Nursing

[lolosilvergirl]

اولا السلام عليكم
انا بالنسبه ليا كنت على النظام القديم الي هو تدخلي كلية التمريض على طول من سنه اولى عادي زي كل البنات ما كنت ميه بالميه مقتنعه قلت اشوف..... المهم سنه اولى درسنا مواد كثيره تشبه الي في التحضيري كيمياء وفيزياء بالاضافه الى ماده مبادئ التمريض كان كل شي سهل الحمد لله وعدينا وطبعا كلو بالانجليزي بس عني الحمدلله ما وجهت صعوبه كتيره في الامتحانات ونجحنا وحاولت اني احول وجيت معدل عالي علشان احول بس سبحان الله حسيت اني مرتاحه وقعدت وما ندمت في يوم اني ما حولت وعدت الايام واتخرجنا والحمدلله باب الوظايف كان مفتوح لنا محل ما نقدم يقبلونا هوا الشي الوحيد الي يتعب هوا الدوام 12 ساعه مرررررره متعب بس حتتعودوا عليه باذن الله
اهم شي ذاكرو اول باول وجيبو معدلات عاليه علشان تنقبلو على طول واقراو كتييييير وحاولو انكم تحددو المكان الي تشتغلو فيه من البدايه يعني انا بصراحه ندمت شويه لانو انا كنت حابه اتخصص اطفال ومازلت بس عشان تمشي مزبوط لازم تكوني ما خذه دورات وحاضره محضارات تختص بالتخصص الي انت تبغيه ونصيحه لا تضيعو الاجازات الصيفيه على الفاضي خذو تدريب صيفي في المستشفيات وحاولو تقوو لغتكم الانجليزيه واحضرو ندوات ومحاضرات خاصه بتخصصاتكم الي انتو تبغوها وفي الحج ورمضان انزلو تطوع مع الهلال الاحمر وفي نشاطات كتيره ممكن تسووها انا صحباتي مثلا كنا نروح نعطي محاضرات في المدارس مثلا عن النظافه والاكل الصحي واشياء زي كدا خلوكم ناس نافعين للبلد دي وربنا يقدركم على فعل الخير....
الله يوفق الجميع

[Ma7a]

^ ^ ^ ^
شككككككرااااا على كل المعلومات,,تسلمي
بس حبيت أسألك,,دحين انتي اشتغلتي خلاص ..اتخصصتي ولا لسى؟؟
ولو ابا تخصص عمليات او عناية مركزة متى اتخصص ؟؟ فترة الامتياز ولا بعد التخرج ادرس وكدا؟؟؟
ولمن اتخرج اكون ممرضة عامة ولا ينفع اشتغل في قسم العمليات او قسم العناية المركزة مثلاً؟؟

~اسفة على كترة الاسئلة~
وشكـــــــــــــــــــرا مقدمــــــــــــــا =)

[سكر الحياة]

مشكوووورة ما قصرتي و إن شاء الله نستفيد من معلوماتك اللي ناتجة من تجاربك الشخصية
لــــــــــــــــك تــحــيــاتــــي

[katkoooooota]

السلام عليكم ..

حبيبتي انا تقنية طبيه .. وان شاء الله اتخصص علاج طبيعي ..
بس انا اصلا مررررره ابغى طب وتخصص جراحه كمان بس ما انقبلت ..

ودحين راح ادرس قلت سنه و اذا جبت معدل راح احول طب ان شاء الله ..
بس انا كنت ابغى تخصص قريب على الطب .. و ابغى شي فيلو عمليات وكدا انا مررره احب العمليات .. قلت احول على التمريض واتخصص تمريض جراحه او قلب .. بس اهلي قالولي لا هنا الناس كلهم يشوفو انو التمريض شي مو حلوو وانو كل الناس يعاملوكي زي الفلبينيات و كدا ..
وانا مو عارفه .. خايفه ابقى في تخصصي وما اقدر احول طب واخاف احول دحين تمريض وما يعجبني وما اقدر اكمل ..
مني عارفه ايش اسوي والله .. ابغى اعرف يعني العلاج الطبيعي ممكن ادخل عمليات ولا لا.. لانو انا حلمي ادخل غرفة العمليات .. وكمان ايش اقرب تخصص للطب والجراحة ..

وابغى اسال انتو من اي سنة تبدأو تنزلو على المستشفى في قسم التمريض ؟؟ وكمان اذا تعرفي قسم العلاج الطبيعي من اي سنة ينزلو المستشفى ؟؟

وشكراا والله كلامك حلوو .. انا كنت بدأت اقتنع في العلاج بس كلامك خلاني ارجع افكر في التمريض ..

[nice cool]

اخني جزاك الله خير ع الافادة
بس حابة اسالك كمان معليش ؟؟؟
دحين لو راسلتها اليوم او بكرة ترد علي .....................؟؟؟؟؟؟؟؟
ولا كيف ؟؟عشان تعرفي اجازة؟؟؟

[lolosilvergirl]

انا ياحبوبة جاتني وظيفه في كذا مكان الحمدلله وانا قدمت على وظيفه في قسم اطفال اورام وإن شاء الله بداوم بعد العيد دعواتكم ربنا يسهلي الامور وبالنسبه ليكم إن شاء الله بتتخصصو بعد الامتياز لانو في الامتياز في 6 اسابيع اسمها الاليكتف تختارو في القسم الي انتو حابينو ويمديكي تتخصصي اي قسم انتي تبغي على حسب شطارتك والله يوفقنا اجمعييين

[strawberry18]

معليش بس حبيت اسأل اول سنة تمريض سهلة ولا صعبة يعني في امل اقدر احول ولا مرة صعب ؟؟
ولو مثلا حولت للقسم الي ابغاه اعيد السنة من البداية يعني اكون ثانية ولا اصير ثالث ؟؟

الله يجزاكي خير على طرحك للموضوع ^_^

[lolosilvergirl]

سنه اولى سهله باذن الله وبالنسبة للتحويل انا كنت على النظام القديم الي من سنه اولى نتخصص تمريض يعني البنات الي حولو طلعو سنه ثانيه
وإن شاء الله اكون افدتك

[strawberry18]

جزاك الله خير والله يوفقك ^^

وشكرا على المعلومة ^_^

[سكر الحياة]

السلام عليكم
يا حلوين حابة أسأل هل صحيح نزلت الجداول على الأودس لأني حاولت أفتح بس للأسف ما فتح معايا فحابة اتأكد منكم
ويعــــــــــطيـكم العـــافية .