][ مستجدي الكيمياء الحيوية و الأحياء حيـــاكـــم // استفساراتكم هنا ][

[بيو كيميائية ^_^]

إذا راح تحولي لتغذية فبايوكمستري أقرب شيء لها

بس كم معدلكـِ أنتِ الحين ؟؟ في الأربعة و إلا مرة بعيد

كمان خذي أول ترم ثقافة و عربي و كيمياء حيوي 201 و الباقي ع كيفك بس هذا أهم شيء

و الترم الثاني خذي أيض و إنزايم و عربي و ثقافة و مصطلحات طبية و حرة

عشان يعادلون لك المواد العامة و الكيمياء الحيوي

بالنسبة للدكاترة شوفي مين يدي المواد و خبريني إذا قديمين فراح أفيدك أما الجدد ما أعرف عنهم شيء

بالتوفيق

[بيو كيميائية ^_^]

المشاركة الأصلية كتبت بواسطة huda3 السلام عليكم انا محتاره جداا انو اكمل في قسم الكمياء الحيوي و ايش ححكون بعد التخرج :((! ولا الافضل اني احول لقسم الاحصاء !! :( ارجو افدتيي في اقرب وقت :(

و عليكم السلامـ

الصدق وظايف الإحصاء أكثر من الحيوي

و طبعًا أنت و كيفكـ

بالتوفيق

[Msruby]

سلام عليكم '

حالتي تقريبا نفس Rajoo بس انا نفسي احول طب لكن في ناس قالو ماينفع صح ولا لا ؟
تاني حاجة بدي احذف الكيمياء الحيوي من جدولي لاني مو مرا شاطرة في الكيمياء ومابا معدلي ينزل ينفع تنحذف ولا مايسير ؟
وايش المواد اللي تنصحوني اخدها تكون سهلة تساعدني ارفع المعدل ؟

وشكرا ،،

[LeLou]

المشاركة الأصلية كتبت بواسطة msruby سلام عليكم ' حالتي تقريبا نفس rajoo بس انا نفسي احول طب لكن في ناس قالو ماينفع صح ولا لا ؟ تاني حاجة بدي احذف الكيمياء الحيوي من جدولي لاني مو مرا شاطرة في الكيمياء ومابا معدلي ينزل ينفع تنحذف ولا مايسير ؟ وايش المواد اللي تنصحوني اخدها تكون سهلة تساعدني ارفع المعدل ؟ وشكرا ،،

و عليكم السلام..

بصراحة أنا على حسب ما سمعت أنه ما في أحد يتحول على بشري و الله أعلم..
طبعًا هو مو مسألة تحذفي،، أصلا جدولك انتِ اللي ح تعمليه مو زي أيام التحضيري..
تقدري تضيفي اللي تبغيه و تسيبي اللي ما تبغيه،، جدولك انتِ اللي تعمليه بنفسك..
لكن اللي أعرفه أنه لازم تضيفي في أول ترم مادة تخصص واحدة على الأقل..
و إذا اكتشفوا على طول يسووا لك مشكلة،، و لو بتضيفي من عندهم ح يقولوا لك حطي مادة تخصص..
كمان على حسب ما صار السنة اللي فاتت أنهم رفضوا يضيفوا لطالبات المستوى الثالث مواد حرة ..

طبعًا خذي مواد عامة عربي و ثقافة و شوفي إذا قدرتي تضيفي مواد حرة يكون نعمة و فضل..
بالنسبة لمواد القسم نفسه يساعدوكِ فيها البيوكيميائيات إن شاء الله..

بالتوفيق||~

[بيو كيميائية ^_^]

المشاركة الأصلية كتبت بواسطة msruby سلام عليكم ' حالتي تقريبا نفس rajoo بس انا نفسي احول طب لكن في ناس قالو ماينفع صح ولا لا ؟ تاني حاجة بدي احذف الكيمياء الحيوي من جدولي لاني مو مرا شاطرة في الكيمياء ومابا معدلي ينزل ينفع تنحذف ولا مايسير ؟ وايش المواد اللي تنصحوني اخدها تكون سهلة تساعدني ارفع المعدل ؟ وشكرا ،،

و عليكمـ السلامـ

ماتقدرين ماتاخذين كيمياء حيوي لازم تاخذيها و كمان راح تتعادل لك

بعدين ماهي كيمياء و لا تقرب له

فلا تخافي

[RajoO..♥OS]

انا بالتقريب معدلي 4 بس لسى ما اعرف مين الدكاتره
وكمان ما اعرف اسوي الجدول علمونا كيف احسه حوسه يعني شي ما ينعرف له

شكرا بيوكيميائيه..

[LeLou]

^
^
في هذا الموضوع خطوات الحذف و الإضافة مشروحة و واضحة:~
خطوات الحذف والإضافة ‏

و لا تشيلي هم العملية سهلة لو عرفتي لها مرة ح تصير معاك بعد كذا تلقائية..
بالتوفيق||~

[sarah231]

عندي سؤال أنا حولت من كلية لكلية و حطيت و أتقبلت أحياء
بس دوبي أعرف أنو كمان أستنى سنة و نص عشان أتخصص
بس ماني عارفة الخطة الدراسية حقت الأحياء قبل التخصص , بس شايفة الخطط الدراسية حق التخصصات , أخاف أني تأخرت :( ماني عارفة أيش أسوي

[LeLou]

المشاركة الأصلية كتبت بواسطة sarah231 عندي سؤال أنا حولت من كلية لكلية و حطيت و أتقبلت أحياء بس دوبي أعرف أنو كمان أستنى سنة و نص عشان أتخصص بس ماني عارفة الخطة الدراسية حقت الأحياء قبل التخصص , بس شايفة الخطط الدراسية حق التخصصات , أخاف أني تأخرت :( ماني عارفة أيش أسوي

ما تفرق يا عزيزتي لو شفتي خطة أي قسم (نبات، حيوان، جيونوم، أو مايكرو)،، راح تلقي أنه المستوى الثالث و الرابع و الخامس نفس المواد و هي دي المواد اللي قبل التخصص..
بعدين إبتداءً من المستوى السادس راح تبدأ تتغير المواد بناءً على التخصص اللي أنتِ فيه..
تقدري تحملي مجلة كلية العلوم اللي رابطها في المشاركة الأولى و مثبتة هنا في المنتدى،، و راح تلقي فيها الخطط الدراسية للأقسام الأربعة و راح تلاحظي اللي قلته و هو تطابق المواد في المستويات الثلاثة الأولى..

بالتوفيق||~

[ابن دغسان]

بنات لو سمحتو انا خلصت سنه تحضيرية و نزلي تخصص كلية العلوم
و ابغى اختار قسم الاحياء الدقيقة
كيف يتم الاختيار !!! انا رحت الجامعه و قالولي تابعي في الاوديس
و الاوديس ما تغير فيه شي !!
ايش اسوي حيبدأ الترم و انا ما اخترت القسم
ارجووووووكم ساعدوووني