مشكلة في حياتي ، واحتاج مساعدتكم

[دافئ الإحساس]

اول شي احب اقلك هوا ولازم تعرفيه كويس

انو اي انسان في الدنيا لمن يحس بضيقه

معناتو هادا بعيد نوعا ما من الله سبحانو

((ع حسب كلام الشيخ ناسي اسمو واسم برنامجو))

يعني كلي ما تشوفي نفسك مضايقة اقري صفحة او صفحتين من القرآن

او قومي صليلك ركعتين

.........

زي ما قالو الاغلبية انو هادا شي طبيعي جدا

حقلك بشئ فيا

ايام الثنوي كنت وحداني بمعنى الكلمة وماحب اتكلم مع كتيرين

ممكن تسمى بإنطوائية او اي شي من هادا القبيل

حالي في حال نفسي

واقاربي وقريباتي كانو ينقهرو مني من دا الشي

طبعا انا باسوي كده لنفس سببك

وكانو يفهموني ويعلموني انو اختلط بالناس واللي بأسويه غلط

وانا كنت مستمر بالشي دا

لكن النتيجة انو لقيت نفسي لوحدي مررره

ومحد يعبرني ومحد يسأل عني

فقلت بيني وبين نفسي الحياة مره وحده نعيشها لي ما انبسط فيها واسال عن الكل

واكون اجتماعي مع الجميع

وفعلا

اول شي قويت علاقتي مع ربي

وتاني شي اول ما دخلت الجامعه كلللل شي اتغير

وسرت جدا غير عن اول

واتفاجو اصلن مني اخرج واضحك واتكلم وافرفش مع الجميع

هادا مع الاقارب بس

اما الاصحاب ماعندي الا اتنين بس

ماحب اتعرف كتير وحتى لو اتعرفت كتير حتكون المعاملة سطحية وبس

اما الاتنين دولا معاملتهم غير طبعا

.......

ببساطة

قصدي من دا الكلام كلو

قوي علاقتك مع الله سبحانو

وابدأ شوفي اش الاشياء اللي لازم تتغير فيكي حبه حبه

ولا تتغيري مره وحده عشين لا ترجعي بسرعه مره وحده

غيري فيكي حاجه حاجه

وحاولي حتى لو كلموكي عن همومهم انك تسمعي من هنا وتطيري من الادن التانية

واهم حاجه

لا تفكري في كلي شي بقلبك

فكري بعقلك وبس

طول ما انتي حساسة زيادة عن اللزوم وتفكري بعقلك بس

أعدائك ممكن يغدورو بيكي هادا لنك بتفكري بقلبك بس

وممكن تلاقيهم يقهروكي باي شي

العقل فوق كلي شي فكري بعقلك حتشوفي انك مبسوطة في حياتك إن شاء الله

وفي حاجه بازكرك هيا

البعيد عن العين بعيد عن القلب

انتي نرضي تكوني بعيدة عن قلب اللي يحبوكي كلهم ؟؟!!

طبعا لا ومستحيل

فالحل انك تكوني ع صلة بيناتهم كلهم

ومافي احلى من صلة الرحم

شوفي الدليل دا

{ وَاعْبُدُواْ اللّهَ وَلاَ تُشْرِكُواْ بِهِ شَيْئاً وَبِالْوَالِدَيْنِ إِحْسَاناً وَبِذِي الْقُرْبَى } البقرة 36

والحديث دا

عن أبي هريرة رضي الله عنه قال: سمعت النبي صلى الله عليه وسلم يقول: « إن أعمال بني آدم تعرض على الله تبارك وتعالى عشية كل خميس ليلة الجمعة فلا يقبل عمل قاطع رحم» رواه أحمد ورجاله ثقات وحسنه الألباني في صحيح الترغيب والترهيب.

............

اسف ع الاطالة

إن شاء الله اكون افدتك في من جميع الجوانب

موفقة يارب

[إحساس ناجح]

وضعك طبيعي جدا لاتقلقي
زي ماقلت لك جلسة مصارحة مع نفسك هي الحل
إقرأي كتاب فن التعامل مع الناس لديل كارنيجي جدا راح تستفيدي منو دا المؤلف



للمعلومية أنا مثلا عندي 350 شخص على المسن وما أحب أتكلم معاهم بس كدا
لكن أقول ليش أتركهم وأعيش في قلق
فأنا اللي جبت الهم لنفسي

كلمة أخيرة ترى والله مشكلتك طبيعية بس إنتي مكبرتها وجايبة الهم والنكد لنفسك

بالتوفيق
إحساس ناجح

[RHF]

شوفي رهوفه اذا تتركي الناس فجئه هذي تسمى انانيه خاصة اذا كانت وحده متعرفه عليها من النت ^^ فرضا حسبتك متي بعيد الشر عنك طبعا ،، وانتي عندك خوف من الارتباط وما تبغي تشيلي هم مشاكل غيرك تبغي الحياه بسطه من غير زعل فاول ما تحسي انو فيه شي كبير بسير على طول تهربي بكره اذا تزوجتي وش بتسوي حيكون عندك كذا نفر حتكوني انتي المسؤوله عنهم ما ينفع تروحي وتتركيهم ^^ وشوفي مصايب غيرك تهون مشكلتك والله يوفقك بحياتك ،،

يا رب جميعن

من جد دي اصلن انانية :(

مممممم و صادقة من جد انا ابا بسطة طول الوقت ما ابا شي يضايق

مششكورة ميس فروتا :$

[RHF]

اول شي احب اقلك هوا ولازم تعرفيه كويس انو اي انسان في الدنيا لمن يحس بضيقه معناتو هادا بعيد نوعا ما من الله سبحانو ((ع حسب كلام الشيخ ناسي اسمو واسم برنامجو)) يعني كلي ما تشوفي نفسك مضايقة اقري صفحة او صفحتين من القرآن او قومي صليلك ركعتين ......... زي ما قالو الاغلبية انو هادا شي طبيعي جدا حقلك بشئ فيا ايام الثنوي كنت وحداني بمعنى الكلمة وماحب اتكلم مع كتيرين ممكن تسمى بإنطوائية او اي شي من هادا القبيل حالي في حال نفسي واقاربي وقريباتي كانو ينقهرو مني من دا الشي طبعا انا باسوي كده لنفس سببك وكانو يفهموني ويعلموني انو اختلط بالناس واللي بأسويه غلط وانا كنت مستمر بالشي دا لكن النتيجة انو لقيت نفسي لوحدي مررره ومحد يعبرني ومحد يسأل عني فقلت بيني وبين نفسي الحياة مره وحده نعيشها لي ما انبسط فيها واسال عن الكل واكون اجتماعي مع الجميع وفعلا اول شي قويت علاقتي مع ربي وتاني شي اول ما دخلت الجامعه كلللل شي اتغير وسرت جدا غير عن اول واتفاجو اصلن مني اخرج واضحك واتكلم وافرفش مع الجميع هادا مع الاقارب بس اما الاصحاب ماعندي الا اتنين بس ماحب اتعرف كتير وحتى لو اتعرفت كتير حتكون المعاملة سطحية وبس اما الاتنين دولا معاملتهم غير طبعا ....... ببساطة قصدي من دا الكلام كلو قوي علاقتك مع الله سبحانو وابدأ شوفي اش الاشياء اللي لازم تتغير فيكي حبه حبه ولا تتغيري مره وحده عشين لا ترجعي بسرعه مره وحده غيري فيكي حاجه حاجه وحاولي حتى لو كلموكي عن همومهم انك تسمعي من هنا وتطيري من الادن التانية واهم حاجه لا تفكري في كلي شي بقلبك فكري بعقلك وبس طول ما انتي حساسة زيادة عن اللزوم وتفكري بعقلك بس أعدائك ممكن يغدورو بيكي هادا لنك بتفكري بقلبك بس وممكن تلاقيهم يقهروكي باي شي العقل فوق كلي شي فكري بعقلك حتشوفي انك مبسوطة في حياتك إن شاء الله وفي حاجه بازكرك هيا البعيد عن العين بعيد عن القلب انتي نرضي تكوني بعيدة عن قلب اللي يحبوكي كلهم ؟؟!! طبعا لا ومستحيل فالحل انك تكوني ع صلة بيناتهم كلهم ومافي احلى من صلة الرحم شوفي الدليل دا { وَاعْبُدُواْ اللّهَ وَلاَ تُشْرِكُواْ بِهِ شَيْئاً وَبِالْوَالِدَيْنِ إِحْسَاناً وَبِذِي الْقُرْبَى } البقرة 36 والحديث دا عن أبي هريرة رضي الله عنه قال: سمعت النبي صلى الله عليه وسلم يقول: « إن أعمال بني آدم تعرض على الله تبارك وتعالى عشية كل خميس ليلة الجمعة فلا يقبل عمل قاطع رحم» رواه أحمد ورجاله ثقات وحسنه الألباني في صحيح الترغيب والترهيب. ............ اسف ع الاطالة إن شاء الله اكون افدتك في من جميع الجوانب موفقة يارب

الله يوفقك

يسلمو

[دافئ الإحساس]

المشاركة الأصلية كتبت بواسطة إحساس ناجح كلمة أخيرة ترى والله مشكلتك طبيعية بس إنتي مكبرتها وجايبة الهم والنكد لنفسك بالتوفيق إحساس ناجح

وهادي قد تكون سببها الوسوسة من الشيطان والعياذ بالله

اسال الله ان يحفضنا يارب

[RHF]

وضعك طبيعي جدا لاتقلقي زي ماقلت لك جلسة مصارحة مع نفسك هي الحل إقرأي كتاب فن التعامل مع الناس لديل كارنيجي جدا راح تستفيدي منو دا المؤلف للمعلومية أنا مثلا عندي 350 شخص على المسن وما أحب أتكلم معاهم بس كدا لكن أقول ليش أتركهم وأعيش في قلق فأنا اللي جبت الهم لنفسي كلمة أخيرة ترى والله مشكلتك طبيعية بس إنتي مكبرتها وجايبة الهم والنكد لنفسك بالتوفيق إحساس ناجح

يوووه احساس الله يسامحك لا تقول انا جاية الهم و النكد لنفسي ههههههههههههه

حتى انتا تقول كدا :( اهئ :(

//

ممممممممم فن التعامل مع الناس عندي الكتاب دا

يبغالي بعدين برواقة اقعد اقراه

جزززاك الله خير مسيو احساس :)

[دافئ الإحساس]

المشاركة الأصلية كتبت بواسطة rhf الله يوفقك يسلمو

ترا حسيت كلامي كتير نوعا ما

بس قوليلي ازا في اي شي ما فهمتيه مني او ما وصلك هدف كلامي او اي شي

مستعد اوضح اكتر واكتر

اهم شي تكوني انتقلتي لمرحلة افضل وافضل إن شاء الله

انا باقول كده

لنو اول مره ردك يكون مختصر في كلامي فشكيت انك

ما فهمتي بعض الاشياء

[إحساس ناجح]

معليش رهف تذكرت إني مرة أصبت بمرض نفسي ضعف اللي بتقوليه بعشرين مرة بعد عملية أعصاب
فكان الدكتور يقول لي إنت مالك علاج علاجك في عقلك أي شيء سلبي تفكر فيه راح تجيب النكد والهم والقلق لنفسك
وأي شيء إيجابي تفكر فيه راح تعيش طول عمرك بسعادة صرت بعدها أقرأ في كتب علم النفس وتطوير الذات
وقدرت أعدي مشكلتي في أسبوع وكسبت معلومات ومهارات كثيرة فادتني في حياتي وصرت أعرف اتخلص من أي
مشكلة اطيح فيها بسرعة أنا قصدي من كلامي اللي قلتو فوق إنو إنتي ما تتأثري من الكلام السلبي اللي ينكتب أو يقال لك
قوي نفسك وشدي حيلك وجيبي ورقة وقلم وأكتب كل الإيجابيات اللي عندك وقولي لي إيش شعورك بعدها بالتوفيق لك

[Fatema Alshareef]

انتي ليش مكبره الموضوع ومعتبرتو مشكله ؟؟؟

دا شي طبييييييعي جدا يحصل مع كثير من الناس الطبيعين مثلنا ,,

بس اهم شي من دا كلو تكوني مرتاحه ومو متضايقه من وضعك ,,,,

[RHF]

ترا حسيت كلام كتير نوعا ما بس قوليلي ازا في اي شي ما فهمتيه مني او ما وصلك هدف كلامي او اي شي مستعد اوضح اكتر واكتر اهم شي تكوني انتقلتي لمرحلة افضل وافضل إن شاء الله انا باقول كده لنو اول مره ردك يكون مختصر في كلامي فشكيت انك ما فهمتي بعض الاشياء

ههههههههه لا لا فهمت كل شي
ممممممم دحين اردلك بالتفصيل اهوه ولا يهمك

اول شي احب اقلك هوا ولازم تعرفيه كويس انو اي انسان في الدنيا لمن يحس بضيقه معناتو هادا بعيد نوعا ما من الله سبحانو ((ع حسب كلام الشيخ ناسي اسمو واسم برنامجو)) يعني كلي ما تشوفي نفسك مضايقة اقري صفحة او صفحتين من القرآن او قومي صليلك ركعتين

ايوا مو كلام شيخ واحد ، دا شي معروف اصلن ، بس برضو ما اعرف مين قالو ههه
ودي مرحلة انا اتخطيتها من زمان ، والحمدولله دايمن اقرا قرآن ، ولمن احس اني مخنوقة على طول اصلي ركعتين و اقرا قرآن و كدا

زي ما قالو الاغلبية انو هادا شي طبيعي جدا حقلك بشئ فيا ايام الثنوي كنت وحداني بمعنى الكلمة وماحب اتكلم مع كتيرين ممكن تسمى بإنطوائية او اي شي من هادا القبيل حالي في حال نفسي واقاربي وقريباتي كانو ينقهرو مني من دا الشي طبعا انا باسوي كده لنفس سببك وكانو يفهموني ويعلموني انو اختلط بالناس واللي بأسويه غلط وانا كنت مستمر بالشي دا لكن النتيجة انو لقيت نفسي لوحدي مررره ومحد يعبرني ومحد يسأل عني فقلت بيني وبين نفسي الحياة مره وحده نعيشها لي ما انبسط فيها واسال عن الكل واكون اجتماعي مع الجميع وفعلا اول شي قويت علاقتي مع ربي وتاني شي اول ما دخلت الجامعه كلللل شي اتغير وسرت جدا غير عن اول واتفاجو اصلن مني اخرج واضحك واتكلم وافرفش مع الجميع هادا مع الاقارب بس اما الاصحاب ماعندي الا اتنين بس ماحب اتعرف كتير وحتى لو اتعرفت كتير حتكون المعاملة سطحية وبس اما الاتنين دولا معاملتهم غير طبعا

ممممممم انتا كنت انطوائي ااما انا لا ،، انا علاقاتي كتير ، ولاكن انا اقطعها ، ما احب احس في زحمة حوليا ، وانو الناس كتير ، يعني ما احب احس انو في ناس كتير في حياتي ، احس اني مني فاضيتلهم و يادوب انا نفسي و اهلي ، ما ابغا اشيل هموهم ، حتقولي لا تشيلي همومهم ، بس انا كدا ما اقدر قلبي ضعيف حساس ما استحمل

ببساطة قصدي من دا الكلام كلو قوي علاقتك مع الله سبحانو وابدأ شوفي اش الاشياء اللي لازم تتغير فيكي حبه حبه ولا تتغيري مره وحده عشين لا ترجعي بسرعه مره وحده غيري فيكي حاجه حاجه وحاولي حتى لو كلموكي عن همومهم انك تسمعي من هنا وتطيري من الادن التانية واهم حاجه لا تفكري في كلي شي بقلبك فكري بعقلك وبس طول ما انتي حساسة زيادة عن اللزوم وتفكري بعقلك بس أعدائك ممكن يغدورو بيكي هادا لنك بتفكري بقلبك بس وممكن تلاقيهم يقهروكي باي شي العقل فوق كلي شي فكري بعقلك حتشوفي انك مبسوطة في حياتك إن شاء الله وفي حاجه بازكرك هيا البعيد عن العين بعيد عن القلب انتي نرضي تكوني بعيدة عن قلب اللي يحبوكي كلهم ؟؟!! طبعا لا ومستحيل فالحل انك تكوني ع صلة بيناتهم كلهم ومافي احلى من صلة الرحم شوفي الدليل دا { وَاعْبُدُواْ اللّهَ وَلاَ تُشْرِكُواْ بِهِ شَيْئاً وَبِالْوَالِدَيْنِ إِحْسَاناً وَبِذِي الْقُرْبَى } البقرة 36 والحديث دا عن أبي هريرة رضي الله عنه قال: سمعت النبي صلى الله عليه وسلم يقول: « إن أعمال بني آدم تعرض على الله تبارك وتعالى عشية كل خميس ليلة الجمعة فلا يقبل عمل قاطع رحم» رواه أحمد ورجاله ثقات وحسنه الألباني في صحيح الترغيب والترهيب.

مممممم انا الحمدولله مقوية علاقتي مع ربنا ، وان شاء الله الشي دا كل مالو يزيد

الشي اللي ابغاه يتغير ، هو اني ما ( اسحب ) عالناس فجأة ،، ممممم ولاكن دا مو بيدي ، والله صعب يعني اما اشتري راحتي واتركهم ، اما اقعد في قلق وانا افكر فيهم

ولا تقولي اسمعي من هنا و خرجي من هنا هههههه انا ما اقدر يعني انا قولت طبيعتي زي كدا ، حتى لو حاولت اسوي اني اسمع من هنا و اخرج من هنا ، بس برضو جوا في نفسي اقعد افكر في الشي دا ، وحاولت اغيرو كتير على مر السنين و ما قدرت

مممممم و بالنسبة لبعيد عن العين بعيد عن القلب ، في نقطة انتا ما قدرت تفهمها ، او انا ما عرفت اوضحها ، انا ما يهمني احد غير امي و اخواني ، بسسس ، غيرهم محا اضايق لو شالوني من بالهم يعني عادي انا متوقعة دا الشي بسبب تصرفاتي ، وامكن يوم من الايام حاضايق و ازعل و اندم على كدا ، بس لسا اليوم دا ما جا وان شاء الله ما يجي

( صدق الله و رسولو )

اسف ع الاطالة إن شاء الله اكون افدتك في من جميع الجوانب موفقة يارب

انا ما تعجبني ردودك الا عشان ( الاطالة )

وطبعن افدتني كتير ،

والله يوفقك يا اخوية