ماذا تفعل لو تزوجت حبيبتك؟

[سكووت]

اذا هم اصلا انتهت علاقتهم وتزوجت غيرو دا شي تاني ..

لكن لو انو كان يحبــها كان حاول المستحيل عشان تكون ملك لو وما تتزوج غيرو لكن يتركها تتزوج غيرو ويقول انو بيضحي وفقد الحبيب ومدري ايش واهم شي سعادتها قمة السخف ..المفروض يحارب عشانها ..ولكـن الحرب دي احسها نادرة بالسعودية لانو الحب هنا حب مراهقين وحب مصالح وحب تسلية ..(اقصد بحب بزورة يعني مراهقة وتسلية وفشخرة انو حب او عرف فلانة وعلانة) لكن الحب الجدي اللي يخاف على المحبوب حقو من كل شي يحميه ويساعدو ويفكر فيه ..اعتقد نادر جدا
في قصص حب نجحت انا ماقلت لا ..وان شالله تكمل نجاحهـا ..كلامكـ اللي بالازرق حلو ولكـن الكلام دا وين عشتو بالسعودية او بكـندا ..

[عادل مظفر]

[quote=سكووت;1994024] اذا هم اصلا انتهت علاقتهم وتزوجت غيرو دا شي تاني ..

حتى واذا انتهت العلاقة ممكن يصيروا اصدقاء

لكن لو انو كان يحبــها كان حاول المستحيل عشان تكون ملك لو وما تتزوج غيرو لكن يتركها تتزوج غيرو ويقول انو بيضحي وفقد الحبيب ومدري ايش واهم شي سعادتها قمة السخف ..المفروض يحارب عشانها ..ولكـن الحرب دي احسها نادرة بالسعودية لانو الحب هنا حب مراهقين وحب مصالح وحب تسلية ..(اقصد بحب بزورة يعني مراهقة وتسلية وفشخرة انو حب او عرف فلانة وعلانة) لكن الحب الجدي اللي يخاف على المحبوب حقو من كل شي يحميه ويساعدو ويفكر فيه ..اعتقد نادر جدا

وجهة نظرك .... احترمها جدا
ماعندي اضافة لافكارك اللي عندي قلتلك اياهم

في قصص حب نجحت انا ماقلت لا ..وان شالله تكمل نجاحهـا ..كلامكـ اللي بالازرق حلو ولكـن

اكييد حلو لان من صميم قلبي

وشكرا إلك ياذوق

الكلام دا وين عشتو بالسعودية او بكـندا ..

سيبك اللقااااافة يابنت
تمووووتوا عشان تعرفوا

في أحلى واجمل ايام عمري .... في كندا لكن مهي كندية هي من احدى دول الخليج

[feeling angle]

اهلين اخوي مظفر
وتمنياتي لك بحياة مليئة بالحب تنسيك الحبيب الاول
واختي سكووت انا مؤمنة مية بالمية في عندنا قصص حب وحارب من اجلها المحبون لكن لم يكتب لها نصيب
صحيح مافي التقاء بين الطرفين
بس في نظرات ورسائل وافكار وخواطر وسهر ليالي ما يتنسى
وعمر ماكان الحب لعب بزورة ابدا...
ايضا وجهة نظري,,

[سكووت]

ايش اسوي اللقافة تجري بدمي عندك حل خخخخخخخخخ

كنت حاسة انها بكندا عشان بالخارج تحس الافكار منفتحة تقدر تعبر عن حبك تقدر تعيشو وتحس فيه ..
بس هنا احس باقي بدري ..الحب لعب بزورة عندنا بالسعودية (الغالب وليس الكل عشان ماحد يقول لا تعممي)

الاجواء عندنا والبيئة كانت عامل في انو الحب يصير مرحلة مراهقة وبزرنة وتنتهي ..

[feeling angle]

ان كنت مصرة ان مافي فانا راح احكيك حكاية في اثنين عندنا حبوا بعض من صغار والله افتكر لما كنا نتجمع في بيت اهل الولد كان يجمع الينات كلهم ويضربهم ماعدا هي
وبعدين كبروا احنا نسينا بس هم مانسيوا حبهم
الولد كان بيلمح لعمو انو يبغى البنت بس الولد ما توظف وعمو يبغى يزوج البنت
المهم انخطبت وافق ابوها بس البنت تعبت واتنومت في المستشفى وابوها مصر الايزوجها اللي يبغاة بس العريس عرف وفسخ الخطوبة
المهم هذي القصة انكتب لها النجاح
وفي غيرها كثير البنت تكتم عبرتها بخاطرها و الولد يحاول بس الاهل يرفضوا
هذا من واقعنا,,,,

[feeling angle]

سكوت انتي تقولي لعب بزورة لان احنا واغلبنا ما نفصح بمشاعرنا للعلن
تظل محبوسة بداخلنا
نقهرها ونسحقها ولكن تعذبنا اذا ماخلونا بمفردنا,,,,

[سكووت]

وليه مانفصحها ونقهرها ونحبسها ..عشان المجتمع مايساعد ابدا ابدا غير يوم تكوني بالخارج عندهم الحب شي مقدس شي راقي الواحد مايخجل يعبر عن حبو ..
لكن صار الحب هنا بسبب المجتمع لعب بزورة احب ليا كم يوم وبعدين تنتهي العلاقة وخلاص كل واحد يروح بطريقو ..
لكن في مثال كمان على حب نجح اللي هوا عمي اكبر من ب 3 سنوات تقريبا هوا دحين بالكلية تعرف على وحده وحبها ودحين مخطوبين ..مااقدر احكم اذا علاقتهم ناجحة او لا حستني لمن الزواج واشوف ..يمكن وجهة نظري تتغير بالحب في السعودية الله اعلم ..

[feeling angle]

نهقرها لاننا عرب تربينا على القهر والخشونة
وطبعنا الصلب مايسمح لاي احد ان يرى اسرار قلوبنا
يمكن لاننا نعتبرالحب ضعف
واحنا مانرضى بالضعف نكابر لاخر لحظة
بس مو معنى هذا الكلام انا بدون احساس لدرجة انا مانعرف نحب لا والف لا
نحب بس بعقل و يظل الحب يعذبنا ...

[ابن مصر]

عـــــــــــــــــــــــــــــــــــــــــــــــــ ــــــادى
وعلي راى الشعر
من حبنا حبناه وصار متاعنا متاعه
ومن سابنا سبناه يحرم علينا اجتماعه


طالما باعت يبقي متستهلش الواحد يزعل عليها

[ستأتي أيامي]

اللي باعك بيعووو
يعني لو هي ماقدرت حبكم ولا افتكرتو وسوت شي على مزاجها بالله ايش تبغى منها في ستين دهية
على قولة ماما : السكة
يعني مع السلامة وطز