هنا تجّمع بنات المحاسبه (حست في القروبات الثانيه) :)

[عـــهـــود]

بحوث عمليات بدون متطلب ^^

يابنات اقرو الردود تستفيدوا

انتوا بتعيدوا اسئله موجوده اجاباتها بالردود ~

[فرح السنين]

الله يسعدك ويوفقك حروف البسمه بجد استفدت منكم

انا حكتب عن تجربتي وان شاء الله تستفيدوا وانا حتكلم من ناحية شرح الاستاذه ومدى استيعاب البنات لانو هاذا اهم شي بالنسبالي لانو والله ندمت سمعت بنات يقولوا هالاستاذه طيبه خليكي معاها طيب طيبه هيا بس الشرح ماافهم والله كثير ندمت وانصحكم اسئلوا عن هالشي اما مستوى اخلاقها وطيبتها هالشي لنفسها وكل بنت على حسب راحتها ليها بنت تقول طيبه عشان سامحتها مره وبنت تقول طيبه عشان شي شافته هيا منها وحيكثر الكلام وانا تعبت صراحه انا اهم شي عندي شرحها وكيف اسئلتها واكيد اهتم لتعاملها مع البنات بس مو قد الشرح

محاسبه 101 : اخذتها مع عيشه بس بصراحه يابنات اقلكم هيا صح طيبه ياقلبي لزوزه الله يرضى عليها بس وعلى نياتها بس ماتوصل المعلومه كويس واغلبية البنات مايفهموا منها وخصيصا السبوره كلها حوسه والله يسامحني وانا والله محاسبه 101 مااستفدت ولا شي

محاسبة 102: مع ريم صقر احس مستواي اتعدل وبديت افهم وشرحها رائع ماشاء الله الله يجبر بخاطرها غير المحاضرات اللي تنزليها من موقعها وتشرحها معاكم وتحل التمارين المكتوبه في المحاضرات اللي حملتوها

نقود وبنوك: كانت مع لمياء الششه بصراحه انصحكم لانو انا كنت في الكراسي الاخيره لانو القاعه صغيره وكنت اتافف من قدام انصحكم لاتجلسوا وراء والله حيروح عليكم شرح ممتاز وهيا محترمه وتعاملها طيب مع البنات وكانت تعطينا ملزمه قليله وتكون معانا لنهاية الترم وبس تكون هيا الملزمه معانا اهم شي لاتستهينوا بالماده وتقولوا ملزمه وسهل لا والله ترى احيانا اسئلتها يبغالها تركيز وعلى فكره جابتلنا في الدوري الاول اسئله قليله وعليها درجات كثيره انا سؤال تعداد ولخبطت فيه وراحت علي اربع درجات :11

قانون تجاري: مع سوزان بس بصراحه لزوزه كان شرحها فوووق ماشاء الله ممتاز والله عرفت اشياء ماكنت اعرفها وتعرض بور بوينت واهم شي تكتبوا معاها في دفتر ودايم تاخد الحضور وماتحب احد يتاخر وترى بجد والله خليكي معاها في الشرح وجاوبي لانو اغلبية الاجوبه جماعيه بس تعرف انك معاها اهم شي كوني معاها وبصراحه قد ماسمعت عنها والله انها عجبتني وعلى فكره ماتعيد اسئله الا في نهاية الترم وماتغير ايام الاختبارات ابدا ان شاء يكون عندك امتحانين ماتغير وبس بصراحه قانون معاها عن نفسي حبيتو من شرحها
وبس والله كلامي كثير معلش على الاطاله...... والله يرضى عليها اللي تجاوبني
انا محاسبه مستوى خامس ..... وان شاء الله لاول مره حاخد ماده اختياريه ومااعرف شي عن
الموادالاختياريه انا مااعرف اسمائها بليز حبيباتي ساعدوني في هالشي واية ماده تفيدني وخفيفه ويكون شرح الاستاذه ممتاز ومتفهمه

انا فكرت في النظام السياسي السعودي وكمان انا جدولي من بين المواد

محاسبة حكومية /// محاسبة تكاليف /// محاسبة متوسطة ؟؟ مين تنصحوني من الاستاذات
سبحانك اللهم وبحمدك اشهد ان لاله الا انت استغفرك واتوب اليك

وياليت نلقى تفاعل من بنات المحاسبه

[حروف البسمه]

عفوا حبيباتي ومن جد فرحت لتفاعلكم الناس للناس والكل بالله :)



وبالنسبه للاخت ㋡\.alZbrJd البطاقه الجامعيه اي استفسار او شئ عنها على طول تروحي للعماده بس لمين ماادري والله

وبالنسبه لبطاقة الصراف اذا قصدك يغيروها عشان تزيد المكافأه 990 هم يزيدوها بدون ماتروحي تغيريها أما اذا انتهى

تاريخ صلاحيتها تروحي للشؤؤن اللي في مبنى 13 اتوقع غرفه 35 ... وبس :) اتمنى احد عنده معرفه يفيدك

تحياتي

[حروف البسمه]

هذي تجربتي يا بنوته توته مع الاستاذات

هذي المواد :
مبادئ محاسبة => عيشه السيد ... لاتروحي عندها روحي عند ريم صقر او ساره بكر افضل لان المادة مبادئ لازم تفهميها


تحرير كتابي=>تحرير كتابي 101مع احلام حادي من جد الشرح ميييييييييح بس تعطي بونس لين تقولي خلاص اكتفيت

مره قالت لنا اشترو كتاب المعجم الوسيط واستخرجو معاني كلمات وعليها بونس 15 درجه يعني الكل تقريبا اخذ 100

و 201 اخذتها مع تيسير الشريف ابدااااااااااااااااااااااااااااااااااااااااااااااا اااااااااااااااااااااااااع الى مالانهايه بس مافي بونس

بس تفهمي المحاضره على طول ماشاءالله عليها


مبادئ الإدارة => اخذتها مع فتحيه الحين راحت تحضر دكتوراه برى... بس انصحك بسمر عناني


مبادئ الاقتصاد الجزئي=> عفاف عايد ..روعه تذاكري من المحاضره والاسئله تجي نفس اللي كتبتنا ياه


مبادئ الاقتصاد الكلى=> هدى خيري يمشي حالها احسن من غيرها وتاخذي حقك في الدرجات


تحياتي

[فرح السنين]

بنات بليز ....... مادة النظام السياسي السعودي مين يدرسوها

[فرح السنين]

بالنسبه لاختي عهود تقريبا جدولك نفس جدولي :

بس انصحك تاخدي عند لمياء الششه واقري مشاركتي وفيه كمان عفاف عايد تدرس هالماده بس انا عن نفسي جربتها في تحليل كمي واقتصاد جزئي رائعه شرحها والله بضمير بالمره ممتازه
وتعطينا واجبات وتمرر اوراق الحضور وماتتاخر الا نادرا عن محاضرتها واسئلتها حلوه

بس هيا في المواد النظريه زي نقود وبنوك والله مااعرف

[فرح السنين]

المشاركة الأصلية كتبت بواسطة بنوته توته السلآم عليكم بنات .. يعطيكم العافية يارب انا مستوى ثالث ان شاء الله .. فيه بنات قالوا لي على استاذات يمدحونهم و احترت بينهم المهم ابيكم تساعدوني هذي المواد : مبادئ محاسبة تحرير كتابي مبادئ الإدارة مبادئ الاقتصاد الجزئي مبادئ الاقتصاد الكلى ومقرر اختياري من هذولي : النظام السياسي السعودي / مقدمة حاسبات فيه كثير غيرهم بس لها متطلبات سابقة وما ابي آخذ مواد وما اخذت متطلباتها .. قولوا لي افضل الاستاذات لكل مادة ووش احسن مادة بين المادتين الاختياريات ؟

وانا كمان زيك مو عارفه ايش اخد في الاختياري ياليت في احد يفيدنا

[نتعب لعيون ابومتعب]

السلام عليكم ورحمة الله وبركاته

بنات أنا باخد مبادئ الإدارة bus101 بس حابه اعرف مين احسن استاذه من الموجودات من ناحيه الشرح والاختبارات والدرجات
1-صافيناز حسن عبد الله أبو ركبة
2-امل محمد دمنهوري
3-عضو هيئة تدريس متعاون(اش يعني)
تحرير كتابي
حنين عبد الله الدعجاني
ودمتم بود

[ضوء آلقمر]

السلام عليكم يا محاسبات المستقبل

و أخيرا انعمل موضوع لنا خاص لانو جد حووسا مع التخصصات التانيا خاصة بحس أنو احنا قليل
احم احم راح احكيلكم تجربتي شخصيا مع الاستازات والدكاتره
محاسبه 101 : مع دكتوره نهال الجندي هيا حبوبه واسئلتها نفس الشرح بس لازم تركزي معاها وانا شخصيا ارتاح وافهم منها بس بحس كتير بنات يشتكو منها مدري ليه بس الي تستوعب سريع لا تشيل هم والماده حلوه اجمالاً .

محاسبه 102 : مع المعيده ريم صقر الصراحه كانت قمه في الشرح مستحيل تطلعي وانتي مو فاهمه صح مغروره بس جداا اسئلتها سهله وجيبي a+ بالراحه معاها .

نقود وبنوك : مع لمياء ششه عموما الماده غلسه وكلها حفظ بس هيا تعطي ملزمه وكلها 32 صفحه افتكر والماده تعتمد علكي انتي تحفظي كويس وتزاكريها منيح راح تجيبي على قد تعبك .

ماليه وشركات : مع نسمه الصراحه قمه دي الدكتوره تخليكي تكتبي معاها والي تكتبي هوا الي تزاكري وتجيبي a+ وانتي مرتاحه واسئلتها سهله مررا .

محاسبه حكوميه : مع دكتوره أنيسه ممتازه روووعه قليله في حقها تفهمك مزبوط وغصب تدخلك المعلومه وتضمني درجات عاليه معاها .

محاسبه متوسطه : مع دكتوره نهال الجندي الماده جدااا ممله الحفظ فيها اكتر من المسائل بس الله يجزاها خير سهلت لنا هيا مررررا وتأشر في الكتاب صح ماتفهم بس تهون علكي والاسئله في النهائي جابت نفس المسائل بنفس الارقام وهيا لاحظت بحكم اني دارسه مادتين معها تجيب نفس اسئلة الكتاب بالضبط .

محاسبه تكاليف : مع دكتوره رغده الصراحه ماعجبتني الدكتوره ابداا صح الماده حلوه جدااا وكلها مسائل بس شرحها مش ولابد بس تعطي ملزمه واسئلتها جدااااا سهله تغيير ارقام فقط لا غير .

ماده اختياريه اخدت نظام سياسي سعودي الصراحه ندمت اني اخدت مع امل عرب على قد مامدحوها شفت العكس بس الي اخدو مع زينب عبدالعظيم مرررا يمدحووها .

وبس بعرف حكيت حكي كتير بس ان شاء الله تستفيدوو وتفيدوني كمان
لأني حابه اخد محاسبه متوسطه 2 ومحاسبه تكاليف 2 و مراجعه و تجاره الكترونيه و محاسبه اداريه مين تنصحووني ؟؟ وماده اختياريه كمان

و أي اسئله انا موجوده لا يردكم غير كيبوردكم

تحياتي

[حروف البسمه]

اللي يدّرس نظام سياسي سعودي أمل عرب وزينب عبد العظيم انا مااخذت الماده بس قد اخذت بحث علمي مع زينب

مرررررره حبوبه وطيبه واسئلتها سهله جدا جدا صحيح المحاضره فيها نوم بس تجيبي درجات..

اما بالنسبه لعفاف عايد مررره شرحها حلو اخذت عندها اقتصاد جزئي واخذت عندها تحليل كمي 204 ونقود وبنوك

انصحكم تاخذو عندها جزئي فقط اما الكمي ماادري كيف مو مره تفهم والنقود مررررررررره لاتاخذي عندها نصيحه

هي كويسه بس ماهي فاهمه الماده مزبوط او ماتقدر توصل المعلومه لنا لانها مسكت هذي الماده الترم اللي فات اول مره

لها..وكانت في النقود تجيب في الاختبار عددي في 4 نقاط وهي في المحاضره ممليتنا 3 نقاط فقط <<هذي الحركه سوتها في

الدوري الاول والثاني وقالت خلوني اكملها في النهائي والله سوتها :( ولمن نقولها انو مو كذا في الدفتر قالت خلاص انا

حشوف الاوراق <<تصريفه محترمه وشوفو بس كيف تطير الدرجات