في هكر هنا في ملتقى الماجستير والدكتوراه اسمه " الاداره"

[صديقة نص دافوره]

ماشالله عليك سوبر ... والله انك داهيه وينخاف منك هههه طيب لا يكون بس تقدر تفتح كمبيوتري من عنده بالله اذا تقدر تشوف جهازه حاول تمسح بياناتي وبيانات البنات من الجهاز وياليت تبلغ عليه النقيب وادارة المنتدى...

[صديقة نص دافوره]

والله يسعدك يا سوبر دنيا واخره انت ربي ارسلك ليا لان ربي عارف ظروفي وعارف نيتي الحين ارتحت وانزاح شي كبيرررر من عظهري.. الله يكثر من امثالك فعلا الدنيا لسه بخير ولسه فيها ناس تخاف الله الله يوفقك يارب ويعينك ع ابادة هذه الحشرات الهكريه من المنتدى اللي كنت واثقه فيه ثقه كبيره لم تكن في محلها

[علم الاحصاء]

المشاركة الأصلية كتبت بواسطة super linux برب بكبر المخده الين 11 ورانا جمعة الله يتقبل من الجميع بالنسبة للي فتحو الفايروس اتمنى يفرمتو اجهزتهم والله ولي التوفيق

جزاك الله خير ، ونسأل الله له الهداية

[ابو لنو]

اولا اسال الله العلي القدير ان يبتلي من يريد الضرر للمسلمين

ثانيا:بالنسبة لي من شهرين وجهازي يهنق تهنيقات عجيبة وبصراحة انا ماهمني بحكم اني رجل

ووفوق هذا الكام مسكرة بستكر ولكن الواحد صراحة صار يخاف يدخل على حساباته البنكية من النت

واعتقد ادارة المنتدى تقدر تجيب الاي بي تبعه مع عضوياته البديلة كلها

والاي بي تبعه يوضع في اي برنامج لتحديد الاماكن ولكن للاسف لن يحدد مكانه بالتحديد

اليوم جمعة مباركة ادعو عليه وعلى كل من يهتك اعراض الامنين المسلمين

والله صرنا نخاف من كل شي

ورجاءا لا احد يفتح رابط إلا من مصدره الطبيعي

وكل شخص يقفل كامه بستكر ترى اغلبنا كاميرا الجهاز لا يستخدمها ابدا <<مثل حالتي

[الاسد88]

اللهم من أراد نساء المسلمين بسوء فاجعل كيده في نحره واجعل تدبيره تدميره يا سميع الدعاء.

اللهم عليك بالمفسدين في الأرض فإنهم لا يعجزونك اللهم اكشف أمرهم واهتك سرهم وانشر خبرهم وأجعلهم عبرة للمعتبرين يا رب العالمين.

اللهم إنا نسألك علما نافعا وقلبا خاشعا ولسانا ذاكرا.

اللهم إنا نعوذ بك من علم لا ينفع ومن قلب لا يخشع ومن عين لا تدمع ومن دعوة لا تسمع اللهم إنا نعوذ بك من هؤلاء الأربع.

اللهم صلي وسلم وبارك على عبدك ونبيك سيدنا محمد وعلى آله وصحبه أجمعين. سبحان ربك رب العزة عما يصفون وسلام على المرسلين والحمد لله رب العالمين.

[زهور العشب]

اخوي عاصم تكفى ساعدني كيف اسوي فرمتة بالتفصيل الممل
ووش اسوي في البرامج اللي على الجهاز
وبعد الفرمتة وش اسوي
تكفى ياخوي والله العظيم جالسة اكتب وانا ابكي
عندي اختبارات والحقير هذا خرب جهازي والمحاضرات كلها عليه

[Super Linux]

المشاركة الأصلية كتبت بواسطة & الجوري & جزاك الله خير على الافادة

اللهم أمين وياك يارب

المشاركة الأصلية كتبت بواسطة صديقة نص دافوره ماشالله عليك سوبر ... والله انك داهيه وينخاف منك هههه طيب لا يكون بس تقدر تفتح كمبيوتري من عنده بالله اذا تقدر تشوف جهازه حاول تمسح بياناتي وبيانات البنات من الجهاز وياليت تبلغ عليه النقيب وادارة المنتدى...

ههههههههههههههه

شوفي صديقة زمان كانت في حركه اذا جبت ال no-ip << مااقصد الاي بي

عشان تفهمي ال no-ip هذا وظيفته يثبت الاي بي حق الجهاز طيب ياسوبر وش الفايده اذا ثبت الاي بي

الفائده انه اذا ارسل الفايروس لك مثلا وفتحتيه يوصلو تبيلغ انه صديقة فتحت الفايروس وبعدين يقدر يدخل لجهازك

المهم وال no-ip احنا قدرنا نطلعه لو ترجعي لردودي انا نزلته وكان اسم حسابه افلام ... وانتم عارفين الباقي

زماان انتشرت حركه انه اذا عرفت حساب الno-ip حق المخترق تقدر تسرق الضحايا الي عنده

يعني انا الان لو قدرة اوصل للرقم السري حق حساب no-ip تبع المخترق اروحه اضيفه في برنامج الاختراق الي عندي ويطلعون كل الضحايا الي فتحو الفايروس الي هم انتي وغيرك من المنتدى

والله لو قدرة اسوي هالحركه بحذفكم لانه الحل الوحيد عشان ماتفرمتو الجهاز ان المخترق يعطي امر لبرنامج الاختراق بمسح الفايروس من الاجهزه

طبعا لازم اخذ لفه على اجهزتكم هههههههههههههههه امزح

اسف على كثر القرقره

المشاركة الأصلية كتبت بواسطة صديقة نص دافوره والله يسعدك يا سوبر دنيا واخره انت ربي ارسلك ليا لان ربي عارف ظروفي وعارف نيتي الحين ارتحت وانزاح شي كبيرررر من عظهري.. الله يكثر من امثالك فعلا الدنيا لسه بخير ولسه فيها ناس تخاف الله الله يوفقك يارب ويعينك ع ابادة هذه الحشرات الهكريه من المنتدى اللي كنت واثقه فيه ثقه كبيره لم تكن في محلها

اللهم أمين والله مرا شكرا ع الدعوات والله اني محتاجها

اللهم امين والله احرجتوني مع اني ماسويت الى حاجه بسيطه

مررررررررررررررررا شكرا ع الدعوات ولك مثلها يارب

شوفي صديقة لو ماقدرة اوصل لحساب المخترق للاسف لازم تفرمتي الجهاز نصيحه لوجه الله

انتي لاتتعبي الوالد يعني اكيد الوالد يوم بيخرج يروح اي مشوار عطيه الجهاز وقولي له يوديه لاأقرب محل كمبيوتر عشان يفرمتو لك . يعني ابوك يشيل الجهاز يوديه للمحل ويقولي فرمت ويمشي ماياخذ المشوار 5 دقايق واليوم الثاني يستلم الجهاز وكل الشغله بـ 50 ريال الفرمته

طبعا اذا عندك لاب توب اريح للوالد واذا مكتبي بس عطيه العقل زي مانسميه

او الحين بعطيكم حل مؤقت الين تنتهومن التقديم

[Super Linux]

المشاركة الأصلية كتبت بواسطة علم الاحصاء جزاك الله خير ، ونسأل الله له الهداية

اللهم امين وياك يارب

[سندريلآ]

مين هو دااا الهكر .. ومن اي قسم متخرج؟؟
مقدم معانا على الماجستير ؟؟
واهم شي اختبر كفايات وجاب درجه حالتها صعبه زي حالتي؟؟


ياجمااااعه ايش الهرجه وبجد ايش شكل الفايروس وكان بأي موضوع؟؟؟
من يومين وجهازي يطلع اصوات عجيبه كأن دوريه تمشي بجهازي والله
بس انا ماهتميت وقفلت السماعات

[Super Linux]

المشاركة الأصلية كتبت بواسطة زهور العشب اخوي عاصم تكفى ساعدني كيف اسوي فرمتة بالتفصيل الممل ووش اسوي في البرامج اللي على الجهاز وبعد الفرمتة وش اسوي تكفى ياخوي والله العظيم جالسة اكتب وانا ابكي عندي اختبارات والحقير هذا خرب جهازي والمحاضرات كلها عليه

ابشري

بتفرمتي مرا صعب في يوم وليله :( يبيلك ويندوز وتسحبي التعاريف مع ان ويندوز 7 يتعرف ع الجهاز اوتوماتيك بس برضو الاحتياط واجب

لاتبكي ولا شي الله يهديك عندي حل مؤقت الحين بنزله لكم

انتظريني واكثري من الاستغفار ومافي مشكله الى لها حل