ومن بعد اعلن تخرجي ولله الحمد بعد نزول اخر ماده اليوم


ولكن اخواني الطلاب شيء بدئته إن شاء الله انهيه واوعدكم اني اذا رحت استلم الوثيقه انني اقابل مدير الجامعه شخصياً واشرح له معانا تكم وهذا وعد مني شخصياً ملتزم به امام الله

وانتم ارجو ان لا تقف مطالبكم عند هذا الحد



اسأل الله لكم التوفيق والنجاح

[مشعل2121]

حسبي الله ونعم الوكيل

تأخير غير مبرر
ولا يوجد احترام للطالب نهائياً

[خالد بالبيد]

اضم صوتي لكم والله يعطيكم العافية

[الين اليوم]

اضم صوتي لكم واحتج بقوه على تاخير الرصد الغير مبرر
وهو بلا شك تقصير واضح من المسؤولين يجب محاسبتهم

[fayezateeq]

اضم صوتي لكم





اتمنى للجميع التوفيق والسداد في الدنيا والاخرة ياربي

[المتميزه بطموحي]

كلنا ع اعصابنا هل يعقل اختبارات التحضيري من 20 الى 25 وللان لم ترصد لي سوى درجة الانقلش الى متى واحنا نشيك ع الاودس تلفت اعصابنا حسبنا الله ونعم الوكيل.